ভারত সরকারগী সোসিএল জস্তিস অমসুং ইম্পৱারমেন্ত মিনিস্ত্রিগী দিপার্তমেন্ত ওফ ইম্পৱারমেন্ত ওফ পর্সন্স ৱিদ দিসএবিলিতি(দি.ই.পি.দব্লিউ.দি)না অলিমকো অমসুং মনিপুরগী সোসিএল ৱেলফিয়ার দিপার্তমেন্তগা লোয়ন্না পুন্না শীন্দুনা রাস্ত্রিয়া ভায়োশ্রী য়োজনা( আর.ভি.ৱাই) অমসুং এ.দি.আই.পি স্কিমগী মখাদা এইদস অমসুং এসিস্তিপ দিভাইসশিং য়েন্থোক্নবা ‘সমাজিক অধিকারি সিবির’ অমা লাক্লিবা জনুৱারি ৭তা মনিপুরগী ককচিং জিলাগী লাংমৈদোং পব্লিক প্লে গ্রাউন্দদা পাংথোক্লগনি।

হান্না মশক খঙদোক্লবা আর.ভি.ৱাইগী বেনিফিসরি অহল ৩৮৭ অমসুং এ.দি.আই.পি স্কিমগী মখাদা দিবয়াংজন ১৪৪ দা লুপা লাখ ৬৪.০৫ কী এইদস অমসুং এসিস্তিপ দিভাইস ১৮৯৫ লেম্না য়েন্থোক্কনি । তোঙান-তোঙানবা মখলগী এইদস অমসুং এসিস্তিপ দিভাইসশিং হায়বদি হুইল চিয়ার, ত্রাইসাইকল, সি.পি.চিয়ার, চৈশু, স্মার্দ কেন, হিয়ারিং এইদ, দেনচরস, নি ব্রাস, ৱালকর, ফুদ কিয়ার য়ুনিত য়েন্থোকপা অসি কোবিদ-১৯ লায়চৎ অসিগী য়েংলগা দিপার্তমেন্তনা শেম্বা এস.ও.পি মতুংইন্না ব্লোক/পঞ্চয়াতকী থাক্তা পাংথোক্কনি।

কেম্প হৌদোকপগী থৌরম চৎলিবা জনুৱারিগী ৭কী নুমিৎয়ুংবা পুং ১২ তাবদা পাংথোক্কনি। থৌরম অদুদা ভারত সরকারগী সোসিএল জস্তিস অমসুং ইম্পৱারমেন্তগী রাজ্য মন্ত্রী সুস্রী প্রতিমা বৌমিকনা চীফ গেস্ত ওইনা অমসুং হিয়াংলমগী এম.এল.এ দোক্তর রাধেশ্যাম য়ুম্নামনা গেস্ত ওফ ওনর ওইনা শরুক য়াগনি।

থৌরম অদুদা অলিমকো অমসুং দিস্ত্রিক এদমিনিস্ত্রেসনগী সেনিয়র ওফিসারশিংশু শরুক য়াগনি।

*****