‘হোল ওফ গভর্মেন্ত’ অমসুং ‘হোল ওফ সোসাইতী’ এপ্রোচ অমগা লোইননা মালেম শিনবা থুংনা শন্দোক্লিবা লাইনা-লাইচৎ অসিগী মাইয়োক্তা লান্থেংনবদা ভারত সরকারনা লমজিংদুনা লাক্লি৷ কোবিদ মেনেজমেন্তগীদমক স্তেকহোল্দরশিং অসি মপাঙ্গল লৈহন্নবা হৌজিক হৌজিক হোৎনরিবা ইফর্ত অমা ওইনা, সরকার অসিনা হৌজিক হৌজিক লৈরিবা ইবিদেন্স অসিদা লেজ তৌদুনা শেমদোক্লিবা পব্লিক হেল্থ রেস্পোন্স অসিদা মীৎয়েং চংনবা রাজ্য/য়ু.তি. সরকারশিং অমসুং তোঙান তোঙানবা নোদেল এজেন্সীশিংদা লেপ্প-লৈতনা খঙহন্দুনা লাক্লি৷ দবল্যু.ঐচ.ও.না “চেকশিন্নিংঙাই ওইরবা বেরিয়েন্ত”নি হায়না ক্লাসিফাইদ তৌখ্রবা কোবিদ-১৯(বি.১.১৫২৯) অনৌবা ওমিক্রোন বেরিয়েন্ত থোক্লকপা অসিদা মমাংগী অসিগুম্না মান্নবা রিক্স-বেজ এপ্রোচ অমদা মীৎয়েং থম্লি৷

হৌজিক লৈরিবা ফিভম অমদি পব্লিক হেল্থ মিজরশিংগী মতাংদা ভারতনা চেকশিন-থৌরাং লৌখৎলিবা অসি য়েংশিন্নবা ঙরাং প্রধান মন্ত্রীনা অৱাংবা থাক্কী মীফম অমদা থৌবুরেল ওইনা শরুক য়াখি৷

তেস্তিং, সর্বিলেন্স, হোতস্পোতশিং য়েংশিনবা, হেল্থ ইনফ্রাস্ত্রকচর শেমগৎপা, জিনোম সিক্বেন্সিং, অমদি মীয়ামদা এৱার্নেস পীবা হেনগৎপগা মরী লৈননা কেন্দ্রগী হকশেল সেক্রেতরীনা ২০২১গী নবেম্বর ২৫ অমসুং ২৭তা থোকখিবা মহাক্কী চিথীশিংদা রাজ্যশিং অমসুং য়ু.তি.শিংদা খঙহনখ্রে, মসিগী মনুংদা অহানবা অসিদি দবল্যু.ঐচ.ও.না বেরিয়েন্ত ওফ কন্সর্ন(ভি.ও.সি.) অমনি হায়না লাওথোকখিবা অদুগী মমাংদা ওইখি৷

তেস্তিং হেনগৎহনবা অমদি কোবিদ-১৯ হোতস্পোতশিং য়েংশিনবগা লোইননা স্ক্রুপুলস ইমপ্লিমেন্তেসনগী ক্রিতিকেলিতী অমদি ইন্তরনেস্নেল ত্রাবেলরশিং অমসুং মখোয়গী কন্তেক্তশিং স্ক্রিনিং অমদি তেস্তিংগী শরুক অহুম লৈরিবা সর্ভিলেন্স স্ত্রাতিজী চেকশিন্না য়েংশিনবা, সেন্তিনেল সর্ভেলেন্স অমসুং সর্জ সর্ভিলেন্স রুতিন নাইনা পাংথোকপা অমদি আর.তি.-পি.সি.আর. পোজিতিব সেম্পলশিং দিজাইনেতেদ ইন্সাকোগ জিনোম সিক্বেন্সিং লেবোরেতরীশিং (আই.জি.এস.এল.শিং)দা মতম চানা থানবা ফোংদোকখি৷

ইন্তরনেস্নেল এরাইবেলশিংগীদমক মন্ত্রালয় অসিনা ২০২১গী নবেম্বর ১১দা থোকখিবা শেমদোক্লবা গাইদলাইনশিংদা তাকপগী মতুং ইন্না ‘খুদোংথিনিংঙাই’ ওইরবা লৈবাকশিং য়াওনা ‘খুদোংথিবা’ লৈবাক্কী কাংলুপ্তা চল্লিবা লৈবাকশিংদগী নত্রগা লৈবাকশিং অসি ফাওদুনা লাক্লিবা ইন্তরনেস্নেল ত্রাবেল্লরশিং অসি এম.ও.ঐচ.এফ.দবল্যু. গাইদলাইনশিংদা ফোংবগী মতুং ইন্না চেকশিন্না স্ক্রিনিং অমদি তেস্তিং তৌগদবনি৷ এম.ও.ঐচ.এফ.দবল্যু. গাইদলাইনশিংগী মতুং ইন্না হায়রিবা ইন্তরনেস্নেল ত্রাবেল্লরশিং অসিগা শোক্ন-শম্নরুবা মীওইশিং অদু চেকশিন্না ত্রেক অমসুং তেস্ত তৌগদবনি৷

হিরম অসিগী মতাংদা, ঙসি হোম সেক্রেতরীনা থৌবুরেল ওইদুনা মীফম অমা পাংথোকখি, মীফম অসিদা ওমিক্রোন ভাইরস থোক্লক্লিবা অসিদা মালেম পুম্বগী ওইরিবা ফিভম অদু খন্ন-নৈনখি৷ মীফম অসিদা নিতি আয়োগকী মেম্বর(হেল্থ)দা. ভি. কে. পোল, প্রধান মন্ত্রীগী প্রিন্সিপাল সাইন্তিফিক এদভাইজর দা. বিজে রঘাবন অমসুং হেল্থ, সিবিল এভিয়েসন অমসুং অতোপ্পা মন্ত্রালয়শিংগী সেনিয়র ওফিসিয়েলশিংনা শরুক য়াখি৷

চেকশিন-থৌরাং কয়া অমা লৌখৎখ্রে অমদি মখাতানা ফগৎহনগদৌরিবা অদু খন্ন-নৈনখি৷ অতোপ্পা লৈবাকশিং মরু ওইনা খুদোংথিবগী চাং ৱাংনা লৈরিবা লৈবাকশিংগী কাংলুপ্তগী লাক্লিবা ইন্তরনেস্নেল ত্রেবেল্লরশিংগী তেস্তিং অমসুং সর্ভিলেন্সতা স্তেন্দর্দ ওপরেতিং প্রোসিদ্যোর রিভিয়ু তৌবা অমদি অপদেৎ তৌনবসু খন্ন-নৈনখি৷ ওমিক্রোন বেরিয়েন্ত ফংখ্রবা লৈবাকশিংদগী লাক্লিবা ইন্তরনেস্নেল পেসেঞ্জরশিংগী সেমপ্লিং অমসুং হ্বোল জিনোম সিক্বেন্সিং তৌবদা মীৎয়েং থমদুনা ইন্সাকোগ নেতৱার্ক্কী খুৎথাংদা বেরিয়েন্তশিং জিনোমিক সিক্বেন্সিং তৌবা হেনগৎহন্নবা য়ানখি৷

এয়রপোর্তশিং/হিথাংফমশিংদা তেস্ত তৌরিবা অসি চেকশিন্না য়েংশিন্নবা এয়রপোর্ত হেল্থ ওফিসিয়েলশিং(এ.পি.ঐচ.ও.শিং) অমসুং পোর্ত হেল্থ ওফিসিয়েলশিং(পি.ঐচ.ও.শিং)না সেন্সিতিব ওইনা লৈগদবনি৷

মালেমগী হৌজিক ওইরক্লিবা ফিভম অসি য়েংলগা স্কেদ্যুল কম্মর্সিয়েল ইন্তরনেস্নেল পেসেঞ্জর্স সর্ভিস অমুক হঞ্জিন্নবগী মতম লেপ্নবা য়েংশিল্লগনি৷ লৈবাক মনুংদা ওইরক্লিবা লাইনা-লাইচৎকী ফিভম চেকশিন্না য়েংশিল্লগনি৷

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীশিংগী মতাংদা ওথেন্তিক অমদি অপদেৎ ওইবা পাউ খঙনবগীদমক, লিঙ্ক অসিদা চাং-নাইনা চংবিয়ু: https://www.mohfw.gov.in/অমসুং @MoHFW_INDIA৷

কোবিদ-১৯গা মরী লৈনবা তেক্নিকেলগী ওইবা খঙনিংবশিং অদু technicalquery.covid19[at]gov[dot]inদা থারকপা য়াগনি অমদি অতোপ্পা খঙনিংবশিংনা ncov2019[at]gov[dot]in অমসুং @CovidIndiaSevaদা থারকপা য়াগনি৷

কোবিদ-১৯গী মরমদা খঙনিংবা অমা হেক্তা লাক্লবদি, হকশেল অমদি য়াইফ-য়ুম্বাল মন্ত্রালয়গী হেল্পলাইন নম্বর: +91-11-23978046 নত্রগা 1075 (তোল-ফ্রী)দা কোল তৌবিরকউ৷ কোবিদ-১৯গী মরমদা রাজ্যশিং/য়ু.তি.শিংগী হেল্পলাইন নম্বরশিংগী লিস্ত অদুসু লিঙ্ক অসিদা ফংবিগনি https://www.mohfw.gov.in/pdf/coronvavirushelplinenumber.pdf

******