آج صبح سات بجے تک موصول عبوری  رپورٹ کے  مطابق  گزشتہ 24  گھنٹے میں  6456911  ٹیکے لگانے کے ساتھ ہی بھارت میں کووڈ  - 19  سے بچاؤ  کے لئے ٹیکہ کاری مہم کے تحت اب تک  138.35  کروڑ  (1383478181)  سے زیادہ ٹیکے لگائے جا چکے ہیں۔

آج صبح سات بجے تک موصولہ  عبوری  رپورٹ  کے مطابق  ٹیکے لگوانے  والوں کی  مجموعی  اعداد وشمار  کی الگ الگ تفصیلات درج ذیل ہیں۔

گزشتہ  24  گھنٹے  میں 8043  مریضوں کے شفایاب ہونے کے ساتھ ہی  اس عالمی وبا کے  پھوٹ پڑنے کے بعد سے صحت  یاب ہونے والے مریضوں کی مجموعی تعداد  بڑھ کر  34195060 تک پہنچ گئی ہے ۔ اس کے نتیجے میں بھارت میں صحت یابی کی شرح  سردست  98.40  ہوگئی ہے، جو مارچ  2020  کے بعد سے  سب سے  اونچی  شرح ہے۔

مرکز اور ریاستوں اور مرکز کے  زیر انتظام علاقوں کی انتظامیہ  کے ذریعہ لگا تار  اور مل جل کر  کی جانے والی کوششوں کے سبب  ایک دن میں سامنے ٓ آنے والے نئے کیسوں کی تعدادگزشتہ  54 دن سے مسلسل 15000  سے بھی کم درج ہو رہی ہے۔ گزشتہ  24  گھنٹے میں 5326  نئے کیسوں کی اطلاع ملی ہے۔ یہ تعداد  گزشتہ  581  دن میں سب سے کم ہے۔

بھارت  میں زیر علاج مریضوں کی تعداد  سر دست  79097  ہے، جو  گزشتہ  574  دن میں سب سے کم تعداد ہے۔ زیر علاج مریضوں کی تعداد ، ملک میں  طبی  جانچ  کے بعد اس وائرس سے متاثر پائے جانے والے کُل معاملوں کے محض  0.23  فیصد  پر مشتمل ہے اور یہ تعداد  مارچ  2020 کے بعد سے سب سے کم ہے۔

پورے ملک میں طبی  جانچ کی صلاحیتوں میں مسلسل اضافہ  کیا جا رہا ہے۔ گزشتہ  24  گھنٹے کے دوران 1014079  ٹیسٹ  کئے گئے۔ بھارت میں اب تک مجموعی  طور پر  66.61  کروڑ سے زیادہ (666162659)  ٹیسٹ کئے  جا چکے ہیں۔

ملک بھر میں طبی جانچ  کی صلاحیت میں اضافے کئے جانے کے سبب  طبی جانچ کے  بعد اس بیماری سے متاثر پائے جانے والے افراد  کی ہفتہ وار شرح 0.59  فیصد رہ گئی ہے، جو گزشتہ  37  دن سے مسلسل  ایک فیصد سے کم درج ہور ہی ہے، جب کہ  طبی جانچ  کے بعد وائرس  سے متاثر پائے جانے والے افراد کی یومیہ شرح  0.53  فیصد  درج ہور ہی ہے۔ طبی جانچ کے بعد متاثر پائے جانے والے  افراد  کی یومیہ  شرح گزشتہ  78  دن سے  2  فیصد  سے کم درج ہورہی ہے اور یہ مسلسل  113  دن سے  3  فیصد  سے بھی کم درج ہو رہی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح-  ع م - ق ر)

U-14589