য়ুমলৈ-কৈরৈ মন্ত্রালয়

কেন্দ্রগী গৃহ অমসুং কোর্পোরেসন মন্ত্রী শ্রী অমিত শাহনা ঙসি ভিদিও কনফরেন্সিংগী খুৎথাংদা ইন্দিয়ন চেম্বর ওফ কম্মর্সকী এ.জি.এম. অমসুং এনুএল সেসনদা ৱা ঙাংখ্রে

'India@75 – অৱাং-নোংপোক ভারতপু শক্তি লৈহনবা' হায়বসিনা ৱারোল অদুগী থীম ওইখি

২০১৪দা শ্রী নরেন্দ্র মোদীনা প্রধান মন্ত্রীগী কেন্দিদেৎ ওইরকখিবা মতমদা, মহাক্না অৱাং-নোংপোক্তা থম্লিবা মহাক্কী মংলান অদু ফোংদোকখি

পুম্নমক ইনক্লুসিব ওইহনদ্রবা, পুম্নমক শন্দোক্ত্রবা অমদি বেলেন্স ওইবা মওংদা দিবেলপমেন্ত পুরক্ত্রবদি লৈবাক অমা হেক্তনা চাওখৎপা ঙম্লোই হায়না প্রধান মন্ত্রীনা ফোংদোকখ্রে

ঐখোয়গী সরকারনা শক্তি লৈরকপা মতমদা, নোংপোক থংবা ভারত চাওখৎহন্নবা ঐখোয়না মীৎয়েং থম্লগনি অমসুং লৈবাক অসিগী লৈহৌরিবা শরুকশিংদা চাওখৎলিবা অসিগা মান্না পুরক্তুনা লৈবাক্কী দিবেলপমেন্তদা কন্ত্রিব্যুতর অমা ওইহল্লগনি হায়না প্রধান মন্ত্রীনা ফোংদোকখি

ঐখোয়গী নিং-খা তম্বগী চহি ৭৫দগী ১০০ ফাওবা চহি ২৫গী মতম অসি খ্বাইদগী প্রদক্তিব ওইবা চহিশিং ওইরগনি অমদি হায়রিবা চহি ২৫ অসিদা, ভারতনা ফিল্দ খুদিংমক্না মালেম পুম্বগী ওইনা অহানবতা ওইহন্নবগী ৱাখল্লোন অসিগা লোইননা ঐখোয়না চাওখৎনবা হোৎনগদবনি হায়না শ্রী নরেন্দ্র মোদীনা ফোংদোকখ্রে

লৈবাক অসিগীদমক প্রধান মন্ত্রীনা য়ু.এস. $ ত্রিলিয়ন ৫ ইকোনোমীগী তার্গেৎ অমা থমখ্রে অমদি হায়রিবা

Posted On: 25 NOV 2021 6:34PM by PIB Imphal

অৱাং-নোংপোক্না অদুক্কী মতিক অৱাবা থেংনখ্রে, সেন্সিতিব ওইনা নহাশিংগী অপাম্বশিং খঙদোক্তুনা শান্তি লৈহন্নবা হোৎনবা অমদি পোলিতিকেল স্তেবিলিতীগা লোইননা মফম অদুদা পাল্লিবা সরকারশিং অদু শক্তি লৈহন্দুনা প্রজা মীয়াম্বু য়োকখৎপা হায়বসিনা মোদী সরকারগী অৱাং-নোংপোক পোলিসীগী পর্পস ওইরি অমদি হৌখিবা চহি ৭ অসিদা, ঐখোয়না মসি তৌদুনা লাক্লি৷

ঐখোয়না ইহান-হান্না পোলিতিকেল স্তেবিলিতী লৈহনখি, অৱাং-নোংপোক্কী চয়েৎনবা পুম্নমক লোইশিন্নবা অচৌবা ইনিসিয়েতিব অমা লৌখৎখ্রে অমদি লমদম অসিগী দাইলেকশিং, লোনশিং, জগোই, ইশৈ, চিঞ্জাক অমসুং দাইবর্সিতীবু ফোর্স অমা ওইহনখ্রে

য়াম্না মরু ওইবা পোলিসী দিসিজন অমা পল্লদুনা, বোর্দর প্রোজেক্তশিংগীদমক লেন্দ এক্বুইজিসন য়াম্না লাইনা তৌহন্নবা হোম এফিয়র্স মন্ত্রালয়বু “চুনবা সরকার”নি হায়না প্রধান মন্ত্রী নরেন্দ্র মোদী সরকারনা লাওথোকখ্রে

হৌখিবা চহি ৭ অসিদা, অৱাং-নোংপোক্কী ইনফ্রাস্ত্রকচর শেমগৎপদা রেদিকেল চেঞ্জ অমা লাকখ্রে অমদি ২০২৪ ফাওবগী মনুংদা, অৱাং-নোংপোক্কী কোনুং পুম্নমক এয়রপোর্তশিংগা শম্নরগনি

অৱাং-নোংপোকপু মাইকৈ-খুদিংমক্তা  চাওখৎপা পুরক্নবগীদমক, ২০১৪দগী ২০২১ ফাওবদা, ইনফ্রাস্ত্রকচরদা লুপা কোতি ২,৬৫,৫১৩ থাদখ্রে, ২০২১-২২দা, অৱাং-নোংপোক্কী বদজেৎ অসি লুপা কোতি ৬৩,০০০ ওইখি অমসুং চহি তরেৎতা মোদী সরকারনা বদজেৎ অদু দবল ওইহনখি৷

ইশিং-ইচাউশিং অসিসু অৱাং-নোংপোক্তা অচৌবা প্রোব্লেম অমনি, ইসরো শিজিন্নদুনা মহৌশাগী ওইবা পুখ্রি কয়া অমা শেম্লগনি অমদি ইচাউ কন্ত্রোল তৌনবগীদমক হেতিরোজিনিয়র্স জিওগ্রাফিকেল লোকেসনশিং শিজিন্নদুনা পুখ্রিশিং অসিদা ইচাউগী ইশিং অসি থৈদোক্লগনি

প্রধান মন্ত্রীনা খনখিবা চাওখৎ-থৌরাংবু মপুং ফাহনবা হায়বসি ঐখোয়গী ইথৌনি অমদি অমিৃত মহোতসবকী মতমদা, ঐখোয়না অৱাং-নোংপোক্কী চাওখৎ-থৌরাংদা শরুক য়াগনি হায়না ঐখোয়না ৱাশক অমা লৌগদবনি

হৌখিবা চহি ৭তা অৱাং-নোংপোক্তা শেল থাদনবা ঐখোয়না দরকার ওইরিবা এনবাইরোনমেন্ত অদু শেমখ্রে, তোঙানবা পর্সপেক্তিব অমদগী অৱাং-নোংপোক্তা য়েংবিনবা  অমদি মফম অদুদা পুরক্লিবা অহোংবশিং অদু খঙবিনবা অমসুং মফম অদুদা শেল থাদবিনবা ঐনা আই.সি.সি. অমসুং মহাক্কী মেম্বরশিংদা হায়জরি৷

কেন্দ্রগী গৃহ অমসুং কোর্পোরেসন মন্ত্রী শ্রী অমিত শাহনা ঙসি ভিদিও কনফরেন্সিংগী খুৎথাংদা ইন্দিয়ন চেম্বর ওফ কম্মর্সকী এ.জি.এম. অমসুং এনুএল সেসনদা ৱা ঙাংখ্রে৷ 'India@75 – অৱাং-নোংপোক ভারতপু শক্তি লৈহনবা' হায়বসিনা ৱারোল অদুগী থীম ওইখি৷

থৌরম অদুদা ৱা ঙাংলদুনা, ২০১৪দা গুজরাতকী মতম অদুগী মুখ্য মন্ত্রী,শ্রী নরেন্দ্র মোদীনা প্রধান মন্ত্রীগী কেন্দিদেৎ অমা ওইরকখিবা মতমদা, মহাক্না ভারতকী চাওখৎ-থৌরাং অমদি অৱাং-নোংপোক চাওখৎহন্নবা মহাক্কী লৈরিবা ৱাখল্লোন অদু মহাক্না ফোংদোকরকখ্রে হায়না শ্রী অমিত শাহনা ফোংদোকখি৷ পুম্নমক ইনক্লুসিব ওইহনদ্রবা, পুম্নমক শন্দোক্ত্রবা অমদি বেলেন্স ওইবা মওংদা দিবেলপমেন্ত পুরক্ত্রবদি লৈবাক অমা হেক্তনা চাওখৎপা ঙম্লোই হায়না প্রধান মন্ত্রীনা ফোংদোকখ্রে৷ মনিং-মখা তম্লবা মতুংদা, নোংচুপ থংবা অমদি খা থংবা ভারত্তা দিবেলপমেন্ত হেন্না পুরকখ্রে, অদুবু ঐখোয়না মমাংগী চহি ৭০ অদুদা য়েংলুবা মতমদা, নোংপোক থংবা ভারত অসি শোৎথদুনা লৈবা থেংনখি হায়না শ্রী শাহনা ফোংদোকখি৷ ঐখোয়গী সরকারনা শক্তি লৈরকপা মতমদা, নোংপোক থংবা ভারত চাওখৎহন্নবা ঐখোয়না মীৎয়েং থম্লগনি অমসুং লৈবাক অসিগী লৈহৌরিবা শরুকশিংদা চাওখৎলিবা অসিগা মান্না পুরক্তুনা লৈবাক্কী দিবেলপমেন্তদা কন্ত্রিব্যুতর অমা ওইহল্লগনি অমদি হৌখিবা চহি ৭ অসিদা, মফম অদুদা অহোংবা পুরকপগী ইস্তর্ন ৱিন্দশিং উবা ফংখ্রে হায়না প্রধান মন্ত্রীনা ফোংদোকখি৷ নোংপোক থংবা ভারতকী চাওখৎ-থৌরাংগী মতাংদা ঐখোয়না পনবা মতমদা, অৱাং-নোংপোক অসিদা চাওখৎপা পুরক্তনা ওইথোক্লোই হায়না মহাক্না ফোংদোকখি৷

অজাদিগী অমিৃত মহোতসবতা শরুক অনি লৈরি হায়না কেন্দ্রগী গৃহ অমসুং কোর্পোরেসন মন্ত্রীনা ফোংদোকখি৷ ঐখোয়গী নিংতম্বা ফংনবগীদমক কৎথোকখিবা মশক নিংথিনা খঙহৌদ্রবা খৌনা ফরবশিংবু নিংশিংবা অমদি মখোয়গা লোইননা নৌরিবা মীরোনবু কন্নেক্ত তৌবা অসিনা অহানবা শরুক ওইরি৷ অনিশুবা শরুক্কী মখাদা, ঐখোয়না ভারতপু চহি ৭৫দগী ১০০দা পুরক্কদৌরিবা অসিদা, ঐখোয়না ৱাশক অমা লৌশি৷ ঐখোয়গী নিং-খা তম্বগী চহি ৭৫দগী ১০০ ফাওবা চহি ২৫গী মতম অসি খ্বাইদগী প্রদক্তিব ওইবা চহিশিং ওইরগনি অমদি হায়রিবা চহি ২৫ অসিদা, ভারতনা ফিল্দ খুদিংমক্না মালেম পুম্বগী ওইনা অহানবতা ওইহন্নবগী ৱাখল্লোন অসিগা লোইননা ঐখোয়না চাওখৎনবা হোৎনগদবনি হায়না শ্রী নরেন্দ্র মোদীনা ফোংদোকখ্রে৷
লৈবাক অসিগীদমক প্রধান মন্ত্রীনা য়ু.এস. $ ত্রিলিয়ন ৫ ইকোনোমীগী তার্গেৎ অমা থমখ্রে অমদি হায়রিবা অসি অৱাং-নোংপোক চাওখৎপা পুরক্তনা ওইথোকপা ঙম্লোই৷

অৱাং-নোংপোক অসি লৈবাক অসিগী খ্বাইদগী মরু ওইবা লমদম অমনি অমদি হিরম খুদিংমক্তা লমদম অসি ভারতকী লৈহৌরিবা শরুকশিংগা শম্নদ্রিবা ফাওবা, লৈবাক অসিদা অপুনবগী ৱাখল্লোন অমতা লৈরোই অমদি মফম অসিদা শান্তি অমসুং চাওখৎপা পুরক্ত্রবদি ভারতকী লৈহৌরিবা শরুকশিংদা য়েংনদুনা অৱাং-নোংপোক চাওখৎহনবা হায়বসি ওইথোক্লোই হায়না শ্রী অমিত শাহনা ফোংদোকখি৷ ২০১৪দা নরেন্দ্র মোদী সরকারনা শক্তি পাইরকপদগী, ঐখোয়না ফেজ নাইবা মওং অমদা অৱাং-নোংপোক্তা দিবেলপমেন্ত পুদুনা লাকখ্রে৷

অৱাং-নোংপোক ভারত্তা অপুনবা লেন্দ এরিয়াগী চাদা ৮রোম, মীওই মশিংগী চাদা ৩.৮রোম অমদি লৈবাক মঙাগা শাংনা কি.মি. ৫,০০০রোম ইন্তরনেস্নেল বোর্দর ওইদুনা লৈরি হায়না কেন্দ্রগী গৃহ মন্ত্রীনা ফোংদোকখি৷ অৱাং-নোংপোক অসি গ্লোবেল বাইওদাইবর্সিতী হোতস্পোত ১৮গী মনুংগদা অমনি৷ লৈবাক অসিদা লৈরিবা উমংগী এরিয়াগী চাদা ২৫দি অৱাং-নোংপোক্তা লৈ অমদি অথাবা উমংগী এরিয়াগী চাদা ৩০দি অৱাং-নোংপোক্তা লৈ অমসুং অমরোমদা অৱাং-নোংপোক্না ভারতকী থাবোম্বী ওইনা মথৌ তৌরি হায়না ঐখোয়না হায়বা য়াই৷ অৱাং-নোংপোক অসি হেতিরোজিনিয়র্স ওইবা লম অমনি অমদি মফম অসিদা সোসিএল গ্রুপ ২৭০ হেন্না লৈরি অমসুং মফম অসিদা লোন ১৮৫ হেন্না ঙাংনরি হায়না শ্রী শাহনা ফোংদোকখি৷ অদুম ওইনমক, এস্পেক্ত অসি শিজিন্নদুনা মীওই খরনা অৱাং-নোংপোক অসি য়াম্না অরুবা মফম অমা ওইহনখ্রে৷ ২০১৪গী মমাংদা, অৱাং-নোংপোক অমসুং ভারতকী অতোপ্পা মফমশিং অসিগী মরক্তা অচৌবা মেন্তেল গেপ অমা লৈরমখি৷ ২০১৪দা মোদী সরকার শেম্লবা মতুংদা, প্রধান মন্ত্রীনা ইহান হান্না তৌখিবা অদুদি মেন্তেল গেপ অসি শম্নহনখিবা অমদি অৱাং-নোংপোক্তা মীৎয়েং চংখিবা অসিনা ওইখি অমদি নুমিৎ ১৫নি খুদিংগী কেন্দ্রগী মন্ত্রী অমা মফম অদুদা থাবা হৌখি হায়না কেন্দ্রগী গৃহ মন্ত্রীনা ফোংদোকখি৷ হৌখিবা চহি তরেৎ অসিদা, প্রধান মন্ত্রী মশামক্না অৱাং-নোংপোক্তা কয়ারক হন্না লাকখ্রে অমদি অৱাং-নোংপোক্তা অহিং লেনখ্রে অমসুং হৌজিক্তি তপ্ন-তপ্ন অৱাং-নোংপোক্না লৈবাক অসিগী লৈহৌরিবা শরুকশিংদা নকশিল্লক্লি৷ অৱাং-নোংপোক্তা এজিতেসনশিং অমসুং চয়েৎনবশিং থোকখিবা মতম অমা লৈরমখি, চাওখৎপা পুরক্নবগীদমক এজিতেসন নত্রগা কন্ত্রোবর্সী তৌবগী মহুৎতা কোওপরেসন পীবা অমদি চেকশিন্না হোৎনবা মথৌ তাই হায়না প্রধান মন্ত্রীনা ফোংদোকখ্রে৷ বন্দশিং, ব্লোকেদশিং অমসুং স্ত্রাইকশিংগীদমক মনিপুরবু খঙনরম্মী৷ ইথনিক গ্রুপশিংগী মরক্তা চয়েৎনবা লৈরিবা অমসুং তেরোরিজমগীদমক অসামবু খঙনরমখি৷ মমাংগী মতমদা হিংশা, এক্সত্রিমিজম, চয়েৎনবশিং, ইশিং-ইচাউশিং, করপ্সন অমসুং দ্রগশিংগুম্বগী প্রোব্লেমশিং লৈরমখি, অদুবু ঙসিদি অৱাং-নোংপোক্তা ইশিং-ইচাউ লোইশিনখ্রে, লম্বী-থোং শমজিন্নবা, তুরিজম, এমপ্লোইমেন্ত, ইলেক্ত্রিসিতী অমসুং উমংশিং হেনগৎহনখ্রে হায়বগুম্বা ইসুশিং অসিগী পাউশিং খক্তা তারি৷ ঙসিদি লৈবাক অসিগী দিবেলপমেন্তদা অৱাং-নোংপোক্না অচৌবা কন্ত্রিব্যুতর ওইনবা শেম-শাদুনা লৈরি৷ বঙ্গলাদেশকা লেন্দ বোর্দর এগ্রীমেন্ত অমা শহি পীনদুনা অৱাং-নোংপোক্তা লৈরিবা কন্নেক্তিবিতীগী প্রোব্লেম অদু থেংনরি হায়না শ্রী অমিত শহাহনা ফোংদোকখি৷ চহি অনিদা অৱাং-নোংপোক অসি বঙ্গলাদেশকী হিথাংফমশিংদা শম্নরগনি অমদি মসিনা অৱাং-নোংপোক্তা ইন্দস্ত্রী শেমগৎনবগী অমদি মালেমগী লৈহৌরিবা মফমশিংদা লমদম অসিবু শম্নহন্নবগী অচৌবা এভেন্যু অমা হাংদোক্লগনি৷

অৱাং-নোংপোক চাওখৎহন্নবগীদমক ই অহুম-এম্পেথী, এমপৱারমেন্ত অমসুং ইনেবলমেন্ত পুনশিনখ্রে অমদি ই অহুম অসি শিজিন্নদুনা ঐখোয়না মাংলোমদা চংশিনবা পাম্মী  হায়না শ্রী অমিত শাহনা ফোংদোকখি৷ অৱাং-নোংপোক্না অদুক্কী মতিক অৱাবা মাইয়োক্নরে অমদি লমদম অদুদা শান্তি পুরক্নবা মীনুংশিগা লোইননা নহাশিংগী অপাম্ববু খঙদোক্তুনা শান্তি লৈহনবা অমদি পোলিতিকেল স্তেবিলিতীগা লোইননা অৱাং-নোংপোক্তা লৈরিবা সরকারশিং শক্তি লৈহন্নবা হোৎনবা অিনা মোদী সরকারগী নোর্থ ইস্ত পোলিসীগী পান্দম ওইরি হায়না কেন্দ্রগী গৃহ মন্ত্রীনা ফোংদোকখি৷ হৌখিবা চহি ৭তা, অৱাং-নোংপোক লমদমগীদমক ঐখোয়না অরু ওইবা ওবজেক্তিব মরি খন্দোকখ্রে হায়না মহাক্না ফোংদোকখি৷ অহানবদা, পোলিতিকেল স্তেবিলিতী শেমগৎতুনা ইনস্তেবিলিতী লৈরিবা অসি লোইশিনবা, অনিশুবদা অৱাং-নোংপোক্তা লৈরিবা চয়েৎনবশিং অসি লোইশিনবা অমসুং শান্তি লৈবা মফম অমদা ওন্থোকপা, অহুমশুবদা মহাক্কী দাইলেকশিং, লোনশিং, জগোইশিং, ইশৈ, চিঞ্জাক অমদি কল্চর য়োকখৎপা অমসুং মালেম অসিদা মফম অদুবু পুক্নিং চিংশিন্নবা শেমগৎপা অসিনি, মরিশুবদা অৱাং-নোংপোকপু চাওখৎপা লমদম অমা ওইহন্নবা অমদি নিং-খা তমদ্রিঙৈদা মমাংগী মতমদা লৈরিবা লেবেল অদুগী আই.জি.দি.পি.দা অৱাং-নোংপোক্কী কন্ত্রিব্যুসন লাক্নবা হোৎনরি৷ মাইকৈ অসিদা মাই পাকপগা লোইননা ঐখোয়না মাংলোমদা চংশিল্লক্লি হায়না পনবা অসিদা ঐ নুংঙাইবা ফাওই হায়না শ্রী শাহনা ফোংদোকখি৷

প্রধান মন্ত্রীগী মিংচৎ অমসুং ওর্গনাইজেসনশিংনা হোৎনরিবা অসিনা মরম ওইদুনা, অৱাং-নোংপোক্তা ইনস্তেবিলিতী লৈরম্বা অদু হৌজিক্তি পোলিতিকেল স্তেবিলিতী লৈরকপদগী পুৱারি ওইখ্রে, হৌজিক্তি অৱাং-নোংপোক্না শান্তিগী মাইকৈদা চংশিল্লক্লি হায়না কেন্দ্রগী গৃহ অমসুং কোওপরেসন মন্ত্রীনা ফোংদোকখি৷ হৌখিবা চহি তরেৎতা, অৱাং-নোংপোক্কী রাজ্য পুম্নমক প্রধান মন্ত্রী নরেন্দ্র মোদীগী লুচিং মখাদা নোর্থ ইস্ত দেমোক্রেতিক এলাইয়েন্স(নেদা)গী সরকারশিং শেম্বদা মাই পাক্লকখ্রে৷ ঙসিদি, মফম অসিদা লৈরিবা সরকার পুম্নমক্না এবসোলুত মেজোরিতী ফংদুনা স্তেবল ওইনা মথৌ তৌরি, ইলেক্সনশিংসু শান্তি লৈনা পাংথোক্লি৷ অৱাং-নোংপোক্কী মীয়াম্না প্রধান মন্ত্রী মোদীবু য়াখ্রে অমসুং সীত ২৪গী মনুংদা ঐখোয়দা ১৯ পীরকখ্রে৷ এম.এল.এ. ৪৯৮গী মনুংদা, এম.এল.এ. ৩৫০দি নেদাদগীনি অমদি মমাংগী মতমদা দিল্লীবু আউতসাইদরনি হায়না খন্নরম্বা অদু হৌজিক্তি দিল্লীবু ময়াম্বা অমনি হায়না খন্দুনা চাওখৎ-থৌরাংগীদমক মহাক্কী মতেং লৌবদা নিংজিং মাংজিংনবা লৈতে৷

২০১৪ অমসুং ২০১৯গী মতুংদা, অৱাং-নোংপোক্তা শান্তি পুরক্নবগীদমক ঐখোয়না ফজবা থবক অমা তৌখ্রে হায়না কেন্দ্রগী গৃহ মন্ত্রীনা ফোংদোকখি৷ অহানবা তর্মদা, বঙ্গলাদেশকা লেন্দ বাউন্দরী এগ্রীমেন্ত অমদা চংশিন্দুনা, নোংপোক্তা চংশিন্নবগী অৱাং-নোংপোক্কী লৈরিবা খ্বাইদগী চাওবা দ্রোবেক অদু লোইশিনখ্রে৷ য়াম্না মরু ওইবা পোলিসী দিসিজন অমা পল্লদুনা, বোর্দর প্রোজেক্তশিংগীদমক লেন্দ এক্বুইজিসন য়াম্না লাইনা তৌহন্নবা হোম এফিয়র্স মন্ত্রালয়বু “চুনবা সরকার”নি হায়না প্রধান মন্ত্রী নরেন্দ্র মোদী সরকারনা লাওথোকখ্রে৷ ব্রু রেফ্যুজীশিংগী চহি ৪০ শুরবা প্রোব্লেম অদুসু লোইশিনখ্রে অমদি হৌজিক্তি মখোয়বু অমুক হন্না সেত্তল তৌরি৷ বোদো অমসুং কর্বি অঙ্গলোং পিচ এগ্রীমেন্তশিংগী মতুংদা, মিলিতেন্ত কয়া অমনা মখোয়গী খুৎলাইশিং থাদোকখ্রে৷ ২০০৭তগী ২০১৪ ফাওবদা হিংশাগী থৌদোকশিংনা চহি খুদিংগী সিবিলিয়ন ৩৮৫রোম হাৎখি অমদি হৌজিক্তি ২০১৯দগী ২০২১ ফাওবদা, চাংচৎতা সিবিলিয়ন ২ শিখ্রে৷ সিবিলিয়ন অনি শিরিবা অসি ফাওবা লাইবক থিবা অমনি অমদি মসিবু ঐখোয়না জিরোদা লৈহনবা ঐখোয়না পাম্মী হায়না মহাক্না ফোংদোকখি৷ হায়রিবা চহি অনি অসিদা, মিলিতেন্ত ৩,৯২২ সরেন্দর তৌখ্রে অমসুং খুৎলাই ৪,০০০রোম পুলিস্তা পীশিনখি৷ মখোয়গী দিবেলপমেন্ত অমসুং রিহেবিলিতেসনগীদমক রাজ্য অমসুং কেন্দ্র সরকারনা লুপা কোতি ১২,০০০গী শেনফম কাইথখ্রে৷

হায়রিবা চহি তরেৎ অসিদা অৱাং-নোংপোক্কী ইনফ্রাস্ত্রকচর শেমগৎপদা পেরাদিজম সিফত অমা লৈখেরে অমদি ২০২৪গী মমাংদা অৱাং-নোংপোক্কী কোনুং পুম্নমক এয়রপোর্তশিংদা শম্নরগনি হায়না শ্রী অমিত শাহনা ফোংদোকখি৷ অৱাং-নোংপোক্কী রাজ্য ৮গী মনুংদা ৭তি রেলনা শম্নহল্লগনি৷ নেস্নেল হাইৱে কয়া অমা শেম্নবা থবক পাইখৎখ্রে৷ লুপা কোতি ১২,০০০গী শেনফম থাদদুনা নেস্নেল হাইৱেগী লম্বী ৩২ শেমখ্রে৷ অৱাং-নোংপোক্তা হিংরম খুদিংমক্তা চাওখৎপা পুরক্নবগীদমক, ২০১৪দগী ২০২১ ফাওবদা, ইনফ্রাস্ত্রচরদা লুপা কোতি ২,৬৫,৫১৩গী শেনফম শিজিন্নখি৷ ১৫শুবা ফাইনান্স কম্মিসননা অৱাং-নোংপোক্তা থাদরিবা মহাক্কী এক্সপেন্দিচর অসি ১৪শুবা ফাইনান্স কম্মিসনগা চাংদম্নবা মতমদা চাদা ২৫১ হেনগৎখ্রে৷ অৱাং-নোংপোক্কী ইনফ্রাস্ত্রকচর, পোলিতিকেল স্তেবিলিতী অসিনা অদোম্বা থাজহনবা অমসুং শেল থাদনবগী এনবাইরোনমেন্ত অমা শেমখ্রে৷ ২০২১-২২ চহিদা, অৱাং-নোংপোক্কী বদজেৎ অসি লুপা কোতি ৬৩,০০০নি অমসুং বদজেৎ অসি মোদী সরকারনা চহি তরেৎতা শরুক অনিদা হেনগৎহনখ্রে৷ অৱাং-নোংপোক্তা লৈরিবা অঙাংশিং অসিবু অফবা ৱার্কফোর্স অমা ওইনা ত্রেন তৌনবা এ.আই.আই.এম.এস., আই.আই.তি.শিং, আই.আই.এম.শিংগুম্বা ইন্সতিত্যুত কয়া অমা হাংদোকখ্রে হায়না মহাক্না ফোংদোকখি৷

অৱাং-নোংপোক্তা আই.তি. সেক্তরদা অচৌবা পোতেন্সিয়েল লৈ অমদি আই.তি. কন্নেক্তিবিতীগীদমক ঐখোয়না থবক কয়া অমসু তৌখ্রে হায়না কেন্দ্রগী গৃহ মন্ত্রীনা ফোংদোকখি৷ মালেম পুম্বদা লৈরিবা তুরিস্ত পুম্নমক্কী পুক্নিং চিংশিনবা ঙম্বা মহৌশাগী ফজবা অৱাং-নোংপোক্তা লৈ৷ ওর্গানিক ফুদকী ওইনসু, রাজ্য অহুমবু মপুং ফানা ওর্গানিক ওইরবা রাজ্যশিংনি হায়না লাওথোকখ্রে অমদি ওর্গানিক এগ্রীকল্চরবু লৈহৌরিবা রাজ্যশিংদা প্রমোত তৌরি৷ অৱাং-নোংপোক্তা ইশিং-ইচাউনা অচৌবা প্রোব্লেম অমা ওইরি অমদি ইসু অসি থেংনবগীদমক, পুখ্রি কয়া অমা শেম্লগনি অমসুং ফ্লদ কন্ত্রোলগী হেতিরোজিনিয়র্স জিওগ্রাফিকেল লোকেসন শিজিন্নদুনা, ইসরো শিজিন্নবগা লোইননা ইচাউগী ইশিং অসি পুখ্রিশিংদা থৈদোক্লগনি৷

ৱা অমসুং পেপর ইন্দস্ত্রীগী ওইনসু অচৌবা পোতেন্সিয়েল লৈ হায়না শ্রী অমিত শাহনা ফোংদোকখি৷ ভারত্তা পুথোক্লিবা অপুনবা ৱাগী চাদা ৬০রোমদি অৱাং-নোংপোক্তগীনি অমদি হৌজিক্তি নরেন্দ্র মোদী সরকারনা এগ্রীকল্চরগী স্তেতস ৱাদা পীখ্রে৷ অৱাং-নোংপোক্তা শান্তি লৈহনখিবা, পোলিতিকেল স্তেবিলিতী লৈহনখিবা অমদি অঙাংশিংবু হ্যুমেন রিসোর্সশিং ওইনা ত্রেন তৌদুনা থম্নবা ইন্সতিত্যুত কয়া অমা এজুকেসনগীদমক শেমগৎখিবা অসিনা খ্বাইদগী মরু ওইবা ৱাফম ওইরি৷

মশা মরোমদোম লেপচবা ঙম্বা ভারত অমগী মংলান প্রধান মন্ত্রীগী লৈ হায়না কেন্দ্রগী গৃহ অমসুং কোওপরেসন মন্ত্রীনা ফোংদোকখি৷ অজাদি কা অমিৃত মহোতসবকী চহিদা ঐখোয়না লৈরি অমসুং নিং-খা তম্বগী চহি ১০০দা নুংঙাইবা ফোংদোক্কদৌরিবা মীওইশিংগী লম্বী ঐখোয়না শেমগদবনি৷ লৈবাক অসি মপুং ফানা চাওখৎপা পুরক্কে হায়রবদি, লৈবাক অসিগী মফম খুদিংমক চাং মান্ননা চাওখৎহনগদবনি৷ চহি ৭তা, অৱাং-নোংপোক্তা কেপিতেল থাদনবগী তঙাই ফদ্রিবা এনবাইরোনমেন্তদ মখল অদু ঐখোয়না শেমখ্রে হায়না মহাক্না ফোংদোকখি৷ আই.সি.সি. অমসুংম মহাক্কী মেম্বরশিংদা হায়জরদুনা, অৱাং-নোংপোক্তা মখোয়না তোঙানবা পর্সপেক্তিব অমদগী য়েংগদবনি, লাক্লিবা অহোংবা অদু খঙগদবনি অমসুং ইনবেস্ত তৌগদবনি হায়না মহাক্না ফোংদোকখি৷ অৱাং-নোংপোক্তা শেল থাদনবগী, শক্তি লৈহন্নবগী, লৈবাক অসিদা লৈরিবা অতোপ্পা মফমশিংগা শম্নহন্নবগী অমসুং মহাক্কী দিবেলপমেন্ত প্রমোত তৌনবগী মতম অদু লাক্লে৷ প্রধান মন্ত্রীনা পাম্লিবা দিবেলপমেন্ত অসি পুরকপা ঙম্নবা হোৎনবা হায়বসি ঐখোয় পুম্নমক্কী থৌদাংনি৷ অজাদি কা অমিৃত মহোতসবকী চহিদা, অৱাং-নোংপোক্কী চাওখৎ-থৌরাংদা ঐখোয়না শরুক য়াগনি হায়না ঐখোয়না পুম্নমক্না লেপ্লসি৷

 ******



(Release ID: 1775264) Visitor Counter : 23