নেতাজী সুভাস নেস্নেল ইন্সতিত্যুত ওফ স্পোর্তস (পতিয়ালা) অমদি দি ইন্দিরা গান্ধী ইন্দোর স্তেদিয়মদা হৌজিক হৌজিক চৎথরিবা নেস্নেল বোক্সিং কোচিং কেম্পশিংদা হাপচিনখিবা ওলেম্পিয়ন তরুক্কী মনুংদা অমিত পনঘল, বিকাস কৃসন অমদি এম.সি. কোম য়াওরি৷ কেম্পশিং অসি মার্চ ১৪ ফাওবা মখা চৎথগনি৷

পতিয়লাদা পাংথোক্লিবা নুপাগী কেম্পদা হৌজিক্তি সর্ভিসেস বোক্সর অহুম অমিত পনঘল, মনিশ কৌশিক অমদি সতিশ কুমার, বিকাস কৃসন (ওল ইন্দিয়া পুলিস) অমদি অশিশ কুমার (হিমাচল প্রদেশ) য়াওখ্রে অদুগা মনিপুরগী এম.সি. মেরী কোমনা মফম অসিদা ইন্দিরা গান্ধী ইন্দোর স্তেদিয়মদা পাংথোক্লিবা নুপীগী কেম্পদা শরুক য়াগনি৷

নেস্নেল কেম্পশিংদা শরুক য়াখিবশিং অদু খক্তগা লোইননা জানুৱারি ৩দা হৌদোকখিবা কেম্পশিং অসিদা ওলেম্পিয়ন বোক্সরশিংনা হৌজিক্তি শরুক য়ারগনি৷ কম্মনৱেল্থ গেম্স অমদি এসিয়ন গেম্স নকশিল্লকপনা, বোক্সিং ফেদেরেসন ওফ ইন্দিয়ানা রিকম্মেন্দ তৌখিবা ইনর্ক্লুজন অদু স্পোর্তস ওথোরিতী ওফ ইন্দিয়ানা অয়াবা পীখি৷

তোঙান তোঙানবা অরুম্বগী কাংলুপ্তা লৈরিবা নুপা বোক্সর ৬৩রোম, কোচিং অমদি সপোর্ত স্তাফ ২৭না এন.আই.এস, পতিয়লাগী নেস্নেল কেম্প অসিদা য়াওখ্রে অদুগা ওলেম্পিক গেম্স ব্রোঞ্জ মেদালিস্ত লবলিনা বোর্গোহেন য়াওনা নুপী বোক্সর ৫৭ অমদি কোচিং অমসুং সপোর্ত স্তাফ ২৫না ইন্দিরা গান্ধী ইন্দোর স্তেদিয়মদা শিল্লিবা নেস্নেল কেম্প অসিদা মাংজৌননা য়াওখ্রে৷

নেস্নেল কেম্প অনি অসি বোক্সিং কন্তিঞ্জেন্তগী লেপ্প-লৈতনা শেম-শারিবা অসিগী শরুকনি অমদি এম.ৱাই.এ.এস. অমদি এস.এ.আই.না এপ্রুব তৌখিবা এনুএল ত্রেনিং কেলেন্দরগী শরুকনি৷

******