সিবিল এবিয়েসন মন্ত্রালয়
প্রধান মন্ত্রীনা অগর্তালাদা মহারাজা বির বিক্রম(এম.বি.বি.) এয়রপোর্তকী অনৌবা ইন্তিগ্রেতেদ তর্মিনেল বিল্দিং শঙ্গাখ্রে
এম.বি.বি. এয়রপোর্তনা হৌজিক্তি চহি খুদিংগী পেসেঞ্জর লাখ ৩০ পুথোক-পুশিন তৌরগনি
স্তেত-ওফ-আর্ত এয়রপোর্ত অসিনা ত্রিপুরাগী কল্চরেল হেরিতেজ অদু উৎলগনি
Posted On:
04 JAN 2022 5:59PM by PIB Imphal
প্রধান মন্ত্রী শ্রী নরেন্দ্র মোদীনা মহারাজা বির বিক্রম (এম.বি.বি.) এয়রপোর্তকী অনৌবা ইন্তিগ্রেতেদ তর্মিনেল বিল্দিং শঙ্গাখি অমদি মুখ্যমন্ত্রী ত্রিপুরা গ্রাম সমৃধি য়োজনা অমদি বিদ্যজ্যোতি স্কুলশিংগী প্রোজেক্ত মিসন ১০০গুম্বা মরু ওইবা ইনিসিয়েতিবশিং লোঞ্চ তৌখি৷ ত্রিপুরাগী রাজ্যপাল সত্যদিও নরেন আর্য, ত্রিপুরাগী মুখ্য মন্ত্রী শ্রী বিপ্লাব কুমার দেব, সিবিল এভিয়েসনগী কেন্দ্রগী মন্ত্রীশিং শ্রী জ্যোতির্অদিত্য সিন্দিয়া অমসুং শ্রীমতি প্রতিমা ভৌমিকশু থৌরম অসিদা শরুক য়াখি৷
মহাক্কী ৱারোলদা, ঙসিদি অনৌবা স্তেত-ওফ-আর্ত তর্মিনেল শঙ্গাদুনা ত্রিপুরাগী মঙাল লৈরবা পুৱারি অসিদা অনৌবা লৈমাই অমা হাপচিনখ্রে হায়না শ্রী সিন্দিয়ানা ফোংদোকখি৷ ইন্তিগ্রেতেদ তর্মিনেল অসিনা প্রধান মন্ত্রীগী মংলান অমসুং অচেৎপা ফিরেপকী খুদম অমা ওইরি৷ মসিনা রাজ্য অসিদা অমদি অৱাং নোংপোক লমদমদা চাওখৎপগী অনৌবা থোংশিং হাংলগনি৷
স্ক্বের মীতর ১০,০০০ হেন্না শন্দোকখিবা অগর্তালাগী এয়রপোর্ত অসি হৌজিক্তি স্ক্বের মীতর ৩০,০০০গী এরিয়াদা শাখ্রে, মসিনা ত্রিপুরাগী কল্চরেল হেরিতেজ অদু উৎলগনি৷ মহারাজা বির বিক্রম এয়রপোর্তনা চহি অমদা পেসেঞ্জর লাখ ১৩ পুথোক-পুশিন তৌরম্বা অদুগী মহুৎতা হৌজিক্তি চহি খুদিংগী পেসেঞ্জর লাখ ৩০ পুথোক-পুশিন তৌবা ঙম্লগনি৷ কেন্দ্র সরকারগী কৃশি উদান ২.০ স্কিমগী মখাদা, এগ্রীকল্চরেল পোত্থোক্কী কে.জি. ৪৫০০দি ২০২১গী নবেম্বর থাদা মপান লমদা এক্সপোর্ত তৌখি, মসিগী মনুং চল্লিবা অদুদি ত্রিপুরাগী কিহোম অমদি থৈবোংনি৷
অগর্তালা এয়রপোর্ত অসি ত্রিপুরাগী কোনুংদা লৈরিবা অৱাং-নোংপোক লমদমগী মরু ওইবা এয়রপোর্তশিংগী মনুংদা অমা ওইরি৷ মসিনা এয়রক্রাফত ওপরেসনশিংগী ৪সি তাইপ চলাইবা ঙম্মী৷ ইন্দিগো, এয়র ইন্দিয়া, ফ্লাইবিগকুম্বা ওপরেতরশিং অসিনা কোলকতা, দিব্রুগর, গুৱাহতি, ইম্ফাল, শিল্লোং, লেঙ্গপুই, বেঙ্গলোর অমদি দিল্লী শম্নহন্দুনা হৌজিক হৌজিক চয়োল অমদা ফ্লাইত ২৩০ পাইরি৷
ফংলিবা অচৌবা ফেসিলিতীশিং:
- রনৱে (১৮/৩৬) দাইমেন্সন্স – মি.২২৮৬ x মি.৪৫
- এপ্রোনদা অমুক্তদা সি তাইপ এ-৩২১ মশিং ০৪ অমদি এ.তি.আর.-৭২ তাইপ মশিং ১ পার্ক তৌবা য়াগনি৷
- চহি অমদা পেসেঞ্জর মিলিয়ন ১.৩গী এনুএল কেপাসিতী অমগা লোইননা মতম অমতদা পেক্স. ৫০০(চৎখিবা ২৫০+লাকপা ২৫০) চলাইবা ঙম্নবা তর্মিনেল বিল্দিং অসিদা স্ক্বের মীতর ১০৭২৫গী এরিয়া অমা লৈ৷
- ইন্সত্রুমেন্ত লেন্দিং সিস্তেম(আই.এল.এস.), দোপ্লর বেরী হাই ফ্রিক্বেন্সী ওমনি রেঞ্জ(দি.ভি.ও.আর.)গুম্বা এন.এ.ভি./কোম. এইদশিং ফংহল্লি৷
- সি.এ.তি.-VIIগী ফাইয়র স্তেসন অমদি তেক্নিকেল ব্লোক ওইবা য়াবা এ.তি.সি. কন্ত্রোল তৱার৷
- নুমিদাং লেন্দিং তৌবগী ফেসিলিতীশিং৷
- রেনিৱেবল ইনর্জীগীদমক মেগা ৱাত সোলর পেনেল ২
অনৌবা ইন্তিগ্রেতেদ তর্মিনেল বিল্দিং অসি স্ক্বের মীতর ৩০,০০০গী এরিয়া অমদা শাবা লোইশিনখিবনি অমদি মসিদা এম.পি.পি.এ. ৩গী এনুএল কেপাসিতী অমগা লোইননা পিক অৱর পেসেঞ্জর(পি.ঐচ.পি.) ১২০০গী কেপাসিতী চলাইবা ঙম্মী অমদি এ-৩২১ এয়রক্রাফত মখল অসিগীদমক অহেনবা পার্কিং বেজ ৬গী এপ্রোন লৈরি৷ অনৌবা তর্মিনেল বিল্দিং অসি লুপা কোতি ৪৫০(জি.এস.তি. য়াওদনা)গী শেনফম অমা থাদদুনা শেমগৎখিবনি৷
হেরিতেজ: লোকেল কল্চরেল/আর্কিতেকচরেল ইন্সপিরেসন
- বিল্দিংগী দাইনামিক অমসুং আইকোনিক ফোর্ম অসি ত্রিপুরা রাজ্যগী চিংগী চিংশাং অদুদগী লৌথোকপনি৷
- লমদম অসিগী উমুংশিং অমদি শংদুনা লৈরিবা মফমশিং অসিবু উৎলিবা ফ্লোরেল জালি পেতর্ন অমা শিজিন্নদুনা তর্মিনেল বিল্দিংগী মমাং থংবা শরুক্তা ৱাগী আর্কিতেকচর উৎলি৷
- মনুং থংবা শরুকশিংদা উনাকোতি হিল্সকী লোকেল ত্রাইবেল স্তোন স্কল্পচরশিং অমদি লোকেল বেম্বু হেন্দিক্রাফতশিং শিজিন্নখ্রে৷
- আর্তৱার্ক অমদি স্কল্পচরশিংগী খুৎথাংদা বিল্দিংগী মনুং থংবা শরুকশিংদা লোকেল কল্চর অমদি আর্কিতেকচর উৎখ্রে৷
অগর্তালা এয়রপোর্ততা অনৌবা তর্মিনেল বিল্দিংগী ফোতোগ্রাফশিং
তর্মিনেল বিল্দিং সিতী-সাইদ ভ্যু
লেন্দস্কেপ এরিয়াদা লৈরিবা ফুদ কোর্ত
ৱাগী আর্তিফেক্তশিং উৎলিবা মনুং থংবা শক্তমশিং
ৱাগী আর্তিফেক্তশিং উৎলিবা মনুং থংবা শক্তমশিং
******
(Release ID: 1787512)
Visitor Counter : 139