ঙসি মনিপুরগী খোংচৎতা লৈরিবা পোর্তস, শিপ্পিং অমসুং ৱাতরৱেজ অমসুং আয়ুশকী কেন্দ্র মন্ত্রী শ্রী সর্বনন্দা সোনোৱালনা ঙসি আইকোনিক ওইরবা লোকতাক পাত্তা ইনলেন্দ ৱাতরৱেজ ওফ ইন্দিয়া (আই.দবল্যু.এ.আই.) জেত্তী য়েংশিনখ্রে। মহাক্না হি তোংদুনা পাৎসু কোয়খি। মন্ত্রীনা লোকতাক পাৎকী ফজবা অমদি তুরিজম অমসুং এলাইদ এক্তিবিতীশিংগী ওইবা অচৌবা পোতেন্সিএলশিং শিংথাখি। মহাক্না হায়খি, লোকতাক অসি এসিয়াগী খ্বাইদগী চাউবা ৱাতর বোদী অমনি অমদি মসিগী ফজবদি অঙকপনি। মসি অশং-অমান, মেরিন লাইফ অমদি শংবান্নবা চিংশাংনা কোইশিল্লি। মন্ত্রীনা পাৎকী প্রমোসন অমসুং দিবেলপমেন্ত অমদি মসিবু মালেমগী খ্বাইদগী মরুওইবা লমকোইবশিংগী মফম অমা ওইহন্নবা অকুপ্পা ৱাফম থমখি।

শ্রী সোনোৱালনা ইনলেন্দ ৱাতরৱে দিবেলপমেন্ত অমসুং আয়ুশকী সেক্তরশিংদা মনিপুর সরকারবু মপুং ফাবা তেংবাং পীগনি হায়না থাজবা পীখি। মহাক্না হায়খি মদুদি প্রধান মন্ত্রী মোদীনা কনেক্তিবিতী, ইনফ্রাস্ত্রকচর, য়ুথ অমসুং ফার্মর দিবেলপমেন্তদা শাফু পীবগা লোয়ননা অৱাং নোংপোক লমদমদা মপুং ফাবা মীৎয়েং থম্লি। মন্ত্রীনা মনিপুরগী মুখ্য মন্ত্রী শ্রী এন. বিরেন সিংহগী অথোইবা সর্বিসকীদমক ইকায় খুম্নবা উৎখি, মহাক্কী লুচিং মখাদা রাজ্য অসিদা চাউখৎ থৌরাং কয়া অমা পায়খৎলে।

কেন্দ্রগী রাজ্য মন্ত্রী শ্রী আর.কে. রঞ্জন সিংহ, এম.এল.এ. শ্রী পি. শরতচন্দ্র সিংহ, চেয়রমেন লোকতাক দিবেলপমেন্ত ওথোরিতী শ্রী এল. সুশেন্দ্র মৈতৈ অমসুং অতোপ্পা শক্নাইরবশিংনা থৌরম অদুদা শরুক য়াখি।

***