লৈবাক শিনবা থুংনা হন্দক কোবিদকী কেসশিং হেনগৎলক্লিবা অসিগী মতাংদা, রেলৱেজকী মন্ত্রী, শ্রী অশ্বিনি ভাইশ্নোনা রেলৱে জোনশিং অমসুং দিভিজনশিংগী সেনিয়র ওফিসিয়েলশিংদা রেলৱে হোসপিতালশিং অমসুং হেল্থ ইনফ্রাস্ত্রকচর অদু মীয়াগীদমক্তা শিজিন্নবা য়াহন্নবা হায়খ্রে। চেয়রমেন অমসুং রেলৱে বোর্দকী চীফ এক্জিক্যুতিব ওফিসর, শ্রী ভি.কে. ত্রিপাথি, বোর্দ মেম্বরশিং অমসুং রেলৱেজ মন্ত্রালয়গী সেনিয়র ওফিসিয়েলশিংগা লোইননা জোনেল রেলৱেশিং/পি.য়ু.শিংগী জেনরেল মেনেজরশিং (জি.এম.শিং) অমসুং দিভিজনেল রেলৱে মেনেজরশিং (দি.আর.এম.শিং)না মীফম অদুদা ভর্চুৱল ওইনা শরুক য়াখি।

রিভ্যু মীতিং অদুদা, শ্রী ভাইশ্নোনা কোবিদ প্রিপেয়র্দনেসকা মরী লৈনবা মখাদা পীরিবশিং অসিদা য়েংশিনখি:

• রেলৱে হোসপিতাল ইনফ্রস্ত্রকচর
• পেদিয়াত্রিক ৱার্দকী ফংশনিং
• ভেক্সিনেশন – রেলৱেজকী ফ্রন্তলাইন ৱার্করশিংদা বুস্তর দোজ কাপ্পগী প্রোভিজন য়াওনা রেলৱেজকী স্তাফ অমসুং অঙাংশিং ভেক্সিনেশন তৌবা
• হিদাক-লাংথকশিং, ওক্সিজেন সপ্লাই, জিওলাইত স্তোক অমসুং অতোপ্পা তঙাইফদবা মেদিকেল সপোর্ত নিংথজনা ফংহনবগী মতাংদা অমসুং ভেন্তিলেতরশিং, লিক্বিদ মেদিকেল ওক্সিজেন তেঙ্কশিং অমসুং কোবিদ লাইয়েংবা মতমদা য়াম্না মরু ওইবা ইক্যুইপমেন্তকী ফংশনিং
• ওক্সিজেন প্লান্তশিংগি কমিশনিং (সেঙ্কশন তৌখিবা ওক্সিজেন প্লান্তশিংগী মনুংদা ৭৮তি হান্নদগী কমিশন তৌখ্রে অমসুং ১৭ অমদি কমিশন তৌগদবা ৱাৎলি)
• এৱেয়রনেস লৈহনবা:

• মাস্ক উপ্নবা, খুৎ সেনিতাইজ তৌনবা অমসুং অতোপ্পা চেকশিন-থৌরাংগী ওইবা পাম্বৈশিংগী মতাংদা রেলৱে স্তেশনশিংদা এনাউন্সমেন্তকী ফ্রিক্বেন্সী হেনগৎহনবা
• রেলৱে স্তেশনশিংদা মাস্ক উপ্তনা মী চংবা থিংবা
• মাস্ক ঊপ্নবা অমসুং অতোপ্পা চেকশিন-থৌরাংগী পাম্বৈশিং প্রোমোত তৌনবা দ্রাইবশিং চত্থবা
• কোবিদকী হৌজিক লৈরিবা ফিভম অসিগী মনুংদা ইমর্জেন্সী লাকপা মতমদা অমসং/নত্রগা রেলৱে স্তেশনশিংদা খংহৌদনা পেসেঞ্জরশিং/মাইগ্রেন্তশিংগী মশিং হেনগৎলকপা মতমদা/হেনগৎলকপগীদমক্তা অখন্নবা রেলৱে স্তেশনশিং মথৌ তৌহনবগী মতাংদা রিভ্যু তৌবা

*****