റെയില്വേ മന്ത്രാലയം
6000-ൽ അധികം റെയിൽവേ സ്റ്റേഷനുകളിൽ സൗജന്യ വൈ-ഫൈ സേവനം ലഭ്യം
Posted On:
10 DEC 2021 4:03PM by PIB Thiruvananthpuram
ന്യൂ ഡൽഹി: ഡിസംബർ 10, 2021
ഇന്ത്യയിലുടനീളമുള്ള 6071 റെയിൽവേ സ്റ്റേഷനുകളിൽ ഇപ്പോൾ വൈ-ഫൈ സേവനങ്ങൾ ലഭ്യമാണ്. ഓരോ ദിവസത്തിന്റെയും ആദ്യത്തെ അരമണിക്കൂർ സൗജന്യമായും പിന്നീട് ചാർജ് ഈടാക്കാവുന്ന രീതിയിലും ആണ് ഇവ പൊതുജനങ്ങൾക്ക് ലഭ്യമാകുന്നത്.
ഈ സ്റ്റേഷനുകളിലെ മൊത്തം ഡാറ്റ ഉപയോഗം പ്രതിമാസം ഏകദേശം 97.25 ടെറാബൈറ്റ് ആണ്.
ഈ പദ്ധതിക്കായി റെയിൽവേ മന്ത്രാലയം പ്രത്യേക ഫണ്ടുകളൊന്നും അനുവദിച്ചിട്ടില്ല. ഗ്രാമീണ മേഖലയിലെ 193 റെയിൽവേ സ്റ്റേഷനുകളിൽ വൈ-ഫൈ സേവനങ്ങൾ നൽകുന്നതിന് യൂണിവേഴ്സൽ സർവീസ് ഒബ്ലിഗേഷൻ ഫണ്ടിന് കീഴിൽ 27.22 കോടി രൂപയുടെ ഫണ്ട് ടെലികോം വകുപ്പ് അനുവദിച്ചു.
1287 റെയിൽവേ സ്റ്റേഷനുകളിൽ (മിക്കവാറും A1 & A കാറ്റഗറി സ്റ്റേഷനുകൾ) വൈ-ഫൈ സേവനങ്ങൾ റെയിൽടെൽ കോർപ്പറേഷൻ ഓഫ് ഇന്ത്യ ലിമിറ്റഡ് നൽകി വരുന്നു. ശേഷിക്കുന്ന സ്റ്റേഷനുകളിൽ, മൂലധനച്ചെലവില്ലാതെ, വിവിധ സ്ഥാപനങ്ങളുടെ കോർപ്പറേറ്റ് സോഷ്യൽ റെസ്പോൺസിബിലിറ്റി (CSR)/ചാരിറ്റി പ്രോജക്ടുകൾ എന്നിവക്ക് കീഴിൽ ഈ സേവനങ്ങൾ നൽകിയിട്ടുണ്ട്.
കേന്ദ്ര റെയിൽവേ മന്ത്രി ശ്രീ അശ്വിനി വൈഷ്ണവ് ഇന്ന് രാജ്യ സഭയിൽ രേഖാമൂലം അറിയിച്ചതാണ് ഇക്കാര്യം.
RRTN/SKY
(Release ID: 1780174)
Visitor Counter : 147