মরুওইবা ৱারোলশিং:

• পুদুচেরীগী রাজ্যপাল দা. তামিলসাই সোন্দরারজন, পুদুচেরীগী মুখ্য মন্ত্রী শ্রী রঙ্গাস্বামী অমসুং ৱাই.এ.এস.কী রাজ্য মন্ত্রী, শ্রী নিতিশ প্রমানিকসু থৌরম অদুদা শরুক য়াখি

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা পুদুচেরীদা ২৫শুবা নেস্নেল য়ুথ ফেস্তিবেল হৌদোকখ্রে। ঙসি স্বামী বিবেকানন্দগী মপোক কুমওন অসি নেস্নেল য়ুথ দে হায়না পালন তৌরি। থৌরম অদুদা প্রধান মন্ত্রীনা “মেরে সপনো কা ভারত” অমসুং “অনসং হেরোজ ওফ ইন্দিয়ন ফ্রিদম মুফমেন্ত”গী মতাংদা খনগৎলবা ৱারেংশিং ফোঙখি। ৱারেংশিং অসি থিম অনি অসিদা নহারোল লাখ ১ হেনবনা পীশিল্লকখিবশিংদগী খনগৎখি। প্রধান মন্ত্রীনা লুপা করোর ১২২গী ইনভেস্তমেন্ত তৌদুনা পুদুচেরীদা লিংখৎখিবা এম.এস.এম.ই. মন্ত্রালয়গী তেক্নোলোজী সেন্তর অমসু শঙ্গাখি। প্রধান মন্ত্রীনা লুপা করোর ২৩ চংনা পুদুচেরী সরকারনা শাখিবা ওপন-এয়র থিএতর ওইবা ওদিতোরিয়ম অমা - পেরুনথলাইবর কামরাজর মনীমন্দপমসু শঙ্গাখি। থৌরম অদুদা কেন্দ্রগী মন্ত্রী শ্রী অনুরাগ সিংহ থাকুর, শ্রী নরায়ন রানে, শ্রী ভানু প্রতাপ সিংহ ভর্মা অমসুং শ্রী নিতিশ প্রমানিক, পুদুচেরীগী রাজ্যপাল দা. তামিলসাই সোন্দরারজন, পুদুচেরীগী মুখ্য মন্ত্রী শ্রী রঙ্গাস্বামী, রাজ্যগী মন্ত্রীশিং অমসুং পার্লিয়ামেন্তরিয়নশিং অমসুং য়ুথ এফিয়র্সকী সেক্রেতরি, শ্রীমতী উশা শর্মনা শরুক য়াখি।

মীতিন অসিদা ৱা ঙাংলদুনা প্রধান মন্ত্রীনা লৈবাক মীয়ামদা নেস্নেল য়ুথ দেগী য়াইফ-পাউজেল পীখ্রে। স্বামী বিবেকানন্দদা কোক নোন্না খুরুম্লদুনা প্রধানমন্ত্রীনা চহি অসিগী আজাদী কা অমৃত মহোৎসব অসিদা মহাক্কী মপোক কুমওনতাবা অসিনা হেন্না ইথিল পীরি হায়না ফোঙদোকখ্রে। শ্রী ওরোবিন্দোগী ১৫০শুবামপোক কুমওন অমদি মহাকবী সুব্রমনিয়ম ভারতীগী ১০০শুবা লৈখিদবগী কুমওনঅসি চপ মান্ননা চহিদা তারকপদা চহি অসিগী মগুন হাপকৎখি হায়না প্রধান মন্ত্রীনা ফোঙদোকখি। “অথোইবা মীশক অনি অসি পুদুচেরীগা অখন্নবা মরী অমা লৈনৈ। মখোয় অনিমক্না অমনা অমগী লিতরেসী অমসুং স্পিরিচ্যুএল খোঙচৎতা খোঙলোয় ওইদুনা লাকখি” হায়না প্রধান মন্ত্রীনা ফোঙদোকখ্রে।

অরিবা মতমগী লৈবাক অসিগী নৌরিবা প্রোফাইলগী মতাংদা ফোঙদোক্লদুনা প্রধান মন্ত্রীনা হায়খি, ঙসি মালেম্না ভারত্তা আশা অমদি থাজবগী মীৎয়েংনা য়েংলি। মরমদি ভারতকী দেমোগ্রাফী অসি নৌরি, অমসুং ভারতকী ৱাখল্লোন অসিসু নৌরি। ভারতকী মতিক-ময়াই অমসুং মাগী মঙলানশিংদা নহা ওইবগী ৱাখল চেল্লি। ভারত অসি মাগী ৱাখল্লোন লোয়ননা ৱাখল খন্বা ঙম্বগী মতৌদসু নৌরি। ভারতকী ৱাখল্লোন অমসুং ফিলোসোফীদা মতম চুপ্পদা অহোংববু তরাম্না ওকই অমসুং মাগী এন্তিক্যুতীদা মোদর্নিতী য়াওরি, হায়না মহাক্না ফোঙদোকখি। প্রধান মন্ত্রীনা হায় লৈবাক অসিগী নহারোলগী মথৌ তারকপা মতমদা মতম পুম্বদা মখোয়না মাং থানা থোরকই। লৈবাক অসিগী কন্সিয়সনেসতা অকাইবা লাকপা মতমদা শঙ্করগুম্বা নহারোলনা থোরক্তুনা আদী শঙ্ক্রাচর্য়গুম্না অপুনবগী মরীনা লৈবাক অসিবু পুনশিনখি। মীওৎ-মীনৈ চত্থখিবা মতমশিংদা গুরু গোবিন্দ সিংহজীগী সাহিবজাদেগুম্বা নহাশিংনা থৱায় কত্থোকখি। ভারতনা নীংতম্বা ফংনবা কত্থোকপা মথৌ তাখিবা মতমদা ভগত সিংহ, চন্দ্রশেখর আজাদ অমসুং নেতাজী সুভাসগুম্বা নহা ওইরিবা য়াওল্লোয়শিংনা মাং থানা থোরক্তুনা লৈবাক্কীদমক মখোয়গী থৱায় থাখি। লৈবাক অসিন স্পিরিচ্যুএল রিজেনরেসন মথৌ তারকপা মতমদা ওরোবিন্দো অমসুং সুব্রমনিয়ম ভারতীগুম্বা মশক নাইবা মীওইশিং থোরকখি হায়না প্রধান মন্ত্রীনা মখা তাখি।

ঙসিদি ভারতকী নহারোলশিংনা মালেমগী য়াইফনবা পথাপ অদু ইরি হায়না প্রধান মন্ত্রীনা থাগৎপা ফোঙদোকখি। ভারতকী নহারোলশিং অসি মালেম পুম্বদা লৈরিবা য়ুনিকোর্ন ইকোসিস্তেমগী মনুংদা থাজবগী ফোর্স অমনি। ঙসিগী নহারোলশিং অসিদা চারোল শুরোল খুদিংমক্কী ইথিল পীনবগী হৌরকফম অমা ওইরিবা ‘কেন দু’গী থৌনা অদু লৈ হায়না প্রধান মন্ত্রীনা ফোঙদোকখি।

প্রধান মন্ত্রী মপুংফাবা ৱারোল অদুগীদমক মখাগী লিঙ্ক অসিদা নম্বিয়ু https://www.pib.gov.in/PressReleasePage.aspx?PRID=1789347

মহাক্কী ৱারোলগী মনুংদা শ্রী অনুরাগ থাকুরনা প্রধান মন্ত্রীবু ঙসি নেস্নেল য়ুথ দেগী মরুওইরবা থৌরম অসিগী মনুংদা নহারোলশিংদা ৱা ঙাংখিবদগীদমক থাগৎপা ফোঙদোকখি। মহাক্কী মপোক কুমওন জানুৱারী তাং ১২ অসিবু নেস্নেল য়ুথ দে হায়না পালন তৌরিবা স্বামী বিবেকানন্দ অসি ঐখোয় পুম্নমক্কী ইন্সপিরেসনগী অচৌবা হৌরকফম অমনি। ঐখোয়না ভারতকী পাউজেল পুরিবা অমসুং মালেমগী ফোরমদা ঐখোয়গী মিৎয়েং উৎলিবা অমসুং মালেমদা লৈবাক অসিগী মীংচৎ পুরক্লিবা স্বামী বিবেকানন্দ পুন্সি মহিংদবগী তমগদবা কয়ামরুম লৈরি মন্ত্রীনা ফোঙদোকখি। ঐখোয়গী লৈবাক অসিনা তৌবা ঙম্বা প্রধান মন্ত্রী সিগী লুচিং মখাদা মাংলোমদা চংশিল্লিঙৈ চৈরক অসিদা নহারো।শিংনা প্রধান মন্ত্রী অসিগী লুচিং মখাদা লৈবাক অসিদা অনৌবা পনখৈ অমা পীনবা শেম শারি।   

ঐখোয়না নিংতম্বগী অমৃত মহোসব পাংথোক্লিবা অসিদা ঐখোয়না লৈবাক অসি মনীং তম্নবগীদমক্তা নহারোল লাখ কয়ানা থৱাই কৎখি হায়বসি ঐখোয়না কাউরোইদবনি হায়ন শ্রী থাকুরনা ফোঙদোকখি। মসিগী মতুং ইন্না ঐখোয়গী নিংতম্বগী চহি ১০০ শুরকপা মতম অদুদা লৈবাক অসিনা অনৌবা পনখৈশিং ফংনবা নহারোলশিংনা কন্না হোৎগদবনি।

শ্রী থাকুরনা মখা তারদুনা হায়খি প্রধান মন্ত্রী শ্রী নরেন্দ্র মোদীনা নহারোল করোর কয়াদা স্কিলশিং লৈহনবদা মতেং ওইখিবা স্কিল ইন্দিয়া থৌগৎখি। প্রধান মন্ত্রীনা স্তার্ত-অপ ইন্দিয়া প্রোগ্রামদা ইনোৎ হাপখিবা অসিনা ভারতপু মালেমগী স্তার্ত-অপকী মকোক থোংবা লৈবাক অহুমগী মনুংদা চলহনখি। শ্রী থাকুরনা নহারোলশিংদা ঐখোয়গী প্রধান মন্ত্রীনা লৈবাক অসিবু অনৌবা পনখৈ তম্না পুখৎনবা হোৎনরিঙৈ অসিনা ঐখোয় খুদিংমক্না অহোংবা পুরকপা পাম্বা লম অমা খন্দুনা অমদুং মদুদা থৱায় হকচাং য়াওনা হোৎনসি হায়না হায়খ্রে।

মন্ত্রীনা ঙসি ১৫০শুবা মপোক কুমওন পালন তৌরিবা কাবি, লৈবাকনীংবা, ফিলোসোফর, মহাঋশি, য়োগ গুরু ওইরিবা শ্রী ওরোবিন্দোগী অথোইবা মগুন অদু উৎলি ।

নেস্নেল য়ুথ ফেস্তিবেলগী মতাংদা পল্লদুনা য়ুথ এফিয়র্স এন্দ স্পোর্তসকী মন্ত্রীনা হায়খি, “য়ুথ ফেস্তিবেল মনুংদা ওলিম্পিয়নশিং য়াওনা স্পোর্তস, এনভাইর্নমেন্ত, ক্লাইমেৎ, তেক্নোলোজী, স্তার্ত-অপশিংগী লুচিংবশিং য়াওনা ওন্তপ্রিনোর্শিপ, হিস্তরী, নেচরেল ফার্মিং অসিগুম্বা তোঙান-তোঙানবা লমশিংদগী এক্সপর্তশিংনা নহারোলশিংবু লমজিংগী অমসুং মখোয়গী এক্সপরিয়েন্স অদু শিয়র তৌগনি”।

পুদুচেরীগী মুখ্য মন্ত্রী শ্রী এন রঙ্গসামীনা পুদুচেরীনা অসিগুম্বা অচৌবা থৌরম অমগী য়ুম্বু ওইবা ফংজবদা চাউথোকচবা পোকই অমসুং মহাক মশানা হকথেংননা মসিগী অচৌবা অনৌবা ভারত শেমগৎপগী থৌরমগী শরুক অমা ওইবদা নুংঙাইবা পোকই হায়না ফোঙদোকখি। “লমচৎ য়াওদবা এজুকেসন, মীগী মতেং তৌবা য়াওদবা লন…!! মোরেল য়াওদবা কম্মর্স, মীওইবগী মীনুংশিং য়াওদবা সাইন্স…!! হায়রিবা অসি কান্নফম খঙদবগা লোয়ননা মসি খুদোংথিনীংঙাই ওই…!!” হায়না মহাক্না মখা তাখি। লমচৎ, মীগী মতেং পাংবা, মোরেল লৈবা, মীওইবগী মীনুংশিং, প্রোবিতী অসি অফবা ভারতকী নহারোল অমগী মরু ওইবা ভেল্যুশিংনি অমসুং ‘সশক্ত য়ুবা’ অমদা গুন পুম্নমক অসি চেনগদবনি হায়না শ্রী রঙ্গসামীনা মখা তাখি।

মুখ্য মন্ত্রীনা পুদুচেরীনা নীংতম ইহৌগী মতমদা অথোইবা লুচিংবা কয়াবু ঙাকশেনখি হায়না ফোঙদোকখি। মহাঋশি শ্রী ওরোবিন্দো, মহাকবী ভারতী, ভি.ভি.আই. আইয়রগুম্বা অথোইবা লুচিংবশিংনা ব্রিতিশকী তমথিরবা মীওৎ-মীনৈদগী নান্থোক্তুনা য়ু.তি., পুদুচেরীদা লৈখি। “পুদুচেরী অসি জ্ঞান ভুমি নত্ত্রগা ভেদা ভুমি হায়না খঙণরি। পুদুচেরী শেংলবা মফম অসিদা ঐখোয়না ঐখোয়গী ইকাই খুম্নরবা প্রধান মন্ত্রীনা ‘কামরাজ মনি মন্দপম’ শঙ্গবীবা অসি চাউথোকচনীংঙাই ওই,” হায়না মহাক্না ফোঙদোকখি।

******