کانکنی کی وزارت نے معدنیات (معدنی مواد کے ثبوت) رولز 2015  (ایم ای ایم سی  رولز) اور معدنیات  (نیلامی) رولز 2015  میں  ترمیم کے لئے باالترتیب معدنیات  (معدنی مواد کے ثبوت) دوسری ترمیم  رولز 2021  اور  معدنیات  (نیلامی) چوتھی ترمیم رولز 2021  کو نوٹیفائی کیا ہے۔ ان ضابطوں میں یہ ترمیمات ریاستی حکومتوں، صنعتی انجمنوں، کانکنوں، دیگر  فریقوں اور  عوام کے ساتھ جامع صلاح ومشورے کے بعد  کی گئی ہیں۔

ایم ای ایم سی  رولز  میں ترمیم سے کوئی بھی  شخص، جو  نیلامی میں شرکت کرنے کا  خواہش مند ہے، جیو سائنس کے  دستیاب اعداد وشمار  کی بنیاد پر  شناخت شدہ بلاکوں کے لئے  جامع لائسنس  کی خاطر  مجوزہ  مناسب بلاکوں کی نیلامی  میں شرکت کر سکے گا۔ ریاستی حکومت کے ذریعہ  دی گئی کمیٹی  نیلامی کے لئے مجوزہ  اور سفارش کردہ بلاک میں معدنیاتی امکانات  کا جائزہ لے گی۔ اس کے علاوہ  نیلامی کے ضابطوں میں ترمیم سے  نیلامی کے لئے نوٹیفائڈ کسی بھی مجوزہ بلاک کے لئے مذکورہ شخص، اس کے ذریعہ تجویز  کردہ بلاک کی نیلامی میں سکیورٹی کی رقم  کی آدھی رقم  جمع کراسکے گا۔

ان ترمیمات سے  نیلامی میں شرکت  کی حوصلہ افزائی ہوگی اور مسا بقت کو فروغ حاصل ہوگا۔ اس سے  جامع لائسنس کی نیلامی کے لئے  زیادہ بلاکوں کی شناخت  کے لئے ریاستی حکومتوں کو  آسانی حاصل ہو گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔

ش ح۔و ا ۔ق ر۔

U-14363