উপ-রাস্ত্রপতিগী লোইশঙ
কিবগী মথৌ তাদে অদুবু চেকশিন-থৌরাংশিংদি লৌগদবনি অমদি কোবিদকা চুনরবা শাজৎ চৎকদবনি – অনৌবা কোবিদ ভেরিয়েন্তদা উপ-রাস্ত্রপতি
মীয়াম্না অথুবা মতমদা ভেক্সিন কাপথোক্নবা তাকশিনখ্রে
ভারতকী মাই-পাকপা হায়বসি মালেম অসিগী মাই পাকপনি; চাওখৎপগী লম্বী অসিদগী কনা অমতনা ঐখোয়বু পুক্নিং হন্থহনবা ঙম্লোই – উপ রাস্ত্রপতি
ভারতপু অমুক হন্না ‘বিস্বাগুরু’ ওইহন্নবা স্তেকহোল্দর পুম্নমক্না হোৎননবা শ্রী নাইদুনা হায়জখ্রে
উপ-রাস্ত্রপতিনা গৌতম চিন্তামাইগী লাইরিক ‘দি মিদৱে বেত্তল: মোদীস রোল্লর-কোস্তর সেকেন্দ তর্ম’ ফোংখ্রে
Posted On:
04 DEC 2021 5:57PM by PIB Imphal
কোরোনা ভাইরসকী নৌনা থোক্লক্লিবা স্ত্রেন অসিদা মীয়াম্না অকিবা পোক্তনবা ঙসি উপ-রাস্ত্রপতি শ্রী এম. ভেনকিয়া নইদুনা হায়খ্রে অমদি ভাইরস অসিদগী চেকশিন্না লৈনবা অমদি লাইনা-লাইচৎ অসি লোইদ্রিফাওবা কোবিদকা চুনবা শাজৎ চৎপিনবা মীয়ামদা পাউতাক পীখ্রে৷ মীয়াম্না নিংহন্নবা তৌদনা ভেক্সিন অসিবু অথুবা মতমদা কাপথোকপিনবসু মহাক্না তকশিনখি৷
ঙসি উপা-রাস্ত্রপতি নিবসতা শ্রী গৌতম চিন্তামনিগী লাইরিক ‘দি মিদৱে বেত্তল: মোদীস রোল্লর-কোস্তর সেকেন্দ তর্ম’ পুথোক্লদুনা, কোরোনা ভাইরস লাইনা-লাইচৎ অসি মীওইবা খুন্নাই পুম্বগী অচৌবা চেলেঞ্জ অমা ওইনা লাকখিবনি হায়না উপ-রাস্ত্রপতিনা ফোংদোকখি অমদি মালেমগী খ্বাইদগী চাওবা ভেক্সিনেসন দ্রাইব অদু হৌজিক হৌজিক ভারত্তা চৎথরিবা অসিদা অপেনবা ফোংদোকখি৷
হৌখিবা চহিশিংগী মতমদা ভারতকী থৌদোক্না থল্লবা জর্নী অসিদা বেজ তৌদুনা মতম চানা লাইরিক অসি মতম চানা পুথোকপিরকপা অসিগীদমক শ্রী চিন্তামনিবু থাগৎলদুনা, কন্তেম্পোররী হিস্ত্রী ইবা হায়বসি অরাইবা থবক অমা কৈদৌনুংদা ওইদে হায়বসি শ্রী নাইদুনা খঙই৷ হৌখিবা চহি তরেৎকী মতমদা লৈঙাক-সাসনদা অহোংবা পুরকখিবশিং অদু পল্লদুনা, অহোংবা পুরক্লিবশিং অসিনা মীওই বিলিয়ন ১.৩বু মখোয় মখোয়গী পোতেন্সিয়েল উৎথোকপা ঙমহল্লি অমদি শক্তি লৈহল্লি হায়না মহাক্না ফোংদোকখি৷ “লাইফ এক্সপেন্তেন্সীবু ওইরবসু, ফাইনান্সিয়েল ইনক্লুজনবু ওইরবসু, হেল্থকেয়র ফংহনববু ওইরবু, থবক পীববু ওইরবসু, য়ুম অমা শাবিববু ওইরবসু নত্রগা ওল্তরপ্রিন্যুরিএল এবিলিতী ইকাই খুম্নববু ওইরবসু, ভারত মচাশিংগী পুন্সিগী ক্বালিতী অসি নোংম-নোংমগী ফিভম ফগৎলক্লি,” হায়না মহাক্না ফোংদোকখি৷
প্রধান মন্ত্রীগী মন্ত্র অহুম – ‘রিফোর্ম, প্লেতফোর্ম অমসুং ত্রান্সফোর্মবু’ পল্লদুনা, ফাইনান্সিয়েল ইনক্লুজন, ইন্সুরেন্স কভরেজ, লাইরবী নুপীশিংগীদমক এল.পি.জি. পীখিবা মশিং অমদি য়ুমথোংশিংদা তোতিগী ইশিং ফংহনখিবাগুম্বা তোঙান তোঙানবা ফিল্দশিংদা হৌখিবা চরি তরেৎ অসিদা লৈবাক অসিনা ফংখিবা অচৌবা প্রোগ্রেস অদু উপ-রাস্ত্রপতিনা থাগৎখি৷ ‘মিনিমম গভর্মেন্ত অমদি মেক্সিমম গভর্নেন্স’ প্রিন্সিপল অদু ইন্দুনা, সরকার অসিনা সেক্তর খুদিংমক্তা অহোংবা পুরক্নবা তেক্নোলোজীশিং শিজিন্নরি অমদি ভারতনা মালেম অসিদা খ্বাইদগী চাওবা স্তার্তঅপ ইকোসিস্তেমগী অহুমশুবা মফম কল্লকপা অসিদা মহাক্না অপেনবা ফোংদোকখি৷ “ভারতপু ৱার্ল্দ বেঙ্ককী ইজ ওফ দুইং বিজিনেস ইন্দেক্স ২০২০দা ৬৩শুবা মফমদা হায়গৎহন্দুনা লৈবাক অসিদা বিজিনেস এনবাইরোনমেন্ত শেমগৎনবা হোৎনরিবা অসিগী তেস্তিমোনী অমা ওইরি,” হায়না মহাক্না মখাতাখি৷
ঐখোয়গী লম্বী অসিদা হৌজিক ফাওবা চেলেঞ্জ কয়া অমা লৈরি হায়না পল্লদুনা, লৈবাক অসিনা মনিং-মখা হেক তম্লকপদগী, ভারতনা খুদোংথিবা কয়া অমা থেংনখ্রে অদুবু খুদোংথিবশিং অদুবু ঐখোয়না মাই-পাক্না লান্থোকপা ঙমখি হায়না উপ-রাস্ত্রপতিনা ফোংদোকখি৷ “চাওখৎপা অমসুং হ্যুমেনিতীগী লম্বী অসিদগী কনা অমতনা ঐখোয়বু পু্ক্নিং হন্থহনবা ঙম্লোই৷ মরম অদুনা ভারতকী মাই-পাকপা অসিনা মালেমগী মাই-পাকপা ওইরিবনি,” হায়না মখাতাখি৷ ভারতপু ‘বিস্বাগুরু’ অমা ওইনা অমুক হন্না ওইহনগদবনি হায়না নিংশিংলদুনা, স্তেকহোল্দর পুম্নমক্না চংশিল্লক্নবা অমদি মশা-মরোমদোম লেপচবা ঙম্বা, চাওখৎপা, নুংঙাইবা অমদি অকনবা ভারত অমা শেমগৎনবগী মহা-য়াজনা অসিদা য়াওবিনবা মহাক্না স্তেকহোল্দর পুম্নমক্তা তকশিনখি৷
‘দি মিদৱে বেত্তল’ হায়রিবা লাইরিক অসিবু কবিগী থাগৎনিংঙাই ওইরবা হোৎনজমলনি হায়না থাগৎলদুনা, লাইরিক অসিনা অপাবা মীওইশিংবু কন্তেম্পোররী পেরিয়র্দ অমদি মহাক্কী চেলেঞ্জশিং অদুগী মতাংদা কুপথনা খঙহল্লি হায়না শ্রী নাইদুনা ফোংদোকখি৷“ভারতপু মশা-মরোমদোম লেপচবা ঙম্বা ৱার্ল্দ লিদর অমা ওইনা থোক্লকপা ঙমগনি হায়বসি হন্দক্কী হৌখিবা মতম অদুনা ভারত মচা পুম্নমকপু থাজহনখ্রে” হায়না মহাক্না ফোংদোকখি৷
ভারতকী স্ত্রাতিজিক পার্তনরশিপশিং অসি মুচুএল রেস্পেক্ততা বেজ তৌরি অমদি ঐখোয়গী ইন্তিগ্রিতী অমদি সোভরিন্তী অসিবু চেলেঞ্জ তৌরিবা ইনিমিকেল ফোর্সশিংদা লৈবাক অসিনা চপ-চাবা পাউখুম অমা পীখ্রে৷ “ঐখোয়না ইশাবু থাজজবা অসিনা ঐখোয় ইশাবু লমজিংবিরি অমদি ওইথোকপা য়াবা লম্বী খুদিংমক্তা ‘অত্ম-নির্ভর’ ফংবা ঙম্নবা ঐখোয়না কৎথোক্তুনা হোৎনরি,”হাযনা মহাক্না মখাতাখি৷
ইনফোর্মেসন অমসুং ব্রোদকাস্তিং মন্ত্রালযগী বেতরান জর্নেলিস্ত অমসুং সেনিযর এদভাইজর শ্রী কঞ্চন গুপ্তা, ব্রুমসব্যুরী ইন্দিয়াগী ইদিতর শ্রীমতি প্রিনা ভোরা অমসুং অতোপ্পা মীওইশিংনা লাইরিক ফোংবগী ফঙ্কসন অসিদা শরুক যাখি৷
ৱারোল অদুগী মপুং ওইবা অইবা শরুক মখাদা লৈরে –
“ হৌখিবা চহিশিংদা ভারতকী ফজরবা জর্নী অদুবু উৎলিবা শ্রী গৌতম চিন্তমনিগী লাইরিক ‘দি মিদৱে বেত্তল’ ফোংবা অসিদা ঐ নুংঙাইবা ফাওজৈ৷ মালেমগী খ্বাইদগী চাওবা দেমোক্রেসী লৈবাক অমা ওইরিবা ভারতনা হৌখিবা চহি খুজিং তরেৎ-মখায়দগী হৌদুনা মতৌ করম্না গ্লোবেল লিদর অমা ওইনবা ঐখোয় ইশাদা অকনবা থাজবা থমদুনা চংশিল্লক্লিবনো হায়বদু উৎলি৷
ভারতনা মনিং-মখা তম্লকপা চহি ৭৫ চংলকপা অসিদা, ঐখোয়না ঐখোয়গী খোংচৎ অসিদা য়েংজরি অমদি ৱাহং কয়া অমা ইশাদা হংজরি৷ অরিবা সিবিলাইজেসন অমা অমদি ভারতকুম্বা নৌরিবা লৈবাক অমগী ওইনদি, ‘ঐখোয়গী পন্থুং অদুদা ঐখোয় হিংখ্রবা?’, ‘ঐখোয় চাওখৎলব্রা’ হায়বগুম্বা ৱাহংশিং অসিগী পাউখুম পীবা হায়বসি কৈদৌনুংদা অরাইবা ওইদে৷ ঐখোয়গী মরাং-কইনা ফংদুনা লৈরিবা অসিদা ঐখোয়না কয়াম য়াম্না হাপচিনখ্রে হায়বসিনা ঐখোয়গী অশেংবা প্রোগ্রেসকী চাংয়েং ওইরোই; চাংয়েং হায়বসি খরা খজিক্তমক ফংলিবা মীওইশিংদা মতিক চানা কান্নবা ফংহনবা হায়বসিনা ওইগদবনি৷ ভারতনা মালেম অসিবু পু্ক্নিং শুমহৎলিবা লমদম অমা মতম পুম্নমক্তা ওইদুনা লৈখ্রে৷
কন্তেম্পোররী পুৱারি ইবা হায়বসি কৈদৌনুংদা অরাইবা থবক অমদি নত্তে৷ হৌখিবা চহি খরা অসিদা ভারত মচাশিংবু মখোয়গী পোতেন্সিয়েল অদু উৎথোকপা ঙমহন্দুনা অমসুং শক্তি পীদুনা মখোয়গী পুন্সিশিংবু অওনবা অমা পুরকখিবা উরে৷ “লাইফ এক্সপেন্তেন্সীবু ওইরবসু, ফাইনান্সিয়েল ইনক্লুজনবু ওইরবসু, হেল্থকেয়র ফংহনববু ওইরবু, থবক পীববু ওইরবসু, য়ুম অমা শাবিববু ওইরবসু নত্রগা ওল্তরপ্রিন্যুরিএল এবিলিতী ইকাই খুম্নববু ওইরবসু, ভারত মচাশিংগী পুন্সিগী ক্বালিতী অসি নোংম-নোংমগী ফিভম ফগৎলক্লি ৷
প্রধান মন্ত্রী শ্রী নরেন্দ্র মোদীনা ৱাহৈ অহুমগী মন্ত্র – রিফোর্ম, পর্ফোর্ম অমসুং ত্রান্সফোর্ম অমা পীখ্রে৷ স্পিরিত অসিদা, ঙসিদি লৈবাক অসিদা সেক্তর খুদিংমক্না মমাংদা অমুক্তা থোকখিদ্রিবা অহোংবা অমসুং রিফোর্ম অমা লাকপা উরি৷ হৌখিবা চহি তরেৎ অসিদা, ফাইনান্সিয়েল ইনক্লুজনদা ৱার্ল্দ রিকোর্দ অমা থমদুনা, ভারত্তা মীওই বিলিয়ন ৪৩০ হেনবনা বেঙ্কিং সিস্তেম কন্নেক্ত তৌখ্রে৷ মতম অসিমক্তদা, মীওই মিলিয়ন ৩৬০ হেন্না, অয়াম্বনা খুদোংচাবা ফংদ্রবা বেকগ্রাউন্দশিং মীওইশিং অসিদা ইন্সুরেন্স কোভর তৌখ্রে, বিলো পোবর্তী লাইনদা লৈরিবা য়ুমথোংশিংদা লৈরিবা নুপী মিলিয়ন ৮৭তা এল.পি.জি. কন্নেক্সনশিং তৌখ্রে অমদি য়ুমথোং মিলিয়ন ৫২দা তোতিগী ইশিং শমহনখ্রে৷
‘মিনিমম গভর্মেন্ত অমদি মেক্সিমম গভর্নেন্স’কী অশেংবা স্পিরিত্তা, সেক্তর খুদিংমক্তা অহোংবা পুরক্নবা সরকার অসিনা তেক্নোলোজীশিং শিজিন্নরি৷ প্রোসেসশিং দিজিতাইজেসন তৌবা অসিনা ৱেল্ফেয়র স্কিমশিংদা লিকেজশিং লৈহন্দবা খক্তা নত্তনা, মসিনা মীয়ামগী পুন্সিবু হেন্না লাইথোকহল্লি অমদি অয়েৎ-অপন য়াওদবা পুন্সি ওইহল্লি৷ স্তার্ত-অপ ইন্দিয়া, স্তেন্দ-অপ ইন্দিয়া অমদি মুদ্রা লোনশিংগুম্বা কন্সর্তেদ ইফর্তশিংগা লোইননা, ভারতনা মালেম অসিদা খ্বাইদগী স্তার্ত-অপ ইকোসিস্তেম চাওবা অহুমশুবা লৈবাক ওইখ্রে৷ ২০১৪দা ১৪২শুবা মফম কল্লম্লিবা ভারতপু ৱার্ল্দ বেঙ্ককী ইজ ওফ দুইং বিজিনেস ইন্দেক্স ২০২০দা ৬৩শুবা মফমদা হায়গৎহন্দুনা লৈবাক অসিদা বিজিনেস এনবাইরোনমেন্ত শেমগৎনবা সরকারনা হোৎনরিবা অসিদা মসিনা তেস্তিমোনী অমা ওইরি৷
নুংশিরবা মরুপশিং,
হৌজিক ফাওবা ঐখোয়গী লম্বীদা চেলেঞ্জ কয়া অমা লৈরি অদুবু ঐখোয়দদি চেলেঞ্জশিং অসি অনৌবা অমতা নত্তে৷ লৈবাক অসিনা মনিং-মখা হেক তম্লকপদগী, ঐখোয়না খোংথাং অমা থাংখিবা খুদিংদা, ঐখোয়গী লম্বীদা অচৌবা অয়েৎ-অপনশিং লাকখি৷ অদুবু চাওখৎপা অমদি হ্যুমেনিতিগী লম্বী অসিদগী ঐখোয়বু করি অমতানা থিংবা ঙম্লোই৷ মসিনা মরম ওইদুনা ভারতকী মাই-পাকপা অসিনা মালেম অসিগী মাই-পাকপা ওইরিবনি৷ ‘বাসুদাইবা কুতুমবকম’-মালেম পুম্ববু ইমুং অমতনি হায়বা ফিলোসোফী অসিদা ঐখোয়না মতম পুম্নমক্তা থাজখ্রে৷
ইচল-ইচেশিং অমদি ইয়াম্বা-ইনাউশিং,
ঐখোয়গী পোতেন্সিয়েল অসিদা কয়া অমনা চয়েৎনবা পোকহনখি৷ ঐখোয়গী তৌবা ঙম্বা অসিদা মীওই কয়া অমনা ৱাহং হংলক্লি অদুবু মালেম অসিগী মতম লৈ অমদি ভারতনা অচৌবা পান্দমশিং থমখিবা অমদি মখোয়শিং অদুবু ফংখিবা অদু মালেম অসিনা অমুক হন্না উনখ্রে৷ মীওইবা জাতি পুম্বগী ওইনা কোরোনা ভাইরস লাইনা-লাইচৎ অসিনা অচৌবা চেলেঞ্জ অমা ওইনা লাকখ্রে অমদি লাইনা-লাইচৎ অসিগী মনুংদা ভারতনা হোৎনখিবা অসিনা মালেম অসিনা ভারত্তা য়েংলম্বা মীৎয়েং অদু হোংদোকহনখ্রে৷ মালেমগী খ্বাইদগী চাওবা লেম্না কোবিদ ভেক্সিন কাপ্পগী দ্রাইব হৌজিক হৌজিক ভারত্তা চৎথরি৷ হৌখিবা নুমিৎ খরনি অসিদা ঐখোয়না ভেক্সিন কোতি ১২৫ কাপতুনা লেন্দমার্ক মাইলস্তোন ফংবা ঙমখ্রে, ভারতনা তৌগে হায়না খনখিবা থবক্তা ওইথোক্তবা লৈতে হায়বদু মসিনা খুদম অমা ওইরি৷
নুংশিরবা মরুপশিং,
অনৌবা কোরোনা ভাইরস স্ত্রেন অমা থোক্লকপা অসিনা মীয়ামগী ৱাখল্লোনদা অমুক হন্না অকিবা পোকহল্লে৷ মীয়াম্না হেঞ্জিন্না অকিবা পোক্তনা, চেকশিন্না অমদি কোবিদকা চুনরবা শাজৎশিং চৎপিদুনা লৈনবা ঐনা মীয়ামদা হায়জগনি৷ মীয়াম্না নিংহন্নবা তৌদনা ভেক্সিন অথুবা মতমদা কাপথোকপীনবা ঐনা হায়জরি৷ মীপুম খুদিংমক্কী মতেংগা লোইননা, লাইনা-লাইচৎ অসি ঐখোয়না মাইথিবা পীবা ঙমগনি৷
শ্রী গৌতম চিনাতামনিগী ‘দি মিদৱে বেত্তল’ অসি থাগৎনিংঙাই ওই৷ মতম অসি মতৌ করম্না ঐখোয়গী ওইনদি অচৌবা চেলেঞ্জ অমা ওইরিবনো হায়বসি ঐখোয় পুম্নমক্তা মরু ওইনা ঐগী হৌরক্লিবা ভারত মচাশিংদা মসিনা খঙহল্লগনি হায়না ঐনা থাজৈ৷ ভারতপু মশা-মরোমদোম লেপচবা ঙম্বা ৱার্ল্দ লিদন অমা ওইনা থোক্লকপা ঙমগনি হায়বসি হন্দক্তা থোকখিবা থৌদোকশিং অসিনা ভারত মচা পুম্নমকপু থাজহনখ্রে৷ মতম অসিমক্তদা, কোবিদ-১৯গী মতুংদা লাক্লিবা জিওপোলিতিকেল চেঞ্জেস অসিনা মালেম অসিদা ঐখোয়গী পোজিসন-ঐখোয় অফতরথোথ অমা ওইদ্রে হায়বা অসি অমুক হন্না খলহনখ্রে৷ দেমোক্রেতিক ভেল্যুশিং সপোর্ত তৌনবা অমদি মীওইবগী পুন্সিবু ইকাই খুম্ননবা ঐখোয়না হোৎনরিবা অসি মঙাল ঙানবা হৌরক্লি৷ ভারতকী স্ত্রাতিজিক পার্তনরশিপশিং অনৌবা নত্রগা অরিবা অনিমক অসি মুচুএল রেস্পেক্তা বেজ তৌই অমদি এক্সপান্সন অমসুং এক্সক্লুজনগী লমজেলদগী অমা অমবু সেফগার্দ তৌনবা খুৎশম্নদুনা হোৎনরি৷ ঐখোয়না ইশাবু থাজজদুনা লমজিংলি অমদি ওইথোকপা য়াবা লম্বী খুদিংমক্তা ‘অত্ম-নির্ভর ভারত’ ফংনবা ঐখোয়না কৎথোক্তুনা হোৎনরি৷ ঐখোয়গী ইন্তিগ্রিতী অমদি সোভরিন্তীবু চেলেঞ্জ তৌরিবা ইনিমিকেল কোর্সশিংদা ঐখোয়না মতিক-চাবা পাউখুম অমা পীখ্রে৷
মালেমগী খ্বাইদগী চাওরিবা দেমোক্রেসী অসিগী মাংওইননা করি লৈরি হায়বদু শ্রী গৌতমগী লাইরিক অসিনা তাক্লি৷‘সবকা সাথ, সবকা বিকাস, সবকা প্রয়াস’কী ভারতকী মংলান অদুনা মালেম্বু অমতা ওইনা ওইরি, মালেম্বু অমতা ওইনা লৌবদা ঐখোয়না থাজরি৷ ঐখোয়গী চেলেঞ্জশিং অসি লোইবা নত্তে৷ ঐখোয়না হেন্না ইশা-ইরোমদোম লেপ্পা ঙম্লিবা, হেন্না শক্তি লৈরিবা অমদি ইন্সপিরেস্নেল ওইবা ভারত অমা ওইরিবমখৈ, হেন্না চাওবা চেলেঞ্জশিং ঐখোয়না থেংনগনি৷ মীওই বিলিয়ন ১.৩গী ৱিল পৱারনা চেলেঞ্জ খুদিংমক থেংনবা ঙমগনি অমদি অয়েৎপা অমতনা ঐখোয়গী মংলানশিং অমদি ইন্সপিরেসনশিং অসিদগী ঐখোয়বু থিংবা ঙম্লোই হায়বসিদা ঐখোয়গী থমোইদা অমসুং ৱাখলদা অমকপা অমতা লৈতে৷
প্রাইভেৎ সেক্তর, এজুকেস্নেল ইন্সতিত্যুসনশিং, নহা অমদি সিবিল সোসাইতী য়াওনা স্তেকহোল্দর পুম্নমক্না অমতা ওইনা চংশিল্লক্তুনা মশা-মরোমদোম লেপচবা ঙম্বা, চাওখৎপা, নুংঙাইবা অমদি অকনবা ভারত অমা শেম্নবা মহা-য়াজনা মন্ত্র অসিদা শরুক য়াবিয়ু হায়না ঐনা তকশিনজরি৷ ঐখোয়না ভারতপু অমুক হন্না ‘বিস্বাগুরু’ অমা ওইহল্লসি৷
জয় হিন্দ!”
*****
(Release ID: 1778196)
Visitor Counter : 119