صحت اور خاندانی بہبود کے مرکزی وزیر مملکت ڈاکٹر بھارتی پروین پوار نے آج راجیہ سبھا میں ایک تحریری جواب میں یہ بتایا کہ قومی کووڈ- 19 ویکسینیشن پروگرام کے تحت، کووڈ- 19ویکسین،  تمام سرکاری کووڈ- 19 ویکسینیشن مراکز(سی وی سیز) پر ان کی سماجی و اقتصادی حیثیت سے قطع نظر 18 سال یا اس سے زیادہ عمر کے تمام شہریوں کے لیے مفت دستیاب ہے۔ تجویز کردہ شناختی کارڈ  نہ رکھنے والے افراد جیسے تارکین وطن، سیر، خانہ بدوش، پناہ گزین، بے سہارا، بے گھر افراد، بھکاری وغیرہ کو خصوصی سیشنز کے ذریعے ٹیکہ کاری کی سہولت فراہم کرنے کا انتظام ہے جہاں 100فیصد ویکسینیشن، ایک مقررہ  طریقہ کار کے تحت ویکسینیٹر کے ذریعہ سائٹ پر رجسٹریشن کے ذریعے کی جاتی ہے۔

حکومت ہند نے تمام ریاستوں/ مرکز کے زیر انتظام علاقوں کو بزرگ اور کسی بھی طرح سے معذور شہریوں کے لیے اور ایسے افراد کی رہائش گاہ پر ویکسینیشن کے لیے جو بستر پر ہو سکتے ہیں یا بہت زیادہ مریض ہیں یا ان کی نقل و حرکت بہت محدود  ہے ، یا خصوصی ضروریات  ہیں جو این ایچ سی وی سیز تک ان کی رسائی کی راہ میں حائل ہو سکتی ہیں  کے قریب کووڈ-  ویکسینیشن سنٹر (این ایچ سی وی سی) کے لیے ایڈوائزری جاری کی ہے ۔ 3 نومبر 2021 سے ’ہر گھر دستک‘ ٹیکہ کاری مہم  کا آغاز کیا گیا ہے جس میں پہلی خوراک کے لیے چھوٹ جانے والے استفادہ کنندگان اور دوسری خوراک کے لیے استحقاق رکھنے والے استفادہ کنندگان کی شناخت کی جاتی ہے اور گھر گھر جاکر انہیں ٹیکہ لگایا جاتا ہے۔

صحت اور خاندانی بہبود کی مرکزی وزارت نے کووڈ-19 میں مبتلا مریضوں کے فوری، مؤثر اور جامع علاج کو یقینی بنانے کے مقصد سے کووڈ سہولیات کے مختلف زمروں میں کووڈ مریضوں کے داخلے کے لیے قومی پالیسی جاری کی ہے۔

مرکزی وزارت صحت اور خاندانی بہبود، کووڈ-19 کے خلاف 5 مرحلوں والی  حکمت عملی (ٹیسٹ-ٹریک-ٹریٹ-کووڈ مناسب رویہ-ٹیکہ کاری) کے سختی کے ساتھ اور مستقل نفاذ کے سلسلے میں مسلسل تعاون حاصل کرنے کے لیے ریاستوں/مرکز کے زیر انتظام علاقوں کے ساتھ باقاعدہ بات چیت کر رہی ہے۔ .

حکومت ہند نے بھی  کووڈ-19 سے متعلق ٹیسٹوں کی جانچ کی صلاحیت میں نمایاں اضافہ کیا ہے۔ 14 دسمبر 2021 تک، 3,000 سے زیادہ مصروف کار لیبارٹریاں کووِڈ ٹیسٹ کر رہی ہیں اور انڈین کونسل آف میڈیکل ریسرچ (آئی سی ایم آر) کو ، آر ٹی- پی سی آر- ٹروناٹ، سی بی این اے اے ٹی اور کووڈ-19 کے دیگر  سالماتی نیو کلیائی تیزابی  تجربوں پر رپورٹ کر رہی ہیں۔

پی ایم- آیوشمان بھارت  صحت بنیادی ڈھانچہ مشن( پی ایم۔ اے بی ایچ آئی ایم) کے تحت، تمام اضلاع میں مربوط عوامی طبی تجربہ گاہوں کا قیام اور 11 ہائی فوکس ریاستوں میں بلاک پبلک ہیلتھ یونٹس کو مضبوط کرنے کا انتظام کیا گیا ہے۔

****************

(ش ح۔س ب۔ رض)

U NO:14649