প্রধানমন্ত্রীগী লোইশঙ
পি.এম.না জনুৱারীগী ১২দা ২৫শুবা নেস্নেল য়ুথ ফেস্তিভল হৌদোক্লগনি
ফেস্তিভল অসিদা নহাশিংনা লুচিংবা চাউখৎ-থৌরাংগী থবক অমসুং থোরক্লিবা ইসুশিং অমসুং চেলেঞ্জেসশিংবু সোল্ব তৌবদা নহাশিংবু পুক্নিং থৌগৎপগা মরী-লৈনবা থীমশিংগী মতাংদা খন্ন-নৈনবসু মসিদা য়াওগনি
ওলীমপিয়নশিং অমসুং পারালীমপীবনশিংগা লোইননা ওপন দিসকশনসু পাংথোক্লগনি
পি.এম.না “মেরে সপ্নো কা ভারত” অমসুং “অনসং হীরোস ওফ ইন্দিয়ন ফ্রীদম মুবমেন্ত”কী মতাংদা খনগৎলবা এসেশিংসু মাইখুম হাংদোক্লগনি
পি.এম.না এম.এস.এম.ই. তেক্নোলোজী সেন্তর অমসুং ওপন এয়র থিয়েতর য়াওবা ওদিতোরিয়ম-পেরুনথালাইভার কামারাজার মনিমন্দাপমশু শঙ্গরগনি
Posted On:
10 JAN 2022 12:40PM by PIB Imphal
প্রধান মন্ত্রী, শ্রী নরেন্দ্র মোদীনা ভীদিও কনফররেন্সিংগী খুত্থাংদা পুদুচেরীদা ২০২২গী জনুৱারি ১২গী অয়ুক্কী পুং ১১দা ২৫শুবা নেস্নেল য়ুথ ফেস্তিভল হৌদোক্লগনি। নুমিৎ অদু স্বামি ভিবেকানন্দগী মপোক কুমওন ওইবনা নুমিৎ অসিবু নেস্নেল য়ুথ দে হায়না পাংথোক্নৈ।
ফেস্তিভল অসিনা ভারতকী নহাশিংগী ৱাখল্লোনদা অহোংবা পুরক্নবা অমসুং লৈবাক শেমগৎনবগীদমক্তা য়ুনাইতেদ ফোর্স অমা ওইনা ওন্থোক্নবগী পান্দম থম্লি। মসি সোসিয়েল কোহেশন অমসুং ইন্তেলেকচুৱল অমসুং কলচরেল ইন্তিগ্রেশনদা য়াম্না চাউবা এক্সরসাইজশিংগী মরক্তা অমনি। মসিনা ভারতকী দাইভর্স ওইবা কলচরশিং অদুবু পুশিল্লক্তুনা অমসুং ‘এক ভারত, শ্রেস্থ ভারত’কী অপুনবা লংলা অদুদা পুনশিন্নবগী পান্দম থম্লি।
হন্দক্কী চহি অসিদি, হনেগৎলক্লিবা কোবিদকী ফিভম অসি য়েংলগা, ফেস্তিভল অসি ২০২২গী জনুৱারী ১২-২৩ ফাওবা ভর্চুৱল ওইনা পাংথোক্লগনি। ইনোগুরেশন অসিগী মতুং তারকপা ওইনা নেসনেল য়ুথ সম্মিৎ পাংথোক্লগনি, মসিদা মশক খঙদোক্লবা থীম মরিদা পেনেল দিসকস্সশিং পাংথোক্লগনি। নহানা লুচিংবা চাউখৎ-থৌরাংগী থবকশিং অমসুং থোরক্লিবা ইসুশিং অমসুং চেলঞ্জেসশিং সোল্ব তৌনবা নহাশিংবু পুক্নিং থৌগৎপা হায়বা অসিগী মনুং চন্না, থীমশিং অসিদা এনভাইরনমেন্ত, ক্লাইমেত অমসুং এস.দি.জি.না পুরকপা গ্রোথ; তেক, এন্ত্রপ্রেনোশিপ অমসুং ইন্নোভেশন; ইন্দিজেনিয়স অমসুং এন্সিয়েন্ত ৱিসদম; অমসুং নেস্নেল কেরেক্তর, নেসন বিলদিং অমসুং ওম গ্রোথ হায়রিবা থীমশিং অসি য়াওগনি। ফেস্তিভল অসিদা পার্তিসিপেন্তশিংদা পুদুচেরীগী ওরোভিলগী ইম্মর্সিব সিতী এক্সপরিয়েন্স, ইন্দিজেনিয়স স্পোর্ত গেমস আমসুং ফোক দান্সশিংনচিংবগী রেকোর্দেদ ভীদিও কাপসুলশিং উৎলগনি। মসিদা ওলীপিয়নশিং অমসুং পারালীমপিয়নশিংগা ওপন দিসকস্সনশিং পাংথোক্লগনি অমসুং মসিগী মতুং তারকপা ওইনা নুমিদাংদা লাইব পার্ফোর্মেন্স উৎলগনি। অবুক্তা ভর্চুৱল য়োগা সেসন শিনগনি।
থৌরম অদুদা, প্রধান মন্ত্রীনা “মেরে সপ্নো কা ভারত” অমসুং “অনসং হীরোস ওফ ইন্দিয়ন ফ্রীদম মুবমেন্ত”কী মতাংদা খনগৎলবা এসেশিংসু মাইখুম হাংদোক্লগনি। মসিগী এসেশিং অসি থীম অনিদা য়ুমফম ওইরগা নহা লাখ ১ হেন্না থাজিল্লকপা সবমিসনশিং অদুদগী অদুদগী খনগৎলবা এসেশিংনি।
প্রধান মন্ত্রীনা চাউরাক্না লুপা করোর ১২২গী ইনভেস্তমেন্ত থাধদুনা পুদুচেরীদা লিংখৎপা এম.এস.এম.ই. মন্ত্রালয়গি তেক্নোলোজী সেন্তর শঙ্গারগনি। ইলেক্ত্রোনিক সীস্তেম দিজাইন এন্দ মেন্যুফেকচরিং (ই.এস.দি.এম.) সেক্তরদা মীৎয়েং থম্বা মসিগী তেক্নোলোজী সেন্তর অসিদা খ্বাইদগী নৌবা তেক্নোলোজী য়াওরগনি। মসিনা নহাশিংবু হৈ-শিংহনবদা য়াম্না চাউনা মতেং পাংগনি অমসুং চহি অমদা চাউরাক্না ত্রেনী ৬৪০০ ত্রেন তৌবা ঙমগনি।
প্রধান মন্ত্রীনা লুপা করোর ২৩ চংদুনা পুদুচেরীগি সরকারনা শাবা ওপন এয়র থিয়েতর য়াওবা ওদিতোরিয়ম- পেরুন্থালাইভার কামারাজার মনিমন্দাপমবুসু শঙ্গারগনি। মসি মরু ওইনা এজুকেশনগা মরী লৈনবা থৌরমশিংগীদমক্তা শিজিন্নগনি, অমসুং মসিদা মী ১০০০গী মথক্তা তিনবা য়াগনি।
******
(Release ID: 1788953)
Visitor Counter : 168
Read this release in:
Assamese
,
Tamil
,
Telugu
,
Malayalam
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Kannada