ஓட்டுநர்களின் பாதுகாப்பை உறுதி செய்ய 2019 ஜூலை 1 அன்று அல்லது அதற்குப்  பின் தயாரிக்கப்பட்ட எம் 1 வகை (ஓட்டுநர் இருக்கையோடு 8 இருக்கைகளுக்கும் அதிகமில்லாத பயணிகளை ஏற்றிச்செல்ல பயன்படுத்தும் மோட்டார் வாகனங்கள் ) மோட்டார் வாகனங்கள் அனைத்திலும் ஓட்டுநர் அருகே காற்றுப்  பை பொருத்துவதை சாலை போக்குவரத்து மற்றும் நெடுஞ்சாலை அமைச்சகம் கட்டாயமாக்கியது.

இதன் பின்னர் ஓட்டுநர் தவிர முன்னிருக்கையில் அமர்ந்து செல்லும் நபருக்கும் காற்றுப்பை பொருத்துவதை 2022 ஜனவரி 1 முதல் எம் 1 வகை வாகனங்கள் அனைத்திற்கும் இந்த அமைச்சகம் கட்டாயமாக்கியது.

மோட்டார் வாகனங்களில் பயணம் செய்வோரின் பாதுகாப்பை விரிவுபடுத்த முடிவு செய்த அமைச்சகம் மத்திய மோட்டார் வாகன விதிகள் 1989-ல் திருத்தம் செய்தது. 2022 அக்டோபர் 1 க்கு பிறகு தயாரிக்கப்பட்ட எம் 1  வகை வாகனங்களில் பக்கவாட்டில் இரண்டு காற்று பைகள் பொருத்துவதை கட்டாயமாக்கும் நகல் அறிவிக்கை 2022 ஜனவரி 14 அன்று வெளியிடப்பட்டது.

மேலும் விவரங்களுக்கு இந்த ஆங்கில செய்திக்  குறிப்பைக் காணவும் :

https://pib.gov.in/PressReleasePage.aspx?PRID=1790044

****