প্রধান মন্ত্রী, শ্রী নরেন্দ্র মোদীনা ২০২২গী জানুৱারী ৫দা পঞ্জাবকী ফিরোজপুরদা চৎলগনি অমসুং চাউরাক্না নুংথিলগী পুং ১দা  লুপা করোর ৪২,৭৫০ হেনবা চাউখৎ-থৌরাংগী ওইবা প্রোজেক্ত কয়া অমা উরেপ-উয়ুং তম্লগনি। প্রোজেক্তশিং অদুগী মনুংদা দিল্লী-অম্রিতসর-কত্রা এক্সপ্রেসৱে; অম্রিতসর – উনা সেক্সনগী লেন মরি শেম্বা; মুকেরিয়ান – তলৱারাগী অনৌবা ব্রোদ গেজ রেলৱে লাইন;  ফিরোজপুরদা পি.জি.আই. সেতলাইত অমসুং কাপুর্থালা অমসুং হোসিয়ারপুরদা মেদিকেল কোলেজ অনি য়াওরি।

লৈবাক শিনবা থুংনা কনেক্তিবিতী ফগৎহন্নবা প্রধান মন্ত্রীনা লেপ্পা লৈতনা হোৎনরিবা অসিনা মরম ওইরগা পঞ্জাবকী রাজ্য  অসিদা নেস্নেল হাইৱে শেমগৎপগী থবক থৌরম কয়া অমা পাইখৎলক্লি। মসিনা মরম ওইরগা রাজ্য অসিদা নেস্নেল হাইৱেগী অপুনবা অশাংবা অদু শরুক অনি থোক্না হেনগৎলক্তুনা ২০১৪দা কিলোমিতর ১৭০০ ওইরম্বদগী ২০২১দা কিলোমিতর ৪১০০ হেন্না হেনখি। অসিগুম্বা থবক থৌরমশিং অসিগী মখা চত্থরকপা ওইনা পঞ্জাবতা য়াম্না মরু ওইবা কোরিদোর অনিগী উরেপ-ঊয়ুং তম্লগনি। মসি প্রধান মন্ত্রীগী মরু ওইবা ধর্মগী ওইবা মফমশিংদা য়াম্না লাইনা য়ৌহন্নবগী ওইবা মঙলান অদুবু মঙফাওননবগী খোংথাং অমসু ওইগদৌরিবনি।

কিলোমিতর ৬৬৯শাংবা দিল্লী-অম্রিতসর-কত্রা এক্সপ্রেসৱে অসি পুন্না লুপা করোর ৩৯,৫০০ লোম চংনা শেমগদৌরিবনি। মসিনা দিল্লীদগী অম্রিতসর অমসুং দিল্লীদগী কত্রা চৎপদা চংবা মতম অদু তংখাই হন্থহনগদৌরিবনি। গ্রীনফীল্দ এক্সপ্রেৱেনা সুল্তানপুর লোধি, গোইন্দৱাল সাইব, খাদু সাইব, তার্ন তরনদা লৈবা সিখশিংগী থর্মগী ওইবা মরু ওইবা মফমশিং অমসুং কত্রাদা লৈবা হিন্দুগী য়াম্না শেংলবা ৱৈশ্নো দেবিগী খুভমগা কনেক্ত তৌগদৌরিবনি। এক্সপ্রেসৱে অসিন মরু ওইবা ইকোনোমিক সেন্তরশিং খুদম ওইনা হরিয়ানা, চান্দিগর, পঞ্জাব অমসুং জম্মু অমসুং কাশ্মিরগী রাজ্য / য়ু.তি. অহুমগী অম্বালা, চান্দিগর, মোহালি, সংগ্রুর, পতিয়ালা, লুধিয়ানা, জালনধর, কাপুরথালা, কাথুৱা অমসুং সাম্বাসু কনেক্ত তৌহল্লগনি।

অম্রিতসর – উনা সেক্সনগী লেন মরি শেম্বা অদু চাউরাক্না লুপা করোর ১৭০০ চংনা শেমগদৌরিবনি। লিলোমিতর ৭৭ শাংবা সেক্সন অসি অম্রিতসরদগী ভোতা ফাওবগী ওইবা কোরিদোরগী অয়ম্বা শরুক ওইগনি, মসি নোর্থর্ন পঞ্জাব অমসুং হিমাচল প্রদেশকী লোংঙিত্যুদিনেল এক্সপান্স ফাওনা চৎকনি, মসিনা মরু ওইবা নেস্নেল হাইৱে মরি মিং ওইনা পল্লবদা, অম্রিতসর-ভাতিন্দা-জাম্নাগর-হমিরপুর-বিলাসপুর-শিম্লা কোরিদোর কনেক্ত তৌরগনি। মসিনা ঘোমান, শ্রী হরগোবিনদপুর অমসুং পুলপুক্তা তাউন (মমিং লৈরবা গুরুদ্বারা সাহিবকী মফম)দা লৈরিবা ধর্মগী ওইবা মফমশিংদা কনেক্তিবিতী ফগৎহনবদা মতেং পাংগনি।

প্রধান মন্ত্রীনা লুপা করোর ৪১০ হেন্না চংনা শাগদবা চাউরাক্না কি.মি.২৭ শাংবা মুকেরিয়ান অমসুং তলৱারাগী মরক্তা শাগদবা আনৌবা ব্রোদ গেজ রেলৱে লাইনগী উরেপ-ঊয়ুং তমখ্রে। রেলৱে লাইন অসি নঙ্গল দাম –দৌলতপুর চৌক রেলৱে সেক্সনগী এক্সতেন্সন অমা ওইগনি। মসিনা মফম অসিদা নোংজু-নুংশা খায়দনা মতম পুম্নক্তা চত্থোক-চৎশিন তৌবা য়াহনগনি। মসিগী প্রোজেক্ত অসি স্ত্রতেজিক্কী ওইনা য়াম্না মরু ওই মরমদি মসিনা হৌজিক লৈরিবা জালনধর-জম্মু রেলৱে লাইন অসিবু মুকেরিয়ানদা শমজিন্নদুনা জম্মু অমসুং কাশ্মির চৎনবগী অতোপ্পা লম্বি অমা ওিনা মথৌ তৌগদৌরিবনি। মসিগী প্রোজেক্ত অসিনা মরু ওইনা পঞ্জাবতা হোশিয়ারপুর অমসুং হিমাচল প্রদেশতা উনাগী মীয়ামদা কান্নগনি। মসিনা লমদম অসিদা তুরিজম চাউখৎহনগনি অমসুং হিল স্তেশনশিংগা লোইন-লোইননা ধর্মগী ওইনা মরু ওইবা মফমশিংদা চৎথোক-চৎশিন তৌবদা লাইহল্লগনি।

লৈবাক অসি শিনবা থুংনা মালেমগী ধাক্তা লৈবা মেদিকেল ফেসিলিতীশিং পীনবগী পান্দমদা প্রধান মন্ত্রীনা হোৎনরিবশিং অদুগী মনুং চন্না পঞ্জাবকী তাউন অহুমদা অনৌবা মেদিকেল ইনফ্রস্ত্রকচরগী উরেপ-উয়ুং তম্লগনি। ফিরোজপুরদা ফমুং ১০০ লৈবা পি.জি.আই. সেতলাইত সেন্তর অসি লুপা করোর ৪৯০ এন্না চংনা শাগদোরিবনি। মসিনা ইন্তর্নেল মেদিসিন য়াওনা , জেনরেল সর্জরী, ওর্ধোপেদিক্স, প্লাস্তিক সর্জরী, ন্যুরোসর্জরি, ওবস্তেত্রিক্স অমসুং গাইনিকোলোজী, পেদিয়াত্রিক্স, ওপ্ধালমোলোজী, ই.এন.তি. অমসুং সাইকিয়াত্রী-দ্রগ দি-আদিক্সন হায়রিবা স্পিসিয়েলিতী ১০ সার্বিসশিং পীরগনি। সেতলেইত সেন্তর অসিনা ফিরোজপুর অমসুং মনাক নকপা মফমশিংদা মালেমগী থাক্তা লৈবা মেদিকেল ফেসিলিতীশিং ফংহল্লগনি।

কাপুরথালা অমসুং হোশিয়ারপুরদা মেদিকেল কোলেজ অনি, অমমমদা চাউরাক্না লুপা করোর ৩২৫ চংনা শারগনি অমসুং চাউরাক্না সীত ১০০গী কেপাসিতী লৈগনি। মসিগী কোলেজশিং অসি সেন্তরনা স্পোনসর তৌবা স্কীম ‘এস্তাব্লিশমেন্ত ওফ ন্যু মেদিকেল কোলেজেস এতেচ ৱিথ দিস্ত্রিক্ত/রেফরেল হোসপিতালস’গী ফেজ- IIIদা অয়াবা পিখ্রে। মসিগী স্কীম অসিগী মখাদা পঞ্জাবকীদমক্তা পুন্না মেদিকেল কোলেজ অহুম অয়াবা পীখ্রে। ফেস- Iদা এস.এ.এস. নাগরদা অয়াবা পীখ্রবা কোলেজতি হান্নদগী মথৌ পাংথোকপা হৌখ্রে।  

*****