ইকাই খুম্নরবা প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেৎনা অখন্নবা লোন একাউন্তশিংদা শেল পুরিবশিংদা থা তরুক্কী (১/৩/২০২০দগী ৩১/৮/২০২০ ফাওবগী) কম্পাউন্দ ইন্তরেস্ত অমসুং সিম্পল ইন্তরেস্তকী খেন্নবগী এক্স-গ্রেসিয়া পীথোকপগী স্কিমগী মখাদা লেন্দিং ইন্সতিত্যুসন (এল.আই.)শিংনা থাংগৎলকখিবা লেমহৌরিবা ক্লেমশিংগা মরী লৈননা লুপা করোর ৯৭৩.৭৪গী শেনফম ওইবা এক্স-গ্রেসিয়া পীথোকপদা অয়াবা পীখ্রে।

কান্নবশিং-

থা তরুক্কী মোরাতোতিয়ম মতমগী কম্পাউন্দ ইন্তরেস্ত অমসুং সিম্পল ইন্তরেস্তকী খেন্নবগী এক্স-গ্রেসিয়াগী শেনফম্বু শেল পুরিবশিংনা মোরাতোরিয়ম ফংবা ফংদবা থিদনা অৱাবা তারবা শেল পুরিবশিংগী কাংলুপ্তা পীথোকপগী অয়াবা পীখিবনা স্কিম অসিনা শেল পীক্না পুবা মীওইশিংদা লাইচৎনা নংহনখিবা অৱাবা মাইয়োক্নবা ঙমহনবগা লোয়ননা মশা মথন্তা লেপচবসু ঙমহল্লগনি।

স্কিম অসিগী থবক পাংথোকপগী কাঙলোনশিংসু কেবিৎনা অয়াবা পীবগী মতুং ইন্না হান্ননা খঙহনখ্রবনি। লুপা করোর ৯৭৩.৭৪গী হায়রিবা শেনফম অসি পনখ্রিবা কাঙলোনগী মতুং ইন্না পীথোক্কনি।

বেকগ্রাউন্দঃ

কোবিদ-১৯ লাইচৎ য়েংলদুনা, “অখন্নবা লোন একাউন্তশিংদা শেল পুরিবশিংদা থা তরুক্কী (১/৩/২০২০দগী ৩১/৮/২০২০ ফাওবগী) কম্পাউন্দ ইন্তরেস্ত অমসুং সিম্পল ইন্তরেস্তকী খেন্নবগী এক্স-গ্রেসিয়া পীথোকপগী স্কিম” অসিবু কেবিনেৎনা ওক্তোবর ২০২০দা লুপা করোর ৫,৫০০গী শেনফম পীথোকপগী অয়াবা পীখি। মখাদা পীরিবা শেল পুবা মীওইশিংগী কাঙলুপশিংনা স্কিম অসিগী মখাদা এক্স গ্রেসিয়া ফংবগী মতিক চারেঃ

1. লুপা করোর ২ ফাওবগী এম.এস.এম.ই. লোন
2. লুপা করোর ২ ফাওবগী এজুকেসন লোন
3. লুপা করোর ২ ফাওবগী হাউজিং লোন
4. লুপা করোর ২ ফাওবগী কঞ্জ্যুমর দ্যুরেবল লোন
5. লুপা করোর ২ ফাওবগী ক্রেদিৎ কার্দ দ্যু
6. লুপা করোর ২ ফাওবগী ওতো লোন
7. vii. প্রোফেস্নেলশিংদা পীবা লুপা করোর ২ ফাওবগী পর্স্নেল লোন
8. লুপা করোর ২ ফাওবগী কঞ্জম্পসন লোন

স্কিম অসিগীদমক্তা শেনবা চহি ২০২০-২০২১গীদমক্তা লুপা করোর ৫,৫০০গী বজেৎ কাইথোকখি। লুপা করোর ৫,৫০০গী অপুনবা শেনফম, কেবিনেৎনা অয়াবা পীবগী মতুং ইন্না, অসি স্কিম অসিগী মখাদা লৈবা নোদেল এজেন্সী এস.বি.আই.দা লেন্দিং ইন্সতিত্যুসনশিংদা মখা তানা পীথনবগীদমক্তা থাদোকখ্রে।

মমাংদা পনখ্রিবা লোন কাঙলুপশিংগীদমক্তা এস.বি.আই. অমসুং সেদ্যুল কম্মর্সিএল বেঙ্কশিংগী ওইগদবা শরুক পাথোক্লবা তুংদা পানরিবা লুপা করোর ৫,৫০০গী শেনফম ওইগনি হায়না ৱারেপ লৌখিবনি। ইন্দিভিজুএল লেন্দিং ইন্সতিত্যুসনশিংনা মখোয়গী প্রী-ওদিতেদ একাউন্ত ৱাইস ক্লেম থাজিল্লবা তুংদা অশেংবা শেনফম খঙগনি হায়না কেবিনেৎকী মফমদা পাউদমখি।

এস.বি.আই.না হৌজিক লেন্দিং ইন্সতিত্যুসনশিংদগী লুপা করোর ৬,৪৭৩.৭৪গী চাউরাকপা শেনফমগী ক্লেম ফংলে হায়না ফোংদোরক্লি। লুপা করোর ৫,৫০০দি এস.বি.আই.দা হান্ননা থাদোকখ্রবনি, লেমহৌরিবা লুপা করোর ৯৭৩.৭৪গী শেনফমগী অয়াবা অসি হৌজিক কেবিনেত্তগী ঙাইরি।

*****