ایسوسی ایشن آف ورلڈ الیکشن باڈیز (اے- ڈبلیو ای بی) یعنی  عالمی انتخابی اداروں  کی تنظیم ، دنیا بھر میں الیکشن مینجمنٹ باڈیز (ای ایم بیز) یعنی  چناؤ کے بندوبست سے متعلق اداروں  کی سب سے بڑی تنظیم  ہے جس میں 117 ای ایم بی بطور رکن  اور 16 علاقائی تنظیمیں  /ادارے   بطور ایسوسی ایٹ رکن  ہیں۔ الیکشن کمیشن آف انڈیا 3 ستمبر 2019 سے تین سال کی مدت کے لیے اے – ڈبلیو ای بی کا سربراہ ہے۔ اے- ڈبلیو ای بی کی صدارت  کے دو سال مکمل ہونے کے موقع پر، الیکشن کمیشن آف انڈیا 26 نومبر 2021 کو ایک بین الاقوامی ویبنار کا انعقاد کر رہا ہے ،جس کا موضوع ہے ’خواتین، معذور افراد (پی ڈبلیو ڈیز) اور بزرگ شہریوں  پر مشتمل ووٹروں کے  چناؤ عمل میں  شرکت کو بڑھانا: بہترین طور طریقوں اور نئے اقدامات  کو مشترک کرنا ‘ہے۔

بنگلہ دیش، بھوٹان، کمبوڈیا، ایتھوپیا، فجی، جارجیا، قزاقستان، جمہوریہ کوریا، لائبیریا، ملاوی، ماریشس، منگولیا، فلپائن، رومانیہ، روس، ساؤ ٹوم اور پرنسپی، سولومن جزائر، جنوبی افریقہ، سری لنکا، سورینام، تائیوان، ازبکستان، یمن اور زامبیا  پر مشتمل  دنیا کے 24 ممالک سے تقریباً 100  مندوبین اور 4 بین الاقوامی تنظیمیں - انٹرنیشنل آئیڈیا، انٹرنیشنل فاؤنڈیشن آف الیکٹورل سسٹمز (آئی ایف ای ایس)، ایسوسی ایشن آف ورلڈ الیکشن باڈیز(اے- ڈبلیو ای بی) اور یورپی سینٹر  فار الیکشن  اس ویبنار میں  حصہ لے  رہے ہیں ۔

اُزبکستان کے سفیر اور فجی، مالدیپ، ماریشس کے ہائی کمشنرز سمیت تقریباً 20 سفارت کار کا بھی  اس ویبنار میں شرکت کرنے  کا پروگرام  ہے۔

ویبنار میں، خواتین، معذور افراد (پی ڈبلیو ڈیز)  اور بزرگ شہریوں پر مشتمل ووٹروں  کے چناؤ میں  حصہ  لینے کو بڑھانے کے لیے ان کی طرف سے کئے گئے بہترین طور طریقوں اور اقدامات پر شرکت کرنے والے الیکشن مینجمنٹ باڈیز (ای ایم بیز)  اور تنظیموں کے ذریعے پرزنٹیشن پیش کئے جائیں گے۔ پہلے اجلاس   کی صدارت بھارت کے چیف الیکشن کمشنر جناب سشیل چندرا  اور   ماریشس کے الیکٹورل کمشنر عزت مآب جناب  محمد عرفان عبدالرحمٰن اور بنگلہ  دیش  کے اعلیٰ  چناؤ کمشنر  عزت مآب  جناب کے ایم نورالہدیٰ  مشترکہ  طور پر کریں گے۔

دوسرے اجلاس  کی صدارت الیکشن کمشنر شری راجیو کمار اور  بھوٹان کے  الیکشن کمیشن کے کمشنر عزت مآب  جناب  داشو یوگین چیوانگ مشترکہ طور پر کریں گے ۔

تیسرے  اجلاس  کی شریک صدارت الیکشن کمشنر شری انوپ چندر پانڈے  اور سری لنکا کے  الیکشن کمیشن کے  رُکن  عزت مآاب جناب  ایم ایم محمد،  مشترکہ طور پر کریں گے  جبکہ  اختتامی اجلاس سے کیمبرج کانفرنس  آن  الیکٹورل  ڈیموکریسی  کے مشیر  جناب  پیٹر وارڈل، آئی ایف ای ایس کے  پرنسپل مشیر  جناب پیٹر ایربن، جنوبی افریقہ کے الیکشن کمیشن کے چیئر پرسن کے ایما پر  الیکشن کمیشن آف ساؤتھ افریقہ کے کمشنر  اور  اے- ڈبلیو ای بی کے نائب چیئر پرسن ڈاکٹر  نومسا ماسوکو  خطاب کریں گے۔

ویبنار میں تین اشاعتوں  کا اجراء  عمل میں  آئے گا: اے- ڈبلیو ای بی انڈیا جرنل آف الیکشنز  کااکتوبر 2021 کا شمارہ؛ ’وائس انٹرنیشنل‘ میگزین کا اکتوبر 2021 کا شمارہ اور انتخابات میں خواتین، معذور افراد اور بزرگ شہری  ووٹروں کی شرکت سے متعلق ​​اشاعت۔ اس کے علاوہ، ویبنار میں انتخابات میں  خواتین،معذور افراد  اور بزرگ شہریوں کے لئے  سہولت اور شرکت سے متعلق ایک بین الاقوامی ویڈیو پریزنٹیشن بھی  پیش کیا جائے گا۔

دو  ستمبر 2019 کو بنگلورو میں منعقدہ اے – ڈبلیو ای بی ایگزیکٹیو بورڈ کی میٹنگ میں  لئے گئے  فیصلے کے بعد نئی دہلی میں ایک انڈیا اے- ڈبلیو ای بی سینٹر قائم کیا گیا ہے۔ الیکشن کمیشن آف انڈیا نے عالمی معیار کے دستاویزات، تحقیق اور بہتری طور طریقوں  کے اشتراک  کے لیے ٹریننگ  نیز  اے- ڈبلیو  ای بی کے عہدیداروں  کی صلاحیت سازی کے لئے اس سینٹر کے لیے تمام وسائل فراہم کیے ہیں۔یہ بین الاقوامی ویبنار تمام شرکاء کو خیالات کا تبادلہ کرنے اور خواتین، معذور افراد  اور بزرگ شہری ووٹروں  کی انتخابی شرکت کو بڑھانے کے لیے کیے گئے بہترین طور طریقوں اور اقدامات کے بارے میں ایک دوسرے کے تجربے سے سیکھنے کا ایک اچھا موقع فراہم کرے گا۔

۔۔۔۔۔۔۔۔۔۔۔۔۔۔۔۔۔۔

(ش ح- ع م- ق ر)

U-13273