بھارت کے صدرجمہوریہ رام ناتھ کووند نے آج ( 28 نومبر2021 کو)  ہری دوار میں  یونیورسٹی  آف  پتنجلی کے تقسیم اسناد کے پہلے جلسے میں شرکت کی اور تقریر بھی کی۔

 اس موقع پر خطاب کرتے ہوئے صدر محترم نے کہا کہ سوامی رام دیو نے یوگا کو مقبول بنانے میں بہت بڑا تعادن دیا ہے۔انہوں نے بے شمار لوگوں کو یوگا کی مشقوں کے ساتھ جوڑ کر انہیں فیض پہنچایا ہے۔جناب صدر نے کہا کہ کچھ لوگوں کو یہ غلط فہمی ہے کہ یوگا کاتعلق ایک خاص طبقے یا ایک خاص مذہب سے ہے لیکن حقیقتاً ایسا  کچھ نہیں ہے۔یوگا صحیح معنوں میں جسم اور دماغ کو صحت مند رکھنے کا ایک طریقہ کار ہے ۔یہی سبب ہے کہ یوگا کو پوری دنیا میں زندگی اور نظریات کے تمام طبقوں سے تعلق رکھنے والے لوگوں کے ذریعہ اپنایا گیا ہے۔انہوں نے اس بات کا ذکر کیا کہ2018 میں سرینام کے اپنے دورے کے دوران انہوں نے بین الاقوامی یوگا دوس اپنے سرینامی ہم منصب کے ساتھ منایا تھا۔ انہوں نے اس بات کا بھی ذکر کیا کہ ارب یوگا فاؤنڈیشن کی بانی محترمہ ناؤف ماروائی کو 2018 میں یوگا کے میدان میں ان کے تعاون کی بنا پر پدم شری سے نوازا گیا تھا۔

صدرمحترم نے کہاکہ جدید میڈیکل سائنس نے بہت سے وسائل کااستعمال کرتے ہوئ علاج و معالجہ کے شعبے میں حیرت انگیز حد تک ترقی کی ہے۔ تاہم آیوروید اور یوگا کے علم نے کائنات کے ذریعہ تخلیق کردہ بہترین وسیلے پر غوروفکر اور تحقیق کی ہے،یعنی انسانی جسم پر۔ اور جسم ہی کااستعمال کرتے ہوئے اس نے علاج ومعالجے کے موثر طریقے دریافت کئے ہیں۔ انہوں نے کہا کہ انسان کی فطرت کے ساتھ ہم آہنگ وابستگی ہی آیوروید اور یوگا کا مقصد ہے۔ اور اس ہم آہنگی کے لئے یہ ضروری ہے کہ ہم ایسا طرز زندگی اپنائیں جو فطرت کے مطابق ہو اور فطرتی قوانین کی خلاف ورزی نہ کریں۔قدرتی مصنوعات کا استعمال سب لوگوں کے لئے فائدے مند ثابت ہوگا۔

صدرمحترم نے کہا کہ یونیورسٹی آف پتنجلی نئی نسلوں کو ملک کی تعمیر کے لئے تیار کررہی ہے۔ اس کے لئے انہیں دیسی کاروباریت کے نظریہ اور روزگار کے مواقع کی فراہمی پر مبنی تعلیم سے  آراستہ کیاجارہا ہے۔جناب صدر نے اس بات پر اپنی مسرت کااظہار کیا کہ پتنجلی کے اداروں کے گروپ میں، ہندوستانیت پر مبنی کاروبار اور کاروبار پر مبنی ہندوستانیت ترقی کررہی ہے۔

صدرمحترم نے اس خیال  کا بھی اظہار کیا کہ یونیورسٹی آف پتنجلی قومی تعلیمی پالیسی کے متعین کردہ راستے پر آگے بڑھ رہی ہے جس کا مقصد ہماری با معنی روایات کی معلومات کو جدید علوم کے ساتھ منسلک کرکے ہندوستان کو معلومات کی ایک سپر طاقت بنانا ہے۔انہوں نے کہا  کہ اسی یونیورسٹی کے ذریعہ  کی جانے والی کوششوں سے جدید تناظر میں ہندوستانی معلوماتی سائنس، خاص طور پر آیوروید اور یوگا کو عالمی سطح پر اولین مقام دلانے میں مدد ملے گی۔

صدرمحترم نے اس بات پر اپنی خوشی کااظہار کیا کہ یونیورسٹی آف پتنجلی نے بین الاقوامی طالب علموں کے لئے  ایک خصوصی سیل قائم کیا ہے۔انہوں نے مزید کہا کہ اس اقدام کے ذریعہ ہندوستانی اقدار اور علمی روایات کو پوری دنیا میں مقبول بنایا جاسکتا ہے۔اس طرح 21 ویں صدی میں ایک نئے ہندوستان کےطلوع کی سمت میں اس یونیورسٹی کا یہ ایک بہت بڑا تعاون ہوگا۔

اس  حقیقت کی طرف اشارہ کرتے ہوئے  کہ یونیورسٹی آف پتنجلی نے تعلیم حاصل کرنے والوں میں طالب علموں سے زیادہ بڑی تعداد طالبات کی ہے، جناب صدر نے کہا کہ یہ بڑی خوشی کی بات ہے کہ ہماری بیٹیاں روایت پر مبنی جدید تعلیم کو عام کرنے کے عمل میں قائدانہ کردار ادا کررہی ہیں۔

انہوں نے اس بات پر اعتماد کااظہار کیا کہ جدید دور سے تعلق رکھنے والی گارگی،میترائی،اپالہ، روماشہ اور لوپا مدرا انہی طالبات کے اندر سے نکل کر سامنے آئیں گی۔ جو عالمی سطح پر ہندوستانی دانشوری کی برتری ثابت کریں گی۔

صدرجمہوریہ کی تقریر دیکھنے کے لئے یہاں کلک کریں:

****************

(ش ح۔ س ب  ۔ رض)

U NO:13404