کھادی  کو ، جو  دیرپائگی   اور  اخلاص   کی علامت ہے ،عالمی فیشن  میں  ایک  بڑا مقام حاصل ہوا ہے۔ امریکہ میں قائم  دنیا کی سرکردہ کمپنی پیٹا گونیا   ، ڈینم  ملبوسات بنانے کے لئے  ہاتھوں سے بنائے گئے کھادی  ڈینم کپڑے کا استعمال کررہی ہے۔ پیٹا گونیا نے  کپڑے کی ایک بڑی کمپنی اروند  ملز کے ذریعہ   30000 میٹر کھادی ڈینم کپڑا   خریدا ہے، جو 1.08  کروڑ روپے مالیت کا ہے۔ اُس  نے یہ کپڑا گجرات سے خریدا ہے۔

جولائی  2017 میں  کھادی  اور دیہی صنعتوں  کے کمیشن  کے وی آئی سی نے  احمدآبادکے اروند ملز لمٹیڈ   کے ساتھ ایک معاہدے  پر دستخط  کئے ،جس کا مقصدپوری دنیا میں  کھادی ڈینم مصنوعات کی تجارت کرنا ہے ،تبھی سے اروند ملز، گجرات کے   کے وی آئی سی سرٹیفکیٹ  یافتہ   اداروں  سے ہرسال  کھادی ڈینم کپڑا  بڑی  مقدار میں خرید رہا ہے۔

          کے وی آئی سی کے اس نئے قدم سے  گجرات کے کھادی کاریگروں   کے لئے   نہ صرف روزگار کے  مزید  موقعے  پیدا ہورہے ہیں بلکہ  لوکل ٹو گلوبل   کا  وزیر اعظم کا خواب بھی   پورا ہورہا ہے۔ پیٹا گون کی  طرف سے کھادی  ڈینم کی خریداری سے کام کاج کے   1.80  لاکھ  اضافی گھنٹے  پیدا ہوئے ہیں ، جو  کھادی  کاریگروں  کے  27720 دن ہوتے ہیں۔ یہ آرڈر اکتوبر  2020  کو دیا گیا تھا ، جو 12  مہینے کی مدت میں مقررہ وقت کے اندر پورا کردیا گیا۔اس کی مقررہ مدت  اکتوبر  2021 تھی۔

          کے وی آئی سی  جناب ونے کمار سکسینہ نے کہا کہ   کھادی   نے اب  انتہائی جدید فیشن اور   رجحان قائم کرنے والی   مصنوعات کی شکل اختیار کرلی ہے اور اس کے ساتھ ساتھ دنیا میں  اس کے سب سے زیادہ دیر پا اور کفایتی  ہونے کی  اس کی  ابتدائی  اقدار  بھی  قائم ہیں ۔ جناب سکسینہ نے کہا کہ  کھادی  ڈینم   دنیا میں  ہاتھ سے بنایا جانے والا    واحد  کپڑا ہے ، جس نے  ملک  اور بیرون ملک   مقبولیت  حاصل  کی ہے ۔کھادی ڈینم کا استعمال  اب  اعلیٰ کوالٹی  ، آرام دہ   ، آر گینک اور    ماحول دوست کپڑا ہونے کی وجہ سے فیشن کی سرکردہ کمپنیوں کی  طرف سے بڑھتا جارہا ہے۔ کھادی ڈینم  لوکل ٹو گلوبل کی ایک بہترین مثال ہے، جس کا تصور وزیراعظم نے پیش  کیا تھا۔

*************

ش ح۔اس۔رم

U-14173