ওমিক্রোন ভেরিএন্তনা থোকহল্লিবা হৌজিক ওইরিবা লাইচৎকী ফীভম অসি য়েংলআ লেবর এন্দ ইম্প্লোইমেন্ত মন্ত্রালয়গী সেক্রেতরী শ্রী সুনি বার্থৱালনা ময়াই তাংবল লৌদুনা ভিদিও কনফরেন্সিংগী খুত্থাংদা ১২.০১.২০২২দা মপুং ওইনা শিন্মীশিংগী অমসুং মরু ওইনা মাইগ্রেন্ত শিন্মীশিংগা মরী লৈননা রাজ্য/য়ু.তি.শিংনা লৌখৎলিবা খোঙথাং অদু য়েংশিন্নবা রাজ্য/য়ু.তি.শিংগা লোয়ননা কো-ওর্দিনেতিং মীতিং অমা পাঙথোকখ্রে। মীফম অদুদা এদিস্নেল চীফ সেক্রেতরীশিং, প্রিন্সিপল সেক্রেতরীশিং, স্তেৎ লেবর বিভাগশিংগী সেক্রেতরীশিং অমসুং রাজ্য/য়ু.তি.শিংগী লেবর কম্মিস্নরশিং অমসুং রেলৱে অমসুং দিপার্তমেন্ত ওফ ফুদ এন্দ পব্লিক দিস্ত্রিব্যুসনগী ওফিসরশিংনা শরুক য়াখি।

রাজ্য সরকারশিংনা কোবিদকী কেসশিং ৱাংখৎলক্লিবা রাজ্য/য়ু.তি. খরগী মফম খরদা নুমিদাংগী কার্ফিয়ু অমসুং ৱীকএন্দ কার্ফিয়ু থম্বা নত্তনা, লৈবাক অসিদা কনস্ত্রক্সনগী থবক-থৌরমশিং, ললোন-ইতিক্কী থবক-থৌরমশিং, দুকানশিং হাংবা অমদি ইন্দস্ত্রিএলগী থবক-থৌরমশিংদা অথিংবা অমত্তা লৈতে হায়না ফোঙদোকখ্রে। হৌজিক ফাওবদা সরকারশিংনা থম্লিবা অকক্নবা অথিংবশিং অসিনা মরম ওইরগা মাইগ্রেন্ত শিন্মীশিংগী মহৌশাগা মান্নদবা মওংদা চৎথোক-চৎশিন তৌবগী রিপোর্ত অমত্তা লৈতে। মাইগ্রেন্ত শিন্মীশিংনা মখোয়গী মশাগী রাজ্যদা পাক শন্না হন্নবগী চৎথোক-চৎশিন তৌরে হায়না মীদিয়াগী রিপোর্তশিং অসি অরানবনি অমসুং অসিগুম্বা পাউদম অসি অরিবা ফোতোগ্রাফশিংদা য়ুম্ফম ওই হায়বা খঙবসু ঙমখি। য়েংশিনখিবা নুমিৎ অসিদা, মফম খরদা লৈবা ৱর্কফোর্সতা অথিংবা ৫০% খক্তা লৈবতা নত্তনা লৈবাক শিনবা থুংবদা ললোন-ইতিক তৌবগী ফীভম মহৌশাগী ফীভমদা লৈখি।

কেন্দ্র লোয়ননা রাজ্য সরকারশিংনা ফীভম অসি কুপ্না য়েংশিল্লি অমসুং ফীভমগী মতুং ইন্না লাকপা দিমান্দ অদু লাকশিন্নবা মপুং ফানা শেম শাদুনা লৈ। রাজ্য সরকার খরনা লায়রবা করিগুম্বা মথৌ তারবদি দ্রাই রাসনশিং য়েন্থোক্নবা থৌরাংশিংসু হান্নদগী তৌদুনা লৈখ্রে। খরা অমনা রাজ্যশিংদা লৈরিবা বিল্দিং এন্দ অদর কনস্ত্রক্সন ৱর্করস (বি.ও.সি.দবল্যু.) সেস ফন্ফ অমসুং সোসিএল সেক্যুরিতী ফন্দদগী শেলগী মতেং পীনবা শেম-শাদুনা লৈরি। রেলৱেজনা মরু ওইনা মুম্বাই, দিল্লী, চেন্নাই, কোলকাতা, বেঙ্গলোর, অমসুং সিকন্দ্রবাদকুম্বা মরু ওইবা রেলৱে স্তেসনশিংদা ফীভম অসি য়াম্না কুপ্না য়েংশিল্লি অমসুং ফীভমনা য়াদ্রবদি অখন্নবা ত্রেনশিং চেলহন্নবা শেম শাদুনা লৈ। রাজ্য/য়ু.তি. পুম্নমক্তা লোকেল রেলৱে ওথোরিতীশিংগা লোয়ননা মতেং পাংনদুনা য়েংশিন্নবা পাউতাক পীখ্রে।

স্তেৎ লেবর কম্মিস্নরশিংনা কনস্ত্রক্সন সাইৎশিং, ফেক্তরীশিং অমসুং ইস্তব্লিশমেন্তদা অপনবা থোকপা লৈতে অমসুং শিন্মীশিং মরু ওইনা মাইগ্রেন্ত শিন্মীশিংনা মখোয়গী মশাগী রাজ্যদা হন্নবা পাক শন্না থদোক্তুনা চৎখিবা লৈতে হায়না কনফর্ম তৌখ্রে। রাজ্য সরকারশিংনা মাইগ্রেন্ত শিন্মীশিংগী অপাম-পামদশিং কুপ্না য়েংশিল্লি অসুং শিন্মীশিংনা থেংনগদবা অৱা মখল অমা হেক্তা ঙাকথোক্নবা মতেং পুম্বা ফংহন্নবা মপুং ফানা শেম শাদুনা লৈ। করিগুম্বা মথৌ তারক্লবদি মাইগ্রেন্ত শিন্মীগী ওইবা সমস্য অমা হেক্তা লাকশিন্নবা লেবর সপ্লাই তৌরিবা রাজ্যশিং অমসুং লেবর রিসিব তৌরিবা রাজ্যশিং অনিমক্কী মরক্তা মতেং পাংননবা সেক্রেতরীদা পাউতাক পীখি।

ই-শ্রম পোর্তেলদা অনওর্গনাইজ শিন্মী করোর ২১ হেনবনা মশাবু রেজিস্তর তৌখি হায়না সেক্রেতরীনা ফোঙদোকখি। মাইগ্রেন্ত শিন্মীশিংগী রেকোর্দ অমা থম্নবা মেকানিজম অমা পাইখৎনবা অমসুং ই-শ্রম পোর্তেলদা মশাবু রেজিস্তর তৌদ্রিবা লেমহৌরিবা শিন্মীশিং রেজিস্তর তৌনবা রাজ্য/য়ু.তি. সরকার পুম্নমক্তা খঙহনখি। মসিনা রাজ্য সরকারশিংনা শেলগী মতেং অমসুং অতোপ্পা কান্নবশিং মখোয়দা মতম চানা ফংহন্নবা থৌরাং তৌবদা মতেং ওইরগনি।

ওফিস ওফ চীফ লেবর কম্মিস্নর (সেন্ত্রেল)না লৈবাক শিনবা থুংনা মোনিতরিং সেন্তর কুনমাথোই এক্তিবেৎ তৌখ্রে। রাজ্যশিংনা তোল ফ্রী হেল্পলাইনশিংসু হাংদোকখ্রে। দিপার্তমেন্ত ওফ ফুদ এন্দ পব্লিক দিস্ত্রিব্যুসনগী দিরেক্তরনা রাসন লৌবগী মতাংদা ৱন নেসন ৱন রাসন কার্দকী মখাদা মহৌশাগা মান্নদবা চরাংনবা থোকপা লৈতে হায়না ফোঙদোকখি। রাজ্য/য়ু.তি.শিংদা করিগুম্বা থেংনরবদি রিতর্নী মাইগ্রেন্তগী রেকোর্দশিং থম্নবসু হায়খি। রাজ্যশিংদা পাক শন্না থাদোক্তুনা চৎখিবগী তোক্ঙা শন্দোক্লিবা অসিদগী চেকশিন্নবা অমসুং অসিগুম্বা তোক্ঙা লাকশিনবা খোঙথাং খোঙজেল য়াংনা পাইখৎনবা খঙহনখ্রে। মখোয়দা মাইগ্রেন্ত শিন্মীশিং শাফনা থম্নবা, ঙাকশেল পীনবা অমসুং হিংনবগী পাম্বৈ ফংহন্নবগী মতাংদা অমুক হন্না থাজবা পীনবা পাউতাক পীখ্রে।

****