আয়ুশ অমসুং পোর্তস, শিপ্পিং অমসুং ৱাতরৱেজকী কেন্দ্রগী মন্ত্রী শ্রী সর্বানন্দা সোনোৱালনা নোংমাইজিং নুমিৎতা আসম য়াওনা, মরুওইনা অৱাং নোংপোক্কী ফার্মিং কম্ম্যুনিতীদা লৌউ-শিংউবগী চাউখৎনবা হোৎনরিবা এগ্রীপ্রিন্যুরশিং অমসুং একাদেমিসিয়ানশিংগী এক্সপার্ত কাংলুপ অমগা উনখ্রে।

এক্সপার্ত কাংলুপ অসিনা মন্ত্রীদা হান্না লৈরিবা লৌউবগী মওং অমসুং মখোয়গী ইকোনোমীগী ফিভম লোয়ন-লোয়ননা মখোয়না অকোইবগা হিংলিবা মহিংগী মতাংদা পাউদমখি। ইনওর্গানিক ফার্মিং, ওর্গানিক ফার্মিং অমসুং মহৌশাগী ওইবা ফার্মিংগা মরী লৈনবা লৌউ মখল কয়া অমা অমসুং মফম অসিগী ওইবা সস্তেনেবল ওইবা অমসুং ইকোনোমীগী ওইবা কয়া অমা খন্ন-নৈনখি। মসিদী মরু ওইবা পীখি মদুদি লৌউ-শিংউবগী থোক্লকপা অসিনা মফম অসিগী অমদি মসিগী মীয়ামগী ওইবা ইকোলোজিকেল অমসুং ইকোনোমীক্কী ওইবা অনিমক্কী তঙাইফদবা থুংহনগদবনি। তীম অসি আসম এগ্রীকলচর য়ুনিভর্সিতী (এ.এ.য়ু.)গী ভাইস-চাঞ্চেলর দাঃ বিদ্যুত দেকানা লুচিংখি।

য়াম্না কুপ্না খন্নরবা মতুংদা, মন্ত্রীনা এক্সপার্ত কাংলুপ অসিবু ওর্গানিক অমসুং মহৌশাগী ওইবা লৌউ অসিদা হেন্না খুদোং চাহন্দুনা হায়রিবা অসিনা সরকারগী তুংদা অৱাংবা থাক্তা ৱারী শান্নবা লিক্লম পরিং অমা ওইনবা খুংমাং চাউশিল্লবা রিপোর্ত অমা শেম্নবা হায়রি। রিপোর্ত অসি ওর্গানিক লোয়ন-লোয়ননা মহৌশাগী ওইবা লৌউদা শরুক য়ারিবা রাজ্য অসিগী মায় পাক্লবা এগ্রীপ্রিন্যুরশিং অমসুং অৱাং-নোংপোক লমদমগী কম্পরেতিব একজামিনেসনগা লোয়ননা আসম এগ্রীকলচর য়ুনিভর্সিতী (এ.এ.য়ু.)গী ঙক্লৌদা শেম-শাগনি।

মফম অসিগী লেঙদবা লৌউ অসি শন্দোক্না পল্লদুনা শ্রী সোনোৱালনা হায়খি, “ঐখোয়গী লমদম অসিদা মহৈ হেন্না য়ানবা লৌরোক অমা ফংনবগীদমক মতমগা চুনরবা তেক্নোলোজী অমসুং এক্সপার্ত তেক্নিক শিজিন্নগদবনি। ঐখোয়না ঐখোয়গী মখোঙদগী হৌদুনা তমজগদবনি অমসুং চাউখৎ থৌরাংগী থাক অমা লৈবা ঙম্নবা মতমগা চুনরবা তেক্নিক পায়খৎকদবনি। ঐখোয়গী লমদম অসিগী ইকোলোজীগী ওইবা খল ঙাক্তুনা থম্বা তঙাই মথৌ তাই অমসুং হায়রিবা অসিদা ঐখোয়গী ফার্মিং কম্ম্যুনিতীগী ইকোনোমীদা কায়হন্দনা থম্বা তাই। ঐখোয়না থাজবা লৈ মদুদি মফম অসিদগী ফার্মিং কম্ম্যুনিতীদা য়াম্না চাউনা কান্নবা ফংবগী খুদোংচাবা লৈরি অমসুং অৱাং নোংপোক শিনবা থুংনা আয়ুশতা য়ুম্ফম ওইবা ইন্দস্ত্রী চাউথোক্নবা মরুওইবা স্তেকহোল্দর অমা ওইরকপা য়ারি”।

কাংলুপ অসিগী অতোপ্পা মেম্বরশিং অদুদি এ.এ.য়ু., এক্সতর্নেল এজুকেসনগী, দাইরেক্তর, দাঃ পি. কে. পাথক;  এ.এ.য়ু., রিসর্স, এসোসিয়েত দাইরেক্তর, দাঃ এম. সাইকিয়া; কাহিকুচি, ঐচ.আর.এস.কী প্রিন্সিপাল, দাঃ এস. পাথক; নালবারিদগী নেচুরেল ফার্মর, জয়েন্তা মল্লা বুজার্বারুৱা, মির্জাদগী ওর্গানিক ফার্মর বনামালি চৌধুরী অমসুং তেতেলিয়া এগ্রো ওর্গানিক প্রদুসরগী, তেক্নিকেল কনসল্তেন্ত ইর কৃষ্ণ সাইকিয়ানি।

****