देशातील नागरी सेवांमध्ये नैतिक सुधारणा करुन, सामान्य माणसापर्यंत नागरी सेवा प्रदान करण्याचा दर्जा उंचावत, विकासाचा लाभ लोकांपर्यंत पोहोचेल, हे सुनिश्चित करण्याचे आवाहन उपराष्ट्रपती एम. वेंकैया नायडू यांनी आज केले.

The Vice President releasing the book ‘Public Service Ethics – A Quest for Naitik Bharat’ by Shri Prabhat Kumar published by IC Centre for Governance. The book deals with ethics in governance and public service and proposes a collective quest for 'Naitik Bharat'. #Governance pic.twitter.com/DRa9cfpyWF

— Vice President of India (@VPSecretariat) December 5, 2021

या संदर्भात,  त्यांनी भ्रष्टाचाराबद्दल असहिष्णूता दाखविण्याबाबत आणि प्रशासनाच्या सर्व स्तरांवर संपूर्ण पारदर्शकता आणण्याबाबत आपले उत्तरदायित्व सुनिश्चित करण्याचे आवाहनही यावेळी केले. भ्रष्टाचार हा लोकशाहीचा गाभाच नष्ट करतो हे लक्षात घेऊन, त्यांनी भ्रष्टाचार प्रतिबंधक कायद्यांतर्गत (पीसीए) चूक करणाऱ्या सरकारी कर्मचारी आणि लोकप्रतिनिधी यांच्या विरोधात कठोर आणि वेळेवर कारवाई करण्याची गरज व्यक्त केली. सार्वजनिक सेवकांचा समावेश असलेल्या भ्रष्टाचाराच्या संबंधित अनेक प्रलंबित प्रकरणांचा,   प्राधान्याने आणि जलदगतीने पाठपुरावा करण्याचे आवाहनही त्यांनी केले.

त्याच वेळी, नायडू यांनी सतर्क केले, की प्रामाणिकपणे काम करणारे नागरी सेवकांना नाउमेद केले जात नाही किंवा त्यांना कोणत्याही प्रकारचा त्रास दिला जात नाही,हे देखील आपण सुनिश्चित केले पाहिजे.  ``भ्रष्ट नागरी सेवकांवर कठोरपणे कारवाई करणे आवश्यक असताना,  सार्वजनिक हितासाठी धाडसी निर्णय घेण्याऱ्या अधिका-यांना आपण परावृत्त करू नये``, असेही ते पुढे म्हणाले.

Indian civil servants should strive to make India’s civil services the best in the world. Right ecosystem should be created to ensure that they have a meaningful career and are able to fulfil their responsibilities without fear or favour. #Governance pic.twitter.com/PspChGVjaV

— Vice President of India (@VPSecretariat) December 5, 2021

झारखंडचे माजी राज्यपाल आणि भारत सरकारचे माजी कॅबिनेट सचिव प्रभात कुमार यांनी लिहिलेल्या ‘पब्लिक सर्व्हिस एथिक्स’ या पुस्तकाचे आज उपराष्ट्रपती निवास येथे प्रकाशन करताना उपराष्ट्रपती बोलत होते. नायडू यांनी समाजात नैतिक मूल्यांची सामान्य घसरण होत असल्याचे निरीक्षण नोंदवले आणि ‘नैतिक भारत’ किंवा 'एथिकल इंडिया' यासाठी व्यापक सामाजिक चळवळ सुरू करण्यात यावी, अशी अपेक्षा व्यक्त केली.

***

M.Chopade/S.Shaikh/P.Kor

*** 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com