রাজ্যগী কেন্দ্রগী মন্ত্রী (ইন্দিপেন্দেন্ত চার্জ) সাইন্স অমসুং তেক্নোলোজী; রাজ্যগী মন্ত্রী (ইন্দিপেন্দেন্ত চার্জ) আর্থ সাইন্স; এম.ও.এস. পি.এম.ও., পর্সোন্নেল, পব্লিক গ্রীবেন্সেস, পেন্সনস, এতোমিক ইনর্জি অমসুং স্পেস, দাঃ জিতেন্দ্র সিংহনা ঙসি হায়খি মদুদি লায়চৎ অসি লান্থেংননবা রেলৱে কোচেস, এ.সি. বসশিং, কোইশিন্দুনা লৈবা মফমশিংদা সি.এস.আই.আর.গী নৌনা শেমগৎলবা দিসইনফেক্সন তেক্নোলোজী ইন্সতোল তৌরে।  

মন্ত্রী অসিনা পাউদমখি মদুদি সি.এস.আই.আর.-সি.এস.আই.ও. (সেন্ত্রেল সাইন্তিফিক ইন্সত্রুমেন্তস ওর্গানাইজেসন)গী খুত্থাংদা সাইন্স অমসুং তেক্নোলোজীগী মন্ত্রালয়না শেমগৎপা য়ু.ভি.-সি. তেক্নোলোজীগী অসি এস.এ.আর.এস.-সি.ও.বি.-২না নুংশিৎনা পুবা লৌনগনবা লায়না হন্থহনবদা মপুং ফানা কান্নবা পী অমসুং কোবিদ মতুংগী মতমদসু মান্ননা কান্নবা ফংহনগনি। তেক্নোলোজী অসি রেলৱে কোচেস, এ.সি. বসশিং অমসুং পার্লিয়ামেন্ত হাউস ফাওবদা মায় পাংথোকখ্রে অমসুং মীয়াম পুম্বা শিজিন্ননবগীদমক জেনেরেল ওইনা হৌদোক্নবা হৌজিক হাংদোক্লে, হায়না মহাক্না হায়খি।   

দাঃ জিতেন্দ্র সিংহনা এস.এ.আর.এস.-সি.ও.বি.-২না শন্দোকপা লায়না হন্থহন্নবগীদমক সি.এস.আই.আর.না পীবা দিসইনফেক্সন তেক্নোলোজীগী গাইদলাইন ফোংখ্রবা মতুংদা ৱা ঙাংখি। দাঃ জিতেন্দ্র সিংহনা চেকশিন্নবা হায়খি মদুদি অদুম ওইনমক দিসইনফেক্সন তেক্নোলোজী অসি ইন্সতোল তৌরবসু মীপুম খুদিংমক্না কোবিদকী চৎন-কাংলোন হায়বদি ফেস মাক্স উপ্পা, মীওই অমগা-অমগা থাপ্না লৈনবা, মীয়াম পুনদবা অসিনচিংবশিং অসি য়েম্না চেকশিন্না ঙাকপিগদবনি হায়না পাউতাক পীখি।   

দাঃ জিতেন্দ্র সিংহনা হায়খি, তেক্নোলোজী অসি তঙাইফদবা ভেন্তিলেসনগী লৌখৎকদবা খোঙথাংশিং, তঙাইফদবা শোই ঙামদনবা অমসুং য়ুজর গাইদলাইন অমসুং তেস্তেৎ বাইও-সেফতী স্তেন্দার্দ অসিনচিংবশিং অসিগা লোয়ননা এরোসোল অমদা য়াওবা এস.এ.আর.এস.-সি.ও.বি.-২বু দিএক্তিবেসন তৌবদা চংবা তঙাইফদবশিং য়েংদুনা শেমগৎপনি। য়ু.ভি.-সি.না ২৫৪ এন.এম. য়ু.ভি. লাইত শিজিন্নদুনা চপ চাবা দোজগা লোয়ননা ভাইরসশিং, বেক্তরিয়া, ফঙ্গস অমসুং অতৈ বাইও-এরোসোলশিং অসিনচিংবশিং দিএক্তিবেৎ তৌই।

দাঃ জিতেন্দ্র সিংহনা হায়খি মদুদি রাজ্য ৫দা এসেমব্লী পোল পাংথোক্নবা ফিজিকেল রেলীশিং অমসুং রোদশো মতম খরগী ওইনা অথিংবা থমখিবগী মনুংদা অকক্নবা কেপাসিতীগা লোয়ননা ইন্দোর মিতিং পাংথোকপদা হায়রিবা তেক্নোলোজী অসি শিজিন্ননবা ভারতকী ইলেক্সন কম্মিসন্দা সি.এস.আই.আর.না অইবা অমা থাগদৌরি। মহাক্না হায়খি, য়ু.ভি.-সি. এয়র দক্ত দিসইনফেক্সন সিস্তেম অসি ওদিতোরিয়ম, অচৌবা কনফরেন্স রুম, ক্লাস-রুম, মোল অসিনচিংবা হায়রিবা অসিনা হৌজিক ওইরিবা লায়চৎ অসিদা ইন্দোর এক্তিবিতীগীদমক হেন্না শাফবা মফমশিংদা শিজিন্নবা য়াই।

নিংশিংবা য়াই মদুদি ইলেক্সন কম্মিসন্না হন্দক্তা পোল বাউন্দ ওইরিবা রাজ্যশিংদা ইন্দোর মিতিংগীদমক য়াম্লবদা মীওই ৩০০গী কেপাসিতী অমসুং হোল নত্ত্রগা ওদিতোরিয়ম কেপাসিতীগী চাদা ৫০গী অয়াবা পীখিবনি, হায়রিবা অসিদা ইলেক্সন মনুংদা মোদেল কোদ ওফ কন্দক্ত অমসুং কোবিদ প্রোতোকোলশিং নিংথিনা চৎননবা হায়রি।

দাঃ জিতেন্দ্র সিংহনা পাউদমখি মদুদি তেক্নোলোজী অসি হৌখিবা চহিদা পার্লিয়ামেন্তগী মুন্সুন সেসনগী মাংওইননা, জুলাইদা সেন্ত্রেল হোল, লোক সভা চেম্বর অমসুং কম্মিতী রুম ৬২ অমসুং ৬৩দা নুংশিৎতা লান্নবা লায়না এস.এ.আর.এস.-সি.ও.ভি. -২ হন্থনবা ইন্সতোল তৌখিবনি। মন্ত্রীনা হায়খি, লাক্লিবা বজেৎ সেসন অসিগী মাংওইননা তেক্নোলোজী অসি ইন্সতোল তৌননবা রাজ্য সভাগী সেক্রেতরী জেনেরেলদা মহাক্না অইবা অমা থারগনি।

মন্ত্রীনা সাইন্তিফিক ওইবা অমা তান্নবদা সি.এস.আই.আর.গী লেগেসীদা অপাম্বা ফোংদোকখি অমসুং মীচম প্রজাগী নোংমগী পুন্সিগী তাঙ্কক কয়াদা ওর্গানাইজেসন অসিনা লৌরিবা থৌদাংশিং অসি উৎনবা কন্না হায়খি। সি.এস.আই.আর.না সাইন্স অমসুং তেক্নোলোজীগী লমদা মালেমগী ওইনা অখন্নবা থাক অমদা থম্লি, হায়না মহাক্না হায়খি।   

হাউসিং অমসুং আর্বান এফিয়র্সকী মন্ত্রালয় (এম.ও.ঐচ.য়ু.এ.)গী সেক্রেতরী শ্রী মনোজ জোশীনা হায়খি সি.এ.দবল্যু.দি.না সরকারগী অমসুং লনাইগী বিল্দিংশিংদা য়ু.ভি.-সি. এয়র দক্ত দিসইনফেক্সন সিস্তেম পাক-শন্না শন্দোকপা অমসুং লৌশিনবা মতমদা সি.এস.আই.আর.গা লোয়ননা থবক তৌগনি।  

রেলৱে বোর্দকী এজিক্যুতিব দাইরেক্তর, এ.কে. মলহোত্রানা পাউদমখি মদুদি য়ু.ভি.-সি. দিসইনফেক্সন তেক্নোলোজী অসি কিলোমিতর ১০০০ অমগী অশাংবা ওইবা বন্দ্রাদগীনা চান্দিগর ফাওবগী রেলৱে কোচতা থা অমগী ওইনা মায় পাক্না চাংয়েং তৌখ্রে। মহাক্না হায়খি আর.দি.এস.ও. (রিসর্স দিজাইনস এন্দ স্তেন্দার্দ ওর্গানাইজেসন), লখনৌনা তেক্নোলোজী অসি রেলৱে কোচশিংদা ফেজ নাইনা শিজিন্ননবা রিকম্মেন্দ তৌরি।

রোদ ত্রান্সপোর্ত অমসুং হায়ৱে মন্ত্রালয়গী জোইন্ত সেক্রেতরী অমিত বরাদন্না হায়খি মদুদি য়ু.ভি. তেক্নোলোজী অসি উত্তর প্রদেশ স্তেত রোদ ত্রান্সপোর্ত কোর্পোরেসন (য়ু.পি.এস.আর.তি.সি.)গী এ.সি. বসশিংদা মায় পাক্না শিজিন্নখ্রে অমসুং পাউদমখি মদুদি মহাক্কী মন্ত্রালয়না পেসেঞ্জর ত্রান্সপোর্ত ভেহিকল পুম্বদা ফোর্ৱাদ পীবগী অপাম্বা থম্লি।

দি.জি. সি.এস.আই.আর. শ্রী শেখর সি. মান্দে, দাঃ রাজেশ গোখলে অমসুং লৈবাক শিনবা থুংনা লৈরিবা সি.এস.আই.আর. লেবকী মকোক থোংবা ওফিসিএলশিংনা হায়ব্রিদ মোদতা থৌরম অসিবু শরুক য়াখি।

<><><><><>