লৈবাক শিনবা থুংনা চত্থবা ভেক্সিনেশন দ্রাইব অসি ২০২১গী জানুৱারীগী ১৬তা হৌদোকখি অমসুং চহি ১৮ হেনবা ভেক্সিন কাপ্পা য়াবা মীশিংগী ভেক্সিনেশন অসি ২০২১গী মে ১দগী হৌখি। চহি ১৫-১৮ ফাওবগী কাংলুপকী ইনখৎলক্লিবা নহাশিংগীদমক্তা কোবিদ-১৯ ভেক্সিন কাপ্পগী মথংগী ফেজ অদু ঙসিদগী হৌখ্রে।

ত্বীত অমদা, প্রধান মন্ত্রী, শ্রী নরেন্দ্র মোদীনা ঙসি ভেক্সিন কাপ্থোকখিবা নহাশিং অমসুং মখোয়গী অহল-লমনশিংবু থাগৎপা ফোংদোকখি। মহাক্না লাক্কদবা নুমিশিংদা নহা খরা হেন্না কাপথোক্নবসু তকশিনখ্রে

কেন্দ্রগী হকশেল মন্ত্রী, দা. মন্সুখ মান্দৱিয়ানসু ইনখৎলক্লিবা নহাশিংগীদমক্তা ভেক্সিন কাপথোক্নবগী চত্থরিবা দ্রাইব অসিগী অহানবা নুমিত্তা চহি-১৫-১৮ ফাওবগী মরক্তা লৈবা কাংলুপশিংদা কোবিদ-১৯ ভেক্সিন দোজ চাউরাক্না লাখ ৮০ কাপথোকপগীদমক্তা লৈবাক মীয়ামদা থাগৎপা ফোংদোকখ্রে

ঙসি ভারতকী কোবিদ-১৯ ভেক্সিনেসন কোভরেজ করোর ১৪৬.৬১ (১৪৬,৬১,৬২২)গী হেনখ্রে। ঙসি নুমিদাংগী পুং ৭ ফাওবদা, ভেক্সিন দোজ লাখ ৯০ (৯০,৪৭,৬৩৭) হেন্না কাপখ্রে৷ নুমিদাং অথেংবদা নুমিৎ অদুগী অরোইবা রিপোর্তশিং পীশিল্লকপদা নোংমগী ভেক্সিনেসন তেল্লী অসি হেনগৎলক্লবা য়াই হায়না পানরি৷

পোপুলেসন প্রায়োরিতী গ্রুপশিংদা য়ুম্ফম ওইদুনা কাপখিবা ভেক্সিন দোজকী অপুনবা মশিং অদু মখাদা পীরি:

পোপুলেসন প্রাইয়োরিতী গ্রুপকী মতুং ইন্না, ঙসিগী ভেক্সিনেসন এক্সর্সাইসতা ফংলিবা এচিবমেন্দ অদু মখাদা পীরি:

লৈবাক অসিদা লৈরিবা খ্বাইদগী ফিভম শোক্নিংঙাই ওইরিবা মীওই কাংলুপশিংবু কোবিদ-১৯দগী ঙাকথোক্নবগী খুৎলাই অমা ওইনা শিজিন্নরিবা ভেক্সিনেসন এক্সর্সাইস অসি অৱাংবা থাক্তা চাং নাইনা লেপ্পা-লৈতনা য়েংশিল্লি৷

*****