হকশেল অমসুং য়াইফ-য়ুম্বাল মন্ত্রালয়
তেস্ত তৌবা, লাইয়েং-চৎথবা অমদি ভেক্সিনশিং কাপথোকহন্নবগী খাংথাংশিং লৌখৎখ্রে
Posted On:
21 DEC 2021 3:06PM by PIB Imphal
নেস্নেল কোবিদ-১৯ ভেক্সিনেসন প্রোগ্রামগী মখাদা, চহি ১৮ শুরবা নত্রগা হেল্লবা মীওইশিংগী সোসিও-ইকোনোমিক স্তেতস য়েংদনা সরকারগী কোবিদ-১৯ ভেক্সিনেসন সেন্তর পুম্নমক্তা(সি.ভি.সি.শিং) লেম্না কোবিদ-১৯ ভেক্সিন ফংহল্লি৷ প্রেসক্রাইব প্রোসিদ্যোর অমগী মখাদা ভেক্সিনেতর অদুনা ওন-সাইত রেজিস্ত্রেসন তৌদুনা ১০০% ভেক্সিন কাপ্লিবা অখন্নবা সেসনশিংগী খুৎথাংদা মাইগ্রেন্তশিং, সীয়রশিং, নোমেদশিং, রেফ্যুজীশিং, দেস্তিত্যুত, ময়ুম-মকৈ লৈজদ্রবা মীওইশিং অমদি চাক্নিবশিংগুম্বা মীওইশfx অসিবু প্রেসক্রাইব আইদেন্তিতী কার্দশিং য়াওদনা ভেক্সিন লাইনা কাপথোকহনবগী প্রোভিজন লৈ৷
অহল ওইরবা অমদি মীমান্নদ্রবা মীওইশিংগীদমক অমসুং ফমুংদা য়াতাদুনা লৈরিবা নত্রগা চৎথোক-চশিন তৌবা ঙমদ্রবা নত্রগা এন.ঐচ.সি.ভি.সি.শিং ফাওবা চৎপা ঙমদ্রদুনা অখন্নবা মীৎয়েং দরকার ওইরিবা মীওইশিংগী ইমুংশিংদা চৎতুনা ভেক্সিন কাপথোক্নবগীদমক ভারত সরকারনা নিয়র-তু-হোম কোবিদ-১৯ ভেক্সিনেসন সেন্তর(এন.ঐচ.সি.ভি.সি.)গীদমক রাজ্যশিং/য়ু.তি. পুম্নমক্তা এদভাইজরী ফোংখ্রে৷ ২০২১গী নবেম্বর ৩দগী হৌদুনা, অহানবা দোজ অমসুং অনিশুবা দোজ কাপ্পা ফংহৌদ্রবা মীওইশিংবু য়ুমথোং খুদিং চৎতুনা থিদোক্নবা অমদি ভেক্সিন কাপথোক্নবা ‘হর ঘর দস্তক’ তীকাকারন অভিয়ন হৌদোকখি৷
কোবিদ-১৯ নারিবা পেসেন্তশিংবু নিংথিনা অমদি ইফেক্তিব ওইনা লাইয়েং চৎথনবগী পান্দমদা কোবিদ ফেসিলিতীশিংগী তোঙান তোঙানবা কাংলুপশিংদা কোবিদ পেসেন্তশিং মমিং চন্নবগীদমক হকশেল অমদি য়াইফ-য়ুম্বালগী কেন্দ্রগী মন্ত্রালয়না নেস্নেল পোলিসী ফোংখ্রে৷
কোবিদ-১৯গী মাইয়োক্তা অচম্বা থৌওং মঙা (তেস্ত-ত্রেক, ত্রিত-কোবিদকা চুনবা শাজৎ চৎপা-ভেক্সিন কাপ্প) অসি চেকশিন্না অমসুং লেপ্প-লৈতনা চৎনহন্দুনা মখাতাবা মতেং লৌনবা হকশেল অমদি য়াইফ-য়ুম্বালগী কেন্দ্রগী মন্ত্রালয়না রাজ্যশিং/য়ু.তি.শিংগা লোইননা চাং-নাইনা ৱারি-শানখ্রে৷
ভারত সরকারনা কোবিদ-১৯গা মরী লৈনবা তেস্তশিংগী তেস্তিং কেপাসিতী চাওনা হেনগৎহনখ্রে৷ ২০২১গী দিসেম্বর ১৪ ফাওবদা, ওপরেস্নেল লেবোরেতরী ৩,০০০ হেনবনা আর.তি.-পি.সি.আর., ত্রুনেত, সি.বি.এন.এ.এ.তি., অমসুং কোবিদ-১৯গী অতোপ্পা মোলিকুলর ন্যুক্লিক এসিদ তেস্তশিং তৌরি অমদি ইন্দিয়ন কাউন্সিল ওফ মেদিকেল রিসর্স(আই.সি.এম.আর.)দা রিপোর্ত থারি৷
পি.এম. অয়ুশমান ভারত হেল্থ ইনফ্রাস্ত্রকচর মিসন(পি.এম.-এ.বি.ঐচ.আই.এম.)গী মখাদা, জিলা পুম্নমক্তা ইন্তিগ্রেতেদ পব্লিক হেল্থ লেবোরেতরীশিং শেমগৎলকপা অমদি চাওনা মীৎয়েং চংবা দরকার ওইরিবা রাজ্য ১১গী ব্লোক পব্লিক হেল্থ য়ুনিৎশিং হেন্না মপাঙ্গল লৈহন্নবা খঙহনখ্রে৷
ৱারোল অসি ঙসি রাজ্য সভাদা হকশেল অমদি য়াইফ-য়ুম্বালগী কেন্দ্রগী রাজ্য মন্ত্রী দা. ভারতি প্রবিন পৱারনা অইবা পাউখুম অমদা ফোংদোকখিবনি৷
******
(Release ID: 1784020)
Visitor Counter : 143