ଶକ୍ତି ମନ୍ତ୍ରଣାଳୟ
କ୍ୟାପେକ୍ସ ବିନିଯୋଗରେ ପାୱାର ସିପିଏସଇ ଗତବର୍ଷ ତୁଳନାରେ ୪୫ ପ୍ରତିଶତ ଅଭିବୃଦ୍ଧି ହାସଲ କରିଛି
ଶକ୍ତି ମନ୍ତ୍ରଣାଳୟ ଚଳିତ ଆର୍ଥିକ ବର୍ଷରେ ନଭେମ୍ବର ପର୍ଯ୍ୟନ୍ତ ଭିତ୍ତିଭୂମି ବିକାଶରେ ୩୫,୬୨୮.୬ କୋଟି ଟଙ୍କା ବିନିଯୋଗ କରିଛି
प्रविष्टि तिथि:
19 DEC 2021 2:14PM by PIB Bhubaneshwar
ଆର୍ଥିକ ବର୍ଷ ୨ଠ୨୧-୨୨ ପାଇଁ ଶକ୍ତି ମନ୍ତ୍ରଣାଳୟର କେନ୍ଦ୍ରୀୟ ପବ୍ଲିକ ସେକ୍ଟର ଏଣ୍ଟରପ୍ରାଇଜେସ୍ (ସିପିଏସଇ)ର ପୁଞ୍ଜିଗତ ବ୍ୟୟର ଲକ୍ଷ୍ୟ ହେଉଛି ୫ଠ,୬୯ଠ.୫୨ କୋଟି ଟଙ୍କା । ୨ଠ୨ଠ-୨୧ ଆର୍ଥିକ ବର୍ଷରେ, ଶକ୍ତି କ୍ଷେତ୍ରର ସିପିଏସଇ ନଭେମ୍ବର ମାସ ପର୍ଯ୍ୟନ୍ତ ୨୨,୧୨୭ କୋଟି ଟଙ୍କାର ପୁଞ୍ଜିଗତ ବ୍ୟୟ କରିଥିଲେ, ଯାହା ସେହି ଆର୍ଥିକ ବର୍ଷ ପାଇଁ ମୋଟ ଖର୍ଚ୍ଚର ୪୯.୩ ପ୍ରତିଶତ ଥିଲା ।
ଅବଶ୍ୟ, ୨ଠ୨୧-୨୨ ଆର୍ଥିକ ବର୍ଷରେ, ଶକ୍ତି ମନ୍ତ୍ରଣାଳୟର ସିପିଏସଇ ବର୍ତ୍ତମାନ ପର୍ଯ୍ୟନ୍ତ ୩୨,୧୩୭ କୋଟି ଟଙ୍କା ବ୍ୟୟ ଅଟକଳ କରିଛି, ଯାହା ବାର୍ଷିକ ପୁଞ୍ଜିଗତ ବ୍ୟୟ ଲକ୍ଷ୍ୟର ୬୩.୪ ପ୍ରତିଶତ ଅଟେ ।
ଏହିପରି, ପୂର୍ବ ବର୍ଷ ତୁଳନାରେ ସମୁଦାୟ ଏବଂ ଆପେକ୍ଷିକ ଦୃଷ୍ଟିରୁ ମନ୍ତ୍ରଣାଳୟର ପୁଞ୍ଜିଗତ ବ୍ୟୟ ପ୍ରଦର୍ଶନ ଭଲ ରହିଛି । ମୋଟ ଉପରେ ଗତ ବର୍ଷର ପ୍ରଦର୍ଶନ ତୁଳନାରେ ଏହା ୪୫ ପ୍ରତିଶତ ଅଭିବୃଦ୍ଧି ହାସଲ କରିଛି ।
ଭିତ୍ତିଭୂମି ବିକାଶ ଯୋଜନାରେ ମନ୍ତ୍ରଣାଳୟ ମଧ୍ୟ ଭଲ ଅଗ୍ରଗତି କରୁଛି । ଏହା ଆଇପିଡିଏସରେ ୧୫୯୩.୭୨ କୋଟି ଟଙ୍କା, ଡିଡିୟୁଜିଜେୱାଇରେ ୧ଠଠ୭.୫୧ କୋଟି ଟଙ୍କା ଏବଂ ଉତ୍ତର ପୂର୍ବାଞ୍ଚଳ ପାଇଁ ଟ୍ରାନ୍ସମିଶନ ବିକାଶ ଯୋଜନାରେ ୮୯ଠ କୋଟି ଟଙ୍କା ଖର୍ଚ୍ଚ କରିଛି । ତେଣୁ, ସିପିଏସଇ ଦ୍ୱାରା ୩୨୧୩୭.୩୭ କୋଟି ଟଙ୍କା ବ୍ୟୟ ବ୍ୟତୀତ, ମନ୍ତ୍ରଣାଳୟର ବିକାଶ ଯୋଜନା ମାଧ୍ୟମରେ ଭିତ୍ତିଭୂମିରେ ଅତିରକ୍ତ ୩୪୯୧.୨୩ କୋଟି ବିନିଯୋଗ କରାଯାଇଛି । ମୋଟ ଉପରେ ଶକ୍ତି ମନ୍ତ୍ରଣାଳୟ ନଭେମ୍ବର ଶେଷ ପର୍ଯ୍ୟନ୍ତ ଭିତ୍ତିଭୂମି ବିକାଶରେ ୩୫,୬୨୮.୬ କୋଟି ଟଙ୍କା ବିନିଯୋଗ କରିଛି । ଶକ୍ତି ମନ୍ତ୍ରଣାଳୟର ସଚିବଙ୍କ ଦ୍ୱାରା ସାପ୍ତାହିକ ଭିତ୍ତିରେ ଯୋଜନା ଏବଂ ପ୍ରକଳ୍ପର ଅଗ୍ରଗତି ଉପରେ ନଜର ରଖାଯାଉଛି । ଶକ୍ତି ମନ୍ତ୍ରଣାଳୟ, ଅନ୍ୟାନ୍ୟ ମନ୍ତ୍ରଣାଳୟ ତଥା ରାଜ୍ୟ ସରକରାଙ୍କ ସହିତ ନିୟମିତ ମନିଟରିଂ ଏବଂ ସମନ୍ୱୟ ମାଧ୍ୟମରେ ଭିତ୍ତିଭୂମି ବିକାଶରେ ଦ୍ରୁତ ଗତିରେ ଅଗ୍ରଗତି କରୁଛି ।
NS / MB
(रिलीज़ आईडी: 1783335)
आगंतुक पटल : 174