جناب سبھاس  سرکار، وزیرمملکت برائے تعلیم نے آج ورچوئل  طورپر سووچھ ودیالیہ پُرسکار( ایس وی پی)  22-2021 کاآغاز کیا۔ محترمہ انیتاکراول ، سکریٹری (ایس ای اینڈ ایل ) اورتمام  ریاستوں اور مرکز کے زیرانتظام علاقوں اور یونیسیف کے نمائندوں نے تقریب میں شرکت کی ۔

جناب سرکارنے ایوارڈ کا آغاز کرتے ہوئے اسکولوں میں پانی ، صفائی اور حفظان صحت کی اہمیت پرزوردیاکیونکہ طلبہ کی صحت ، ان کی حاضری ، ڈراپ آؤٹ شرح اورسیکھنے کے نتائج میں اس کا اہم کردارہے ۔ اسکولوں  میں پانی ،صفائی اورحفظات صحت کی سہولیات کی گنجائش ایک صحت مند اسکولی ماحول کی ضمانت دیتی ہے اورطلبہ کی بیماریوں بشمول کووڈ -19 سے حفاظت کرتی ہے ۔ جناب سرکار نے زوردے کر کہا کہ سووچھ ودیالیہ پُرسکار  ان اسکولوں کومنظوری ، ایوارڈ دینا اورحوصلہ افزائی کرتاہے ، جنھوں نے پانی صفائی اورحفظات  صحت کے میدان میں مثالی اورنمایاں  کام انجام دیاہے ۔ نیز ایسے اسکولوں کو مستقبل میں مزید بہتری کے لئے بینچ مارک اورروڈ میپ مہیا کرتاہے ۔

صفائی کے بارے میں خود کی حوصلہ افزائی اوربیداری پیداکرنے کی غرض سے سووچھ  ودیالیہ پُرسکار ( ایس وی پی ) 17-2016 میں محکمہ اسکولی تعلیم اورخواندگی کے ذریعہ پہلی بارقائم کیاگیاتھا ۔

ایس وی پی کے تحت  22-2021  میں اسکولوں کے تمام  زمروں یعنی سرکاری ، سرکارسے امداد یافتہ اور نجی اسکولوں کے لئے دونوں  دیہی اورشہری علاقوں میں کھلا ہواہے ۔ اسکولوں  کا اندازہ 6ذیلی اقسام میں ایک آن لائن پورٹل اورموبائل ایپ کے ذریعہ  لگایاجائے گا۔پانی ،صفائی ، صابن سے ہاتھ  دھونا ، آپریشن اوردیکھ بھال ، رویہ کی تبدیلی اورصلاحیت کی تعمیر اورکووڈ -19 کی تیاری ، رسپانس اورنظام سے متعلق  ایک نئی اضافہ شدہ قسم مجموعی اسکور اوردرجہ بندی خود کارطریقے سے پیداکریں گے ۔ اسکولوں کو مارچ 2022تک کافی وقت دیاگیاہے تاکہ وہ ایوارڈ لئے مناسب اور محفوظ  وقت میں درخواست دے سکیں ۔

اسکولوں کوعالمی طورپر منظورشدہ  ایک فائیو اسٹار ریٹنگ نظام کے تحت ضلع ریاست اورقومی سطح پرایوارڈ سے نوازاجائیگا ۔ نیزہراسکول کو شرکت  کاایک سرٹیفکیٹ  دیاجائے گا۔ جس میں زمرہ وار اسکور اوراسکول کی مجموعی  درجہ بندی کو دکھایاجائیگا ۔ اس سے اسکولوں  میں بہترپانی ، صفائی اور حفظان صحت کے پائیدار  عمل کو فروغ دینے میں مدد ملے گی ۔

مجموعی  زمرے کے تحت اس سال قومی سطح  پر 40اسکولوں کو ایوارڈکے لئے  منتخب  کیاجائیگا ۔ سمگراسکشا اسکیم کے تحت ، اس سال اسکولوں کے لئے ایوارڈ رقم کوہراسکول کے لئے  50000 سے  60000 روپے تک بڑھادیاگیاہے ۔ نیز پہلی بار 6 ذیلی اقسام وار  ایوارڈس کو متعارف کرایاگیاہے ، جس کی رقم ہراسکول  کے لئے 20000روپے ہے ۔

****************

 (ش ح ۔  اک ۔ ع آ)

U-360