പ്രധാനമന്ത്രിയുടെ ഓഫീസ്‌
മേയർമാരുടെ അഖിലേന്ത്യാ സമ്മേളനം പ്രധാനമന്ത്രി നാളെ ഉദ്ഘാടനം ചെയ്യും
പുതിയ നഗര ഇന്ത്യ എന്നതാണ് സമ്മേളനത്തിന്റെ പ്രമേയം
Posted On:
16 DEC 2021 10:10AM by PIB Thiruvananthpuram
ഉത്തർപ്രദേശിലെ നഗരവികസന വകുപ്പ് സംഘടിപ്പിക്കുന്ന മേയർമാരുടെ അഖിലേന്ത്യാ സമ്മേളനം പ്രധാനമന്ത്രി ശ്രീ നരേന്ദ്ര മോദി നാളെ (2021 ഡിസംബർ 17 ന് ) രാവിലെ 10:30 ന് വീഡിയോ കോൺഫറൻസിംഗ് വഴി വാരണാസിയിൽ ഉദ്ഘാടനം ചെയ്യും . രാജ്യത്തെ വിവിധ സംസ്ഥാനങ്ങളിൽ നിന്നുള്ള മേയർമാർ സമ്മേളനത്തിൽ പങ്കെടുക്കും. "പുതിയ നഗര ഇന്ത്യ" എന്നതാണ് സമ്മേളനത്തിന്റെ പ്രമേയം.
നഗരപ്രദേശങ്ങളിൽ താമസസൗകര്യം ഉറപ്പാക്കാൻ പ്രധാനമന്ത്രിയുടെ നിരന്തരമായ ശ്രമങ്ങളുടെ ഭാഗമാണിത്. തകർന്ന നഗര അടിസ്ഥാന സൗകര്യങ്ങളുടെയും സൗകര്യങ്ങളുടെ അഭാവത്തിന്റെയും പ്രശ്നങ്ങൾ പരിഹരിക്കുന്നതിന് ഗവണ്മെന്റ് ഒന്നിലധികം പദ്ധതികളും സംരംഭങ്ങളും ആരംഭിച്ചിട്ടുണ്ട്.
കഴിഞ്ഞ അഞ്ച് വർഷത്തിനുള്ളിൽ നഗര ഭൂപ്രകൃതിയുടെ വൻ പുരോഗതിക്കും പരിവർത്തനത്തിനും സാക്ഷ്യം വഹിച്ച ഉത്തർപ്രദേശാണ് ഈ ശ്രമങ്ങളുടെ ഒരു പ്രത്യേക കേന്ദ്രം.
നഗരവികസന മേഖലയിൽ കേന്ദ്ര ഗവൺമെന്റിന്റെയും ഉത്തർപ്രദേശ് ഗവൺമെന്റിന്റെയും പ്രധാന നേട്ടങ്ങൾ പ്രദർശിപ്പിക്കുന്നതിനായി ഡിസംബർ 17 മുതൽ 19 വരെ ഒരു പ്രദർശനവും സംഘടിപ്പിക്കുന്നുണ്ട്.
ഉത്തർപ്രദേശ് മുഖ്യമന്ത്രിയും കേന്ദ്ര ഭവന, നഗരകാര്യ മന്ത്രിയും ചടങ്ങിൽ പങ്കെടുക്കും.
*****
(Release ID: 1782093)
Visitor Counter : 235
Read this release in:
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada