“হেনগৎলক্লিবা লাইচৎ অসিগা ঐখোয়না লান্থেংনবদা ঐখোয়গী প্রিপেয়র্দনেসতা অহাংবা অমত্তা লৈহনগুমসি। সীমলেস অমসুং ইফেক্তিব ওইবা পেন্দেমিক মেনেজমেন্তকীদমক্তা সেন্তর অমসুং স্তেতকী মরক্তা হোলিস্তিক সীনর্জী লৈহনবা হায়বসি য়াম্না মরু ওই”। হায়রিবা অসি কেন্দ্রগী হকশেল অমসুং য়াইফ-য়ুম্বালগী মন্ত্রী, দা. মন্সুখ মান্দভিয়ানা ঙসি নোংচুপ থংবা ভারতকী রাজ্য/য়ু.তি. তরুক, মহারাস্ত্র, মধ্য প্রদেশ, রাজস্থান, গুজরাত, গোৱা, দাদ্রা অমসুং নাগর হবেলি অমসুং দামন অমসুং দ্যুগী স্তেত হেল্থ মিনিস্তরশিং অমসুংপ্রিন্সিপাল সেক্রেতরিশিং/এদিস্নেল চিফ সেক্রেতরীশিং অমসুং ইনফোর্মেশন কমিশনরশিংগা ভর্চুৱল ওইনা ৱারি শানবা মতমদা হায়খি। ভর্চুৱলগী ওইবা মীফম অদু য়ুনিয়ন মিনিস্ত্র ওফ স্তেত ফোর হেল্থ, দা. ভারতি প্রভিন পাৱরগা লোইননা কোবিদ-১৯ লাকশিন্নবা অমসুং মেনেজমেন্তকী পব্লিক হেল্থ প্রিপেয়র্দনেসকী মতাংদা অমসুং লৈবাক অসিগী কোবিদ-১৯ ভেক্সিনেশন কেমপেনগী প্রোগ্রেস য়েংশিন্নবা পাংথোকখিবনি।

অৱাংবা থাক্কী রিভ্যু মীতিং অদুদা শরুক য়াখিবা রাজ্যগী হকশেল মন্ত্রীশিং অদুদা শ্রী রুশিকেশ গানেশভাই পতেল (গুজরাত), দা. প্রভুরাম চৌধরী (মধ্য প্রদেশ), শ্রী পর্সাদি লাল মীনা (রাজস্থান) অমসুং শ্রী রাজেশ তোপে (মহারাস্ত্র) য়াওখি। রাজ্যগী হকশেল মন্ত্রীশিং অদুনা কেন্দ্রগী হকশেল মন্ত্রীবু কোবিদ-১৯গী মায়োক্তা খুশম্নদুনা অমসুং পুন্না লান্থেংনবদা ভারত সরকারদগী লেপ্তনা মতেং পাংবীরকপগীদমক্তা থাগৎপা ফোংদোকখি।

রাজ্য/য়ু.তি. তরুক্তা কোবিদকী গ্রেন্যুলর স্তেতস অমসুং এনালিসিস অদু অপুনবা অমসুং অনৌবা কেসশিং, এক্তিব কেসশিং, চয়োলগী অমসুং নুমিৎ খুদিংগী ওইবা পোজিতিব, আর.তি.-পি.সি.আর. অমসুং আর.এ.তি. তেস্তিংগী প্রোপোর্শনদা চয়োলগী ওইনা পাংথোকখিবা তেস্তশিং, শিকীবশিং, কেস পর মিলিয়ন (সি.পি.এম.), তেস্ত পর মিলিয়ন (তি.পি.এম.) অমসুং ওমিক্রোন কেস স্তেতসকী ত্রাজেক্তরী য়াওনা হকশেল মন্ত্রালয়গী ওফিসিয়েলশিংনা শেমখিবনি। মসিগী মখা তারকপা ওইনা সর্ভিলেন্স অমসুং কন্তেনমেন্ত এক্তিবিতীশিং মাইপাক্না ইমপ্লিমেন্ত তৌবা, হোসপিতালগী ইনফ্রস্ত্রকচর ফগৎহনবা; তেস্তিং তৌবা হেনগৎপা; ত্রান্সমিশনগী চেন থুগাইনবা অহকপা রেস্তরিক্তিব ওইবা পাম্বৈশিং শিজিন্নবা; মীয়ামদা কোবিদ এপ্রোপ্রিয়েত বিহেবিয়র ঙাক্না চৎপা য়াওনা কোবিদ মেনেজমেন্তকী হীরম কয়া অমদা য়াম্না মপুং ফাবা অমসুং অকুপ্পা মরোল পুম্নমক য়াওরবা খন্ন-নৈনবগী থৌরম অমা পাংথোকখি।

সেন্তর অসিনা কোবিদ লাকশিন্নবা হোৎনবদা রাজ্যশিংবু মতেং পাংনবগীদমক্তা কত্থোক্লি হায়না অমুক্কসু পল্লদুনা, দা. মন্সুখ মান্দভিয়ানা হায়খি মদুদি ভারত সরকারনা লৈবাক শিনবা থুংনা হেল্থ ইনফ্রাস্ত্রকচর ফগৎহন্নবগীদমক্তা ই.সি.আর.পি.-II তেংবাং পীখি। মআক্না রাজ্যশিংদা ফিজিকেল ইনফ্রস্ত্রকচরগী মতাংদা য়াম্না রোবস্ত ওইবা প্রিপ্যরেশন তৌনবা তকশিনখ্রে অমসুং ই.সি.আর.পি.-IIগী মখাদা অয়াবা পিখ্রবা ফন্দশিং অদু নিংথিজনা খ্বাইদগী হেন্না ফবা মওংদা শিজিন্নবা হায়খ্রে। মহাক্না রাজ্যগী হকশেল মন্ত্রীশিংদা ই.সি.আর.পি.-IIগী মখাদা ফিজিকেল এক্তিবিতীশিং ইমপ্লিমেন্তেশন তৌবা অদু রিভ্যু তৌনবা হায়রকখ্রে। মসিদা ইনফ্রস্ত্রকচর খুদম ওইনা ফমুংশিং, পি.এস.এ. প্লান্তশিং, ওক্সিজেন ইক্যুইপমেন্তশিংগী ওপরেশনেল স্তেতস অদু রাজ্যশিংনা নেস্নেল পোর্তল https://covid19.nhp.gov.in/দা মেনশিন্নবা তাক্লখ্রে। মখোয়শিং অদু তুংদা ফিভমদা অহোংবা লাকপা মতমদা মায়োক্নবা ঙম্নবা নিংথিজনা মথৌ তৌহন্দুনা থবক পাংথোকপা ঙমগদবা মওংদা থমগদবনি। কোবিদকী মায়োক্তা লান্থেংনবদা রিয়েল তাইম দেতা-দ্রিবন এনালিসিস অমসুং ইনফোরমেশনদা য়ুমফম ওইবা দিসিজনশিংগীদমক্তা রাজ্যশিং/য়ু.তি.শিংদা মখোয়গী মশা-মশাগী ওইবা দেতা অদু মোনিতরিং পোর্তলদা অপদেৎ তৌনবা খঙহনখ্রে। মসিনা থাক কয়া অমদা  প্রিপেয়র্দনেস থৌরাং তৌবদা অমসুং য়েংশিনবদা মতেং ওইগনি। মহাক্না তঙাইফদনা চংবা হিদাক-লাংথক্কী অহেনবা স্তোকশিং অদু য়েংশিন্নবা অমসুং করিগুম্বা অৱাৎপা লৈরবদি মখোয়শিং অদু মতম চানা পর্চেজ ওর্দর পীদুনা অৱাৎপশিং অদু মেনশিন্নবসু তাক্লকখ্রে।

কেন্দ্রগী মন্ত্রীনা রাজ্যশিংদা মরু ওইনা ভেক্সিনেশন কোভরেজ নেম্বা মফমশিং/জিলাশিংদা ভেক্সিন কাপ্পা য়ারবা মীওইশিংদা ভেক্সিনেশন তৌবা হেনগৎনবা হাবরকখ্রে। মহাক্না হায়রকখি মদুদি “কোবিদকী মায়োক্তা ভেক্সিনেশন তৌবনা হোসপিতালাইজেশন অমসুং সেভ্যরিতী হন্থহল্লি, হায়রিবা অসি মালেম্না খঙনরবা ৱাফম্নি”। ঙসিদগী হৌরগা মশক খঙদোক্লবা কাংলুপশিংগীদমক্তা ‘প্রকোশন দোজ’ কাপথোক্নবা মহাক্না মরু ওইনা পনখি অমসুং খ্বাইদগী হেন্না খুদোংথিনিংঙাই ওইরবা মীশিংদা ফুল কোভরেজ পীনবা রাজ্যশিংদা তকশিনখ্রে। মহাক্না রাজ্যশিং/বু.তি.শিংদা অথুবা মতমদা ভেক্সিন কাপ্পা য়ারবা চই ১৫-১৮গী কাংলুপকী ফুল কোভরেজ পীনবা হায়রকখ্রে।

দা. মান্দভিয়ানা হায়খি মদুদি কোবিদকী মখল কয়া থোরক্লবসু, ‘তেস্ত-ত্রেক-ত্রীত-ভেক্সিনেত অমসুং কোবিদকী ওইবা মতিক চাবা চৎনা কাংলোনশিং ঙাক্তুনা চৎপনা’ কোবিদপু মেনেজ তৌনবগী মরু ওইবা ফাউন্দেসন ওইদুনা লাক্লি। মহাক্না রাজ্যশিংদা মখোয়গী তীমশিংবু গ্রাউন্দ লেভেলদা থবক শুনবা অমসুং অমুক্কসু চেকশিন্না মোনিতর তৌনবা অমসুং কন্তেনমেন্ত তৌবগী থৌরাংশিংবু নৌহৌননা য়েংশিন্নবা হায়খ্রে। আই.সি.এম.আর., এন.সি.দি.সি., এয়রপোর্ত পব্লিক হেল্থ ওফিসর (এ.পি.এচ.ও.)শিং  অমসুং স্তেত সর্ভিলেন্স ওফিসরশিংগা তত্তনা মীতিং তৌনবসু খংহনখ্রে।

দা. মান্দভিয়ানা তেলি-কন্সল্তেসনগী মরু-ওইবা অদুবু ই-সঞ্জিৱনিগুম্বা প্লেতফোর্ম অসিগী খুত্থাংদা উৎখি। মহাক্না রাজ্যশিংদা দিস্ত্রিক্ত খুদিংগী তেলি-কন্সল্তেসন হবশিং হাংদোক্নবশু হায়খ্রে। “এক্সপর্ত এদভাইস পাম্লিবশিংনা দিস্ত্রিক্ত ফাওবা লাকপগী মহুত্তা হব নত্রগা স্পোক মোদেলগী খুত্থাংদা ব্লোক লেভেলদগী ওইনা এদভাইস ফংহন্নবগীদমক মখোয়না পুং ২৪ থবক তৌগদবনি।”

“মীয়াম্না ব্লোক লেভেলদগী হৌরগা, হোস্পিতালদা লৈরিবা ফমুং, তেস্তিং ফেসিলিতী, এম্বুলেন্স সার্বিসনচিংবা লেভেল কয়াদা ফংলিবা হেল্থ ইনফ্রাস্ত্রকচর অমসুং হেল্থকেয়র সার্বিসশিংগী মরমদা খঙবা হায়বসি য়াম্না মরু ওই। রাজ্যশিংনা পাম্বৈ কয়া অমগী খুথাংদা হায়রিবা ফেসিলিতীশিং অসিগী এভেলেবিলিতীগী মতাংদা মীয়মদা খঙহনগদবনি অমসুং মদুবু য়েংশিন্নবা কোন্ত্রোল রুমসু শেমগদবনি”, হায়না য়ুনিয়ন হেল্থ মিনিস্তরনা হায়খি।  হায়রিবা ইনফোর্মেশনশিং অসি পব্লিক দোমেনদা য়াম্না কোম্না ফংহনবা তারবদি পেসেন্তশিংনা পাখত্তুনা হোস্পিতালগী ফমুং অহাংবা লৈতবগী ৱাফম লৈরোই হায়নসু মহাক্না মখা তারকখি। সেন্তরনা রাজ্যশিংদা পীরকপা তোঙান-তোঙানবা এস.ও.পি.শিং, গাইদলাইনশিং অমসুং এদভাইজরীশিং অদুগী মতাংদা পাকশন্না খংহন্নবগীদমক্তা মসিবু মীয়ামদা খঙহনবা মথৌ তাই।

য়ুনিয়ন মিনিস্তর ওফ স্তেত ফোর হেল্থ, দা. ভারতি প্রভিন পাৱরনা মাইলদ কোবিদ-১৯ কেসশিংগী মশিং হেনগৎলক্লিবা অসি য়েংলগা হোম আইসোলেশন গাইদলাইনশিং চেকশিন্না ইন্নবগী তঙাইফদবা অদুগী মতাংদা য়াম্না মরু ওইনা হায়খি। মহাক্না রাজ্যশিংদা হেল্থকেয়র ৱার্করশিং অদুনা হোম আইসোলেশনদা লৈরিবশিং অদুবু মোনিতর তৌনবগীদমক্তা নিংথিনা ত্রেন তৌরবা ওইগদবনি হায়নসু তকশিনখি।

কেন্দ্রগী হেল্থ সেক্রেতরী, শ্রী রাজেশ ভুশন, এ.এস. (হেল্থ মিনিস্ত্রী), দা. মনোহর অগনানি, এ.এস. (হেল্থ মিনিস্ত্রী), শ্রীমতি আর্তি অহুজা, জে.এস. (হেল্থ মিনিস্ত্রী), শ্রী লব আগরৱাল, দাইরেক্তর (এন.সি.দি.সি.), দা. সুজীত কুমার সিং, এ.আই.আই.এম.এস. ন্যু দিল্লীগী দাইরেক্তর, দা. রন্দীপ গুলেরিয়া অমসুং আই.সি.এম.আর.গী সেনিয়র ওফিসিয়েলশিংনা মীফম অদুদা শরুক য়াখি।

*****