জল শক্তি মন্ত্রালয়
অসম্না ইং ২০২৪ ফাওবগী মনুংদা ‘হর ঘর জল’ রাজ্য ওইনবগীদমক্তা অচুম্বা লম্বীদা চৎলি
হৌখিবা থা ৬কী মনুংদা ইমুং লাখ ৯দা থক্নবা তোতি ঈশিং য়ৌহনখি
কেন্দ্রনা জে.জে.এম.গী পান্দম ফংনবগীদমক্তা রাজ্যদা পীবা য়াবা তেংবাং খুদিংমক পীরিঃ সেক্রেতরী, দি.দি.দবল্যু.এস.
Posted On:
19 JAN 2022 5:58PM by PIB Imphal
দিপার্তমেন্ত ওফ দ্রিঙ্কিং ৱাতর অমসুং সেনিতেসন (দি.দি.দবল্যু.এস.)গী সেক্রেতরী, শ্রীমতি বিনি মহাজন্না ঙসি অসমগী চীফ সেক্রেতরী, শ্রী জিশ্নু বরুৱাগা লোয়ননা জল জীবন মিসন অমসুং স্বচছ ভারত মিসনগী থবকশিং য়েংশিনখ্রে। শ্রীমতি মহাজন্না রাজ্যসিদা পায়খৎলিবা মরু ওইবা মিসন অনিগী ঙসিগী য়েংশিনবগী মীফমসিদা অসম্না খুঙ্গংগী ইমুংশিংদা থক্নবা তোতি ঈশিং ফংহন্নবা হৌজিক ফাওবদা মায় পাক্না থবক পায়খৎখিবগীদমক্তা থাগৎপা ফোংদোকখি। মহাক্না হায়খিবদা, “অসম রাজ্যনা ইং ২০২৪ ফাওবগী মনুংদা য়ুম্থোং খুদিংদা থক্নবা তোতিগী ঈশিং অশেংবা ফংহনবগী পান্দম ফংনবা অচুম্বা লম্বীদা চৎলি অমসুং মসিগীদমক্তা কেন্দ্রনা রাজ্যসিদা পাংবা য়াবা মতেং খুদিংমক পীরি”। দি.দি.দবল্যু.এস.কী এদিস্নেল সেক্রেতরী, শ্রী অরুন বারোকা; এস.বি.এম. অমসুং জে.জে.এম. অসমগী এ.সি.এস. ইন-চার্জ, শ্রী অবাসি; অসমগী ফাইনান্স সেক্রেতরী, শ্রী সমির সিনহা অমসুং দি.দি.দবল্যু.এস.কী ওফিসিএলশিংসু ওনলাইন্দা পাংথোকখিবা ঙসিগী হঙ্গৎনা য়েংশিনবগী মীফমদা শরুক য়াখি।
শ্রী মহাজন্না মীফম হৌদোকপগী ৱারোলদা অসুম্না ফোংদোকখি, “জল জীবন মিসন অসি দিসেন্ত্রেলাইজ, অপাম্বনা শাফু পীবা, খুন্নাইনা শেন্নবা ঈশিং পীবগী স্কিম্নি অমসুং মসিনা য়ুম্থোং খুদিংদা থক্নবা অশেংবা ঈশিং ফংহন্দুনা খুঙ্গংগী মীয়ামগী পুন্সি মহিং হেন্না ফগৎহন্নবা পান্দম থম্লি। রাজ্য অসিনা হৌখিবা থা ৬কী মনুংদা পাংথোকখিবা থবকশিংবুসু ঐহাক্না থাগৎলি”।
শ্রীমতি মহাজন্না স্বচ্ছ ভারত মিসনবু থবক ওইনা পাংথোকপগী মতাংদা ৱা ঙাংবদা অসুম্না হায়খি, “জিলাশিংনা মখোয়গী লমদমবু ওপন দিফিকেসন ফ্রী ওইরে হায়না লাউথোক্নখ্রবসু থৌওং অসি অমুক্তং পাংথোক্কদবা থৌওং নত্তে। প্রোগ্রাম অসিগী মখাদা খুঙ্গংশিংগী মতম পুম্বগী ওইগদবা ও.দি.এফ. স্তেতসপু তুং কোইনা ঙাক্তুনা থম্বা ঙম্নবা খুন্নাই অমসুং মশা-মশাগী লিচত্তা অহোংবা পুরক্নবা হোৎনরি”। রাজ্যসিগী স্কুল অমসুং অঙ্গনৱাদী সেন্তরশিংদা অথুবা মতমদা তোতি ঈশিং ফংহন্নবা হোৎনবগী মতাংদা মহাক্না মিৎয়েং চঙখি।
![](https://static.pib.gov.in/WriteReadData/userfiles/image/image001405A.jpg)
ওগস্ত ১৫, ২০১৯দা জল জীবন মিসন লাউথোকখিবা মতমদা রাজ্যসিগী অপুনবা ইমুং লাখ ৬৩.৩৫গী মনুংদগী শুপ্নগী ইমুং লাখ ১.১১ (১.৭৬%) খক্তদা থক্নবা তোতি ঈশিং ফংলম্মি। থা ২৮গী চাউরাকপা মতমদা, ইমুং লাখ ১৭.৪৬তা থক্নবা তোতি ঈশিং অশেংবা ফংহনখি। মমাংগী থা ৬খক্তগী মনুংদসু, ইমুং লাখ ৮.৫ হেনবদা থক্নবা তোতি ঈশিং অশেংবা ফংহনখি।
অসমগী চীফ সেক্রেতরী, শ্রী জিশ্নু বরুৱানা রাজ্যগী থবক পাংথোকখিবগী ফিভম লান্থোকপা মতমদা “ঐখোয়না অৱাং নোংপোক্কী খ্বাইদগী চাউবা রাজ্যসিদা শুপ্নগী ১%গী চাংদা তোতি ঈশিং ফংদুনা মিসন হৌদোকখিবা অসি য়েংলুরগদি, ঐখোয়না মশক থোকপা পাংথোক্লে। ঐখোয়না মমাংগী থা ৬কী মনুংদা চাউনা মায় পাকখি। রাজ্যসিনা অপীকপা বেজকা লোয়ননা হৌখিবনা, প্রোগ্রাম অসিবু থবক্তা ওন্থোক্নবা থবক থৌরম কয়া পরিং নাইহন্নবা হোৎনবদা মতম খরা চঙখি। হৌজিক্তি, লেমহৌরিবা থবকশিং অসি পাক শন্না পায়খৎলগনি”।
![](https://static.pib.gov.in/WriteReadData/userfiles/image/image0027L6J.jpg)
জল জীবন মিসন্না ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী ৱাখল্লোন্দা থবক তৌদুনা “মীওই অমত্তা চিত্থদবা” হায়বা মোতো লৈখি অমসুং থক্নবা তোতি ঈশিংবু মীপুম খুদিংদা ফংহনবগী পান্দম থমখি। ইং ২০১৯দা মিসন অসি হৌদোকখিবদা, লৈবাক্কী অপুনবা ইমুং করোর ১৯.২০গে মনুংদগী শুপ্নগী করোর ৩.২৩ (১৭%)দা তোতি ঈশিং পুশিল্লম্মি। কোবিদ-১৯ লাইচৎ অমসুং লোকদাউন লৈখিবনা অপনবা কয়া পীরবসু, হৌখিবা থা ২৮গী মনুংদা জল জীবন মিসনগী থবকশিংনা খোঙজেল য়াঙনা চত্থদুনা ইমুং করোর ৫.৫৯দা তোতি ঈশিং য়ৌহনখি। হৌজিক্কী ওইনা, লৈবাক শিনবা থুংবগী ইমুং করোর ৮.৮৩ (৪৫.৮৮%)দা তোতি ঈশিং পুশিল্লে। গোৱা, তেলঙ্গানা, হরিয়ানা রাজ্য অমসুং অন্দমান অমসুং নিকোবার অমদি পুদুচেরীগা লোয়ননা দদ্রা অমসুং নগর হবেলী অমসুং দামন এন্দ দ্যুনা খুঙ্গংগী লমদমশিংদা ১০০%গী চাংদা শোইদনা তোতি ঈশিং পুশিলহন্নবা কন্না হোৎনরি। হৌজিক হৌজিকসু, হায়রিবা লমদমশিং অসিগী জিলা ৯০ অমসুং খুঙ্গং লাখ ১.৩১ হেনবগী য়ুম্থোং খুদিংদা তোতি ঈশিংগী খুদোংচাবা য়ৌরে।
জল জীবন মিসনগী থবক পায়খৎপদা নুং পান ফাওনা উবা অমসুং থাজবগী থৌওং লৈহন্নবগীদমক্তা মিসন অসিগা মরী লৈনবা ই-পাউ খুদিংমক পব্লিক দোমেন্দা লৈরে অমসুং জে.জে.এম.গী দেশবোর্দসু মখাগী লিঙ্ক অসিদগী চঙবা য়াগনিঃ https://ejalshakti.gov.in/jjmreport/JJMIndia.aspx
*******
(Release ID: 1791085)
Visitor Counter : 202