প্রধান মন্ত্রী শ্রী নরেন্দ্র মোদীজীগী লুচিং মখাদা মফম খুদিংবু চাউখৎহনবদা মুখ্য মন্ত্রী শ্রী এন. বিরেন সিংহনা মায় পাকখি

হৌখিবা চহি ৫ অসিদা ব্লোকেদ অমত্তা তৌখিদে, বন্ধ তৌখিদে অমসুং য়েকখায় থুগায়বগী থৌওংশিং য়াম্না ফজনা লাকশিনখি, তংদু লৈতানা লৈত্রিবমখৈ শান্তি লৈবসু ওইথোকপা ঙম্লোই

বিরেন সিংহগী সরকারগী খ্বাইদগী চাউনা মায় পাকপদি মসিনা তংদু লৈতানা লৈহনবা ঙমবতা নত্তনা চাউখৎ থৌরাংগী লম্বীসু মনিপুরগীদমক্তা হাংদোকপীখি

মমাংগী সরকারগী ব্লোকেদ, হিংশা, শেঞ্জা থুমজা, দ্রগ ললোনবগী চৎনবীদগী ৱাংমা লান্না থোক্লক্নবগীদমক্তা মনিপুরনা মায় পাক্না হোৎনখি

প্রধান মন্ত্রী শ্রী নরেন্দ্র মোদীজীনা ঙরাংমক্তদা লুপা করোর ৩০০০ হেনবগী প্রোজেক্ত ২১ শঙ্গাবগা লোয়ননা উরেপ উয়ুংসু তমখি অমসুং নেস্নেল হাইৱে প্রোজেক্ত মঙাসু উরেপ উয়ুং তমখি

ঙসি, লুপা করোর ২৬৫ হেনবা শেনফমগী প্রোজেক্ত ১৫ শঙ্গারি অমসুং লুপা করোর ২১৯৪গী প্রোজেক্ত ১৪সু হৌদোক্লে

নুমিৎ নিনিখক্তদা চাউরাকপা লুপা করোর ৫৫০০গী শেনফমগী থবকশিংবু মনিপুরগী মীয়ামগীদমক্তা হৌদোক্লে

মমাংগী সরকারগী শাংলবা মতমদা লুপা করোর ৫৫০০গী থবক শঙ্গাখিবা অমসুং উরেপ উয়ুং তমখিবা অসিগুম্বা নুমিৎ নিনিগী থৌরম অমখক্তা হায়বীরকউ

মমাংগী সরকারনা পুং ২৪ চুপ্পা রাজনিতী তৌদুনা লৈখি, খুৎলায় পায়বশিংবু শৌগত্তুনা লৈখি, মীফা-মীপুন, দ্রগ ললোনবা অমসুং বন্ধগী মিংদা মীয়াম্বু ৱাহন্দুনা লৈখি, অদুবু হৌজিক্তি, কেন্দ্রদা মোদীজী অমসুং রাজ্যদা বিরেং সিংহগী সরকার অনিমক্না পুন্দুনা মনিপুরদা দবল ইঞ্জিনগী চাউখৎপসি করিনো হায়বা শক্তাকপীরে

নরেন্দ্র মোদী সরকারনা অৱাং-নোংপোক পুম্ববু চাউখৎ থৌরাংগী খুদোংচাবা অমা পীবীরে অমসুং প্রধান মন্ত্রীনা রাজ্য ৮ অসিবু ভারতকী লন্নি হায়নসু হায়রিবনি

মমাংগী চহি ৭ মখায়দা মন্ত্রীশিং অমসুং প্রধান মন্ত্রীগী অপুনবা খোঙচৎ ১৫০০ লৈখি

শিংনবা কয়া লৈরম্মি, খুদম ওইনা হায়রবদা, ৱারী শানরবা তুংদা ৱারোইশিন পুরকখিবা বাঙ্গলাদেশকা ঙমখৈগী মতাংদা উংখৎনবা লৈরম্বা, ব্রু-রিয়াংগা ৱারী শানখিবা, বোরোগা ৱারী শানখি, লালহৌবা কাঙলুপ ৮গা ৱারী শানখি

লালহৌবা মশিং চাউরাক্না ৩০০০না খুৎলায় থাদোক্তুনা মহৌশাগী পুন্সিদা চঙলকখি অমসুং নহাশিং অসিনা লৈবাক চাউখৎপগী থবকশিংদা হৌজিক শরুক য়ারি

মমাংগী সরকারগী আই. অহুম লৈরম্মি, ইন্সতেবিলিতী (তংদু লৈতাদবা), ইন্সর্জেন্সী (লালহৌবগী ইরাং) অমসুং ইনইক্বেলিতী (মান্ননা য়েংদবা)। ঐখোয়না আই. অহুমসিবু ইন্নোভেসন, ইনফ্রাস্ত্রকচর অমসুং ইন্তিগ্রেসনদা ওন্থোক্লে।

ইন্তিগ্রেসনগী মতেংখক্তগী লৈবাক অসিনা অমত্তা ওইবা য়াগনি, অৱাং-নোংপোক্না অমত্তা ওইগনি

মনিপুরগী সংস্কৃতীবু খুমাং চাউশিলহন্নবগীদমক্তা রানী ইমা অমসুং ঐখোয়গী ত্রাইবেল নেতাশিংগী ম্যুজিয়ম অমা শাবগী থবক পায়খৎলে, ত্রাইবেলশিংগী ম্যুজিয়ম ৩১ লৈবাক শিনবা থুংবদা শারগনি অমসুং মনিপুরদসু অমা শাগনি

মোদীজীনা ঐখোয় খুদিংদা মঙলান অমা মঙহনবীখি, নোংপোক ভারত চাউখৎপগী য়ুম্ফম ওইনবা চাউখৎপা অৱাং-নোংপোক অমা লৈগদবনি অমসুং মসিগী খুত্থাংদগী নোংপোক ভারত অমসুং ভারত পুম্বা চাউখৎকদবনি

অন্দমান্দা মহারাজা কুলচন্দ্র অমসুং মহাক্কী খোঙলোয় কয়ানা বৃতিশকী মাইয়োক্তা লান্থেংনখি অমসুং মহাকপু ফাদুনা থমখিবা মফমদুবু মাউন্ত মনিপুর হায়না মিংথোন্দুনা মোদী সরকারনা নিংতম লান্মী খুদিংবু ইকায় খুম্নখি

নেতাজীনা নিংতম লান্দা নিংতম্বগী গেতৱে ওইনা শেমখিবা অসি মনিপুরনি অমসুং আই.এন.এ.গী অহানবা ফিরাল পায়বগী খুদোংচাবসু মনিপুরনা ফংখি

নিংতম্বগী চহি ৭৫ অমসুং মনিপুরনা রাজ্য ওইখিবগী চহি ৫০ ফারকপা অসিনা মনিপুরগী মীয়ামদা অনৌবা ৱারেপ অমসুং শক্তি পীবগী চহি অমা ওইরি

কেন্দ্রগী গৃহ অমসুং কোওপরেসন মন্ত্রী, শ্রী অমিৎ শাহনা ঙসি ভিদিও কনফরেন্সিংগী খুত্থাংদা মনিপুরদা লুপা করোর ২৪৫০গী চাউখৎ-থৌরাংগী প্রোজেক্ত ২৯ শঙ্গাবগা লোয়ননা উরেপ উয়ুং তমখি। থৌরম অসিদা মনিপুরগী মুখ্য মন্ত্রী, শ্রী এন. বিরেন সিংহসু শরুক য়াখি।

থৌরম অসিদা ৱা ঙাংবদা, কেন্দ্রগী গৃহ মন্ত্রীনা নেতাজী সুভাস চন্দ্র বোসনা নিংতম লান্দা নিংতম্বগী গেতৱে ওইনা শেমখিবা অসি মনিপুরনি অমসুং আই.এন.এ.গী অহানবা ফিরাল পায়বগী খুদোংচাবসু মনিপুরনা ফংখি হায়না মহাক্না হায়খি। হৌজিক্কী চহি অসি নিংতম্বগী ৭৫শুবা চহিনি অমসুং লৈবাক শিনবা থুংবনা অজাদীকা অমৃত মহোৎসব হায়না পাংথোক্লি অমসুং মনিপুরনা রাজ্য ওইখিবগী চহি ৫০শুবা মপুং ফারগনি। ৱাখল্লোন অমদা য়েংলবদি, নিংতম্বগী চহি ৭৫ অমসুং মনিপুর রাজ্য ওইখিবগী চহি ৫০ শুবা অসিনা মনিপুরগী মীয়াম খুদিংদা অনৌবা ৱারেপ অমসুং পাঙ্গল হাপ্পা চহি ওইরিবনি।

শ্রী অমিৎ শাহনা হায়খিবদা, মুখ্য মন্ত্রী শ্রী এন. বিরেন সিংহগী লুচিং মখাদা, রাজ্য সরকার অসিনা চহি ৫ অসিদা মনিপুরগী কাচিন কোয়া খুদিংবু চাউখৎহন্নবা খোঙফম চেৎনা হোৎনখি। চিং, তম্পাক, উমং, খুঙ্গং নত্ত্রগা শহর ওইরো, মুখ্য মন্ত্রী শ্রী এন. বিরেন সিংহনা প্রধান মন্ত্রী শ্রী নরেন্দ্র মোদীগী লুচিং মখাদা মফম খুদিংবু মায় পাক্না চাউখৎহনখি। মনিপুরগী পুৱারী ইবা খুদিংগী, মসিগী চহি মঙা অসিদি সনাগী য়ুগনি হায়না ইরগনি। চহি মঙা অসিদা চাউখৎ-থৌরাং নীংথিনা পাংথোকখি, অমুক্তা অপনবা পীখিদে, লেপহনখিদে অমসুং য়েকখায় থুগায়বা অমসুং মীশি মীনাগী থোউওংসু মশক থোক্না লাকশিনখি। তংদু লৈতাবা ফিভম লৈত্রিবমখৈ, চাউখৎপা হায়বসি ওইথোক্লোই অমসুং বিরেন সিংহগী সরকারগী খ্বাইদগী চাউবা মায় পাকপা অসিদি মসিনা চাউখৎপা অমসুং তংদু লৈতাবগী থোঙবু মনিপুরগীদমক্তা হাংদোকপীখিবা অসিনি। মনিপুরনা মমাংগী সরকারগী মতমদা লৈরম্বা ব্লোকেদ, মীশি মীনা, শেঞ্জা থুমজা, বন্ধ অমসুং দ্রগ ললোনবগী চৎনবীদগী ৱাংমা লান্না থোক্লকপদা মায় পাক্লে।

কেন্দ্রগী গৃহ অমসুং কোওপরেসনগী মন্ত্রীনা প্রধান মন্ত্রী, শ্রী নরেন্দ্র মোদীনা ঙরাং লুপা করোর ৩০০০ হেনবগী প্রোজেক্ত ২১ শঙ্গাবগা লোয়ননা উরেপ উয়ুংসু তমখি অমসুং নেস্নেল হাইৱে প্রোজেক্ত মঙাসু উরেপ উয়ুং তমখি হায়না পাউদমখি। প্রধান মন্ত্রীনা থক্নবা ঈশিং পীবা, হকশেল, অর্বান দিভেলপমেন্ত, ইনফোর্মেসন তেক্নোলোজী, স্কিল দিভেলপমেন্ত, আর্ত অমসুং কলচরবু কোনবা স্কিম কয়া অমা হৌদোকখি। ঙসিদি, থৌরম অসিদা লুপা করোর ২৬৫ হেনবা শেনফমগী প্রোজেক্ত ১৫ শঙ্গারি অমসুং লুপা করোর ২১৯৪গী প্রোজেক্ত ১৪সু হৌদোক্লে। শ্রী নরেন্দ্র মোদী অমসুং শ্রী এন. বিরেন সিংহনা মনিপুরদা লুপা করোর ২৪৫০গী প্রোজেক্ত খুদোল তম্লি। নুমিৎ নিনিখক্তদা চাউরাকপা লুপা করোর ৫৫০০গী শেনফমগী থবকশিংবু মনিপুরগী মীয়ামগীদমক্তা হৌদোক্লে। মমাংগী সরকারগী শাংলবা মতমদা লুপা করোর ৫৫০০গী থবক শঙ্গাখিবা অমসুং উরেপ উয়ুং তমখিবা অসিগুম্বা নুমিৎ নিনিগী থৌরম লৈখ্রবরা হায়না হংখি।

শ্রী অমিৎ শাহনা লাক্লিবা মতমশিংদা ওর্গানিক ওইবা চিঞ্জাক্কী পোত্থোকশিংগী কান্নবা অমসুং মরু ওইবশিং অসি হেনগৎলক্কনি হায়না ফোংদোকখি। মাইকৈ অসিদা, ওর্গানিক আউতলেত, কোল্দ রুম অমসুং পেকিং য়ুনিৎশিংবু লৌউ-শিংউ অমসুং লৌমীশিংগী য়াইফ য়ুম্বাল মন্ত্রালয়গী মখাদা লৈবা ওর্গানিক মিসন ফোর নোর্থ ইস্তর্ন রিজনগী অখন্নবা স্কিম ওইনা সঞ্জেন্থোংদা শঙ্গাখ্রে। মহাক্না মনিপুরগী লৌমীশিংদা মখোয়না ওর্গানিক ফার্মিংবু লৌশিনখিবগী মওং উরি অমসুং মখোয়না হৌজিক্তি মখোয়গী পোত্থোকশিংগী খ্বাইদগী অহেনবা মমল ফংলগনি অমসুং ভারত অমসুং মনিপুর সরকারনা মসিগীদমক্তা খোঙফম চেৎলি অমসুং হীরম অসিগী মাইকৈদা অনৌবা মতম অমা হৌরবনি হায়না ফোংদোকখি। প্রধান মন্ত্রী এগ্রিকলচর ইরিগেসন স্কিমগী মখাদা ঙসিদগী হৌনা ত্যুব ৱেল ৭৫না লুপা করোর ৮ চঙদুনা মথৌ তৌবা হৌখ্রে। এনিমেল হসবেন্দরী সেক্তরগী ওইনা লুপা করোর ১৬ চঙনা প্রোজেক্ত মঙা হৌখ্রে, লুপা করোর ২১ চঙনা থোং মরি অমসুং শোরোকশিং শারগনি, লুপা করোর ৩৬ চঙনা শেম-শাবা লোইশিনখ্রবা থক্নবা ঈশিং পীবগী প্রোজেক্ত মরিনা হয়েংদগী হৌনা চাউরাকপা মীওই ৩১,০০০দা কান্নবা ফংহল্লগনি। লমকোয়বশিংগী পন্থুংফমগী থবক অমসু পায়খৎপা লোইখ্রে, মনিপুর য়ুনিভর্সিতী কেম্পস্তা ইন্তর্নেস্নেল হোস্তেল বিলদিং অমা খুৎশিন্নখ্রে অমসুং পুলিস্কী মেমোরিএল অমসু ঙসি শঙ্গাখি। লুপা করোর ৪৬ চঙগদবা শিরুই মহোৎসবকী ইনফ্রাস্ত্রকচর দিভেলপমেন্ত প্রোজেক্ত অমা লাউথোকপা, ‘হুনর হব’ শেমগৎপা, ইম্ফালদা লৈবা ‘ওলিম্পিয়ন পার্ক’কী উরেপ উয়ুং তমখিবা, লু ৱাংসংবমদা লৈবা ক্রিকেত স্তেদিয়মগী ফেসিলিতীশিং পাকথোক-চাউথোকখিবগী থবকশিং অসি ঙসি পাংথোকখি। মসিগা লোয়ননা, লুপা করোর ১০৮ চঙনা সেনাপতি, নোনে অমসুং ককচিংদা শাগদবা দিস্ত্রিক্ত কোর্ত কমপ্লেক্সকী উরেপ উয়ুং তম্বা, লুপা করোর ২২ চঙগদবা রিজর্ভর ৫ অমসুং থাঙ্গাপাতকী মরু ওইবা প্রোজেক্ত অনি অমসুং অতোপ্পা ৱাতর বোদী কয়াগী থবক্কী মতাংদসু ঙসি পাংথোকখিবা থবকশিংদা য়াওখি। লম্ফেল্পাত ৱাতর বোদীগী একর ৪৫০ পাক চাউবা মফমসিবু শেমগৎনবা থৌরাং অমসু য়াৎখ্রে। লম্ফেলপাতকী ঈশিংগী মফম অসিবু ন্যু দিভেলপমেন্ত বেঙ্কতগী লুপা করোর ৬৫০ থাদদুনা নৌনা শেমগৎপা অমসুং বেঙ্ক অসিমক অসিনা লুপা করোর ১১৪৯ থাদদুনা ইম্ফাল শহরগী ইন্তেগ্রেতেদ সিৱরেজ সীস্তেমগী অনিশুবা ফেসকী থবকসু হৌহল্লগনি।

মমাংগী সরকারনা পুং ২৪ চুপ্পা রাজনিতী তৌদুনা লৈখি, খুৎলায় পায়বশিংবু শৌগত্তুনা লৈখি, মীফা-মীপুন, দ্রগ ললোনবা অমসুং বন্দগী মিংদা মীয়াম্বু ৱাহন্দুনা লৈখি, অদুবু হৌজিক্তি, কেন্দ্রদা মোদীজী অমসুং রাজ্যদা বিরেং সিংহগী সরকার অনিমক্না পুন্দুনা মনিপুরদা দবল ইঞ্জিনগী চাউখৎপসি করিনো হায়বা শক্তাকপীরে হায়না কেন্দ্রগী মন্ত্রীনা ফোংদোকখি। অন্দমান্দা মহারাজা কুলচন্দ্র অমসুং মহাক্কী খোঙলোয় কয়ানা বৃতিশকী মাইয়োক্তা লান্থেংনখি অমসুং মহাকপু ফাদুনা থমখিবা মফমদুবু মাউন্ত মনিপুর হায়না মিংথোন্দুনা মোদী সরকারনা নিংতম লান্মী খুদিংবু ইকায় খুম্নখি। ঐখোয়না রাজ্য অসিগী অপাম্বা খঙই, মদুবু য়াদুনা মখা তাবা থবক পাংথোকখি। নরেন্দ্র মোদী সরকারনা অৱাং-নোংপোক লমদম পুম্বগী চাউখৎপগী লম্বী কয়া য়াৎপীরে অমসুং প্রধান মন্ত্রী মশামক্না রাজ্য ৮ অসিবু ভারতকী অস্তলক্ষ্মমীনি হায়রিবনি হায়না মহাক্না ফোংদোকখি। ভারত সরকারগী মন্ত্রী খুদিংনা লদম অসিদা নুমিৎ ১৫নি খুদিংগী চৎকদবনি অমসুং জিলাগী থাক্তা লৈবা থৌরম শিন্দুনা শরুক য়াগদবনি হায়না শ্রী নরেন্দ্র মোদীনা খঙহনখিবা লৈখ্রে। মমাংগী চহি ৭ মখায়দা, লমদম অসিদা মন্ত্রীশিংগী খোঙচৎ ১৫০০ লৈখ্রে অমসুং প্রধান মন্ত্রী মশাশু কয়ারক হন্না চৎখ্রে। শিংনবা কয়া লৈরম্মি, খুদম ওইনা হায়রবদা, ৱারী শানরবা তুংদা ৱারোইশিন পুরকখিবা বাঙ্গলাদেশকা ঙমখৈগী মতাংদা উংখৎনবা লৈরম্বা, ব্রু-রিয়াংগা ৱারী শানখিবা, বোরোগা ৱারী শানখি, লালহৌবা কাঙলুপ ৮গা ৱারী শানখি হায়না শ্রী অমিৎ শাহনা হায়খি। লালহৌবা মশিং চাউরাক্না ৩০০০না খুৎলায় থাদোক্তুনা মহৌশাগী পুন্সিদা চঙলকখি অমসুং নহাশিং অসিনা লৈবাক চাউখৎপগী থবকশিংদা হৌজিক শরুক য়ারি।

শ্রী অমিৎ শাহনা হায়খিবদা, মমাংগী সরকারগী আই. অহুম লৈরম্মি, ইন্সতেবিলিতী (তংদু লৈতাদবা), ইন্সর্জেন্সী (লালহৌবগী ইরাং) অমসুং ইনইক্বেলিতী (মান্ননা য়েংদবা)। ঐখোয়না আই. অহুমসিবু ইন্নোভেসন, ইনফ্রাস্ত্রকচর অমসুং ইন্তিগ্রেসনদা ওন্থোক্লে অমসুং মসি পাংথোক্লবা মতমদতা লৈবাক্না অমত্তা ওইবা য়াগনি, অৱাং-নোংপোক্না অমত্তা ওইগনি। ঐখোয়না আই. অহুমগী ফোর্মুলা অমসুং প্রধান মন্ত্রীগী অস্তলক্ষমীগী খোল্লাওবু থবক ওইনা পাংথোকপগী মথৌ তাই হায়না মহাক্না মখা তাখি। ঐখোয়না মনিপুরবু বন্ধ অমসুং ব্লোকেদতগী নিং তমহল্লে, লমদম অসিবু চাউখৎপগী লম্বীদা পুরক্লে অমসুং মসিবু নিশাদগী নিংতমহন্নবসু হোৎনগদবনি। ঐখোয়না মনিপুরগী সংস্কৃতীবু খুমাং চাউশিলহন্নবগীদমক্তা রানী ইমা অমসুং ঐখোয়গী ত্রাইবেল লুচিংবশিংগী ম্যুজিয়ম অমা শাবগী থবক পায়খৎলে, ত্রাইবেলশিংগী ম্যুজিয়ম ৩১ লৈবাক শিনবা থুংবদা শারগনি অমসুং মনিপুরদসু অমা শাগনি। মহাক্না মুখ্য মন্ত্রী অমসুং মনিপুর সরকারবু কোবিদ-১৯ নীংথিজনা শেন্নবগীদমক্তা থাগৎপা ফোংদোকখি অমসুং জিলা ১৬তা ওক্সীজেন প্লান্ত শাখ্রে হায়নসু ফোংদোকখি। শ্রী নরেন্দ্র মোদীজীনা ঐখোয় খুদিংদা মঙলান অমা মঙহনবীখি, নোংপোক ভারত চাউখৎপগী য়ুম্ফম ওইনবা চাউখৎপা অৱাং-নোংপোক অমা লৈগদবনি অমসুং মসিগী খুত্থাংদগী নোংপোক ভারত অমসুং ভারত পুম্বা চাউখৎকদবনি।

 *****