ਆਧੁਨਿਕੀਕਰਨ ਦੀਆਂ ਕੋਸ਼ਿਸ਼ਾਂ ਦੇ ਹਿੱਸੇ ਵਜੋਂ ਭਾਰਤੀ ਰੇਲਵੇਜ਼ ਨੇ ਰੇਲ–ਗੱਡੀਆਂ ਵਿੱਚ ਰਵਾਇਤੀ ਸੰਗਠਤ ਕੋਚ ਫ਼ੈਕਟਰੀ (ICF) ਕਿਸਮ ਦੇ ਡੱਬਿਆਂ ਦੀ ਥਾਂ Linke Hofmann Busch (LHB) ਕੋਚੇਜ਼ ਲਾਉਣ ਦਾ ਫ਼ੈਸਲਾ ਕੀਤਾ ਹੈ, ਜੋ ਕਿ ਟੈਕਨੋਲੋਜੀ ਪੱਖੋਂ ਵਧੀਆ ਹਨ ਤੇ ਉਹ ਯਾਤਰਾ ਦਾ ਬਿਹਤਰ ਅਨੁਭਵ ਤੇ ਸੁਰੱਖਿਆ ਮੁਹੱਈਆ ਕਰਵਾਉਂਦੇ ਹਨ।

ਇਸ ਉਦੇਸ਼ ਲਈ, ਭਾਰਤੀ ਰੇਲਵੇ 2018 ਤੋਂ ਸਿਰਫ਼ Linke Hofmann Busch (LHB) ਕੋਚਾਂ ਦਾ ਉਤਪਾਦਨ ਕਰ ਰਿਹਾ ਹੈ। ਨਵੰਬਰ, 2021 ਤੱਕ, 575 ਜੋੜੀਆਂ ਰੇਲ–ਗੱਡੀਆਂ ਨੂੰ ਲਿੰਕੇ ਹੌਫਮੈਨ ਬੁਸ਼ (LHB) ਕੋਚਾਂ ਨਾਲ ਬਦਲ ਦਿੱਤਾ ਗਿਆ ਹੈ। ਇੰਟੈਗਰਲ ਕੋਚ ਫੈਕਟਰੀ (ICF) ਕੋਚਾਂ ਨੂੰ ਲਿੰਕੇ ਹੋਫਮੈਨ ਬੁਸ਼ (LHB) ਕੋਚਾਂ ਵਿੱਚ ਬਦਲਣ ਦਾ ਕੰਮ ਕਾਰਜਸ਼ੀਲ ਵਿਵਹਾਰਕਤਾ ਅਤੇ ਕੋਚਾਂ ਦੀ ਉਪਲਬਧਤਾ ਦੇ ਅਧਾਰ ’ਤੇ ਪੜਾਅਵਾਰ ਢੰਗ ਨਾਲ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ, ਟ੍ਰੇਨ ਸੈੱਟਾਂ ਦੇ ਰੂਪ ਵਿੱਚ ਤਿਆਰ ਕੀਤੇ ਜਾ ਰਹੇ ਵੰਦੇ ਭਾਰਤ ਕੋਚਾਂ ਨੂੰ ਵੀ ਸ਼ਾਮਲ ਕੀਤਾ ਜਾ ਰਿਹਾ ਹੈ। ਹਮਸਫਰ, ਤੇਜਸ, ਅੰਤਯੋਦਯਾ, ਉਤਕ੍ਰਿਸ਼ਟ ਡਬਲ ਡੇਕਰ ਏਅਰ-ਕੰਡੀਸ਼ਨਡ ਯਾਤਰੀ (UDAY), ਮਹਾਮਨਾ, ਦੀਨ ਦਯਾਲੂ ਅਤੇ ਵਿਸਟਾਡੋਮ ਵਰਗੀਆਂ ਬਿਹਤਰ ਵਿਸ਼ੇਸ਼ਤਾਵਾਂ ਵਾਲੇ ਵੱਖ-ਵੱਖ ਕੋਚਾਂ ਨੂੰ ਭਾਰਤੀ ਰੇਲਵੇ ਵਿੱਚ ਸ਼ਾਮਲ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ, ਭਾਰਤੀ ਰੇਲਵੇ ਨਾ ਤਾਂ ਰੇਲ ਸੇਵਾਵਾਂ ਦਾ ਸੰਚਾਲਨ ਕਰਦਾ ਹੈ ਅਤੇ ਨਾ ਹੀ ਰਾਜ-ਵਾਰ ਅਧਾਰ 'ਤੇ ਕੋਚਾਂ ਨੂੰ ਬਦਲਦਾ ਹੈ।

ਇਹ ਜਾਣਕਾਰੀ ਕੇਂਦਰੀ ਰੇਲ, ਸੰਚਾਰ ਅਤੇ ਇਲੈਕਟ੍ਰੌਨਿਕਸ ਅਤੇ ਸੂਚਨਾ ਟੈਕਨੋਲੋਜੀ ਮੰਤਰੀ ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਰਾਹੀਂ ਦਿੱਤੀ।

****

ਆਰਕੇਜੇ/ਐੱਮ