লেন্দমার্ক ওইনা মায় পাকপা অমদা, ভারতনা ঙসি কোবিদ-১৯ ভেক্সিনেসন কবরেজ কোতি ১৫০ (১,৫০,৫২,২১,৩১৪)  লানখ্রে। ঙসি নুমিদাংগী পুং ৭ ফাওবদা,ভেক্সিন দোজ লাখ ৮১ (৮১,৫০,৯৮২) হেন্না কাপখ্রে৷ নুমিদাং অথেংবদা নুমিৎ অদুগী ফাইনেল ওইবা রিপোর্তশিং পীশিল্লকপদা নোংমগী ভেক্সিনেসন তেল্লী অসি হেনগৎলক্লবা য়াই হায়না পানরি৷

ভেক্সিন দোজ কোতি ১৫০ হেন্না কাপথোকখিবগী লেন্দমার্ক ফংখিবা অসিদা মহাক্কী ত্বীত্তা লৈবাক অসিবু হরাওবা ফোংদোক্লদুনা, ভারতকী প্রধান মন্ত্রী, শ্রী নরেন্দ্র মোদীনা হায়খি মদুদি চহি ১৫দগীনা ১৮ ফাওবগী মনুংদা লৈবা কাংলুপকী অঙাংশিংদা ভেক্সিন কাপথোকখিবগা লোয়ননা লৈবাক অসিনা চহি অসি হৌখ্রে। হায়রিবা মতম অসিমক্তদা, চহি অসিগী অহানবা থাগী অহানবা চয়োলদা, ভারতনা ভেক্সিন দোজ কোতি ১৫০ – ১.৫ বিল্লিয়নগী পুৱারী ওইরবা মাইলস্তোনসু ফংবা ঙমখ্রে।   

কেন্দ্রগী হকশেল মন্ত্রী দাঃ মনসুখ মন্দাবিয়ানসু লৈবাক অসিদা ভেক্সিন কোতি ১৫০ কাপথোকখিবগী পুৱারী অমা ফংবা অসিদা ঐখোয়গী হেলকেয়র ৱার্করশিংগী কন্না হোৎনজবা অমসুং অখাঙ কনবা অসিবু থাগৎপা ফোংদোকখ্রে। মীপুম পুম্বনা হোৎনরবা মতম খক্তদা, পন্থুং অমা হেক্তা ফংবা ঙম্মী হায়নসু মহাক্না হায়খি।

পোপুলেসন প্রাইয়োরিতী গ্রুপশিংদা বেজ তৌদুনা কাপখিবা ভেক্সিন দোজকী অপুনবা কোভরেজ অদু মখাদা লৈরে:

পোপুলেসন প্রাইয়োরিতী গ্রুপশিংদা কাপখিবা ঙসিগী ভেক্সিনেসন এক্সর্সাইসতা ফংলিবা এচিবমেন্দ অদু মখাদা লৈরে:

লৈবাক অসিদা লৈরিবা খ্বাইদগী ফিভম শোক্নিংঙাই ওইরিবা মীওই কাংলুপশিংবু কোবিদ-১৯দগী ঙাকথোক্নবগী খুৎলাই অমা ওইনা শিজিন্নরিবা ভেক্সিনেসন এক্সর্সাইস অসি অৱাংবা থাক্তা চাং নাইনা লেপ্পা-লৈতনা য়েংশিল্লি৷

****