وزارت خزانہ
مرکزی وزیر خزانہ محترمہ نرملا سیتا رمن نے جموں میں 145 استفادہ کنندگان کو 306 کروڑ روپے کے قرض کی منظوری کے کاغذات سونپے
وزیر خزانہ نے خاتون صنعت کاروں ، ہوٹل اینڈ ٹور اور ٹورزم انڈسٹری کے لئے نئی اسکیموں کا آغاز کیا
Posted On:
23 NOV 2021 4:02PM by PIB Delhi
جموں و کشمیر کے اپنے دورے کے دوسرے دن خزانے اور کارپوریٹ امور کی مرکزی وزیر محترمہ نرملا سیتا رمن نے 145 استفادہ کنندگان کو مختلف بینکوں سے 306 کروڑ روپے کی منظوری کے کاغذات سپرد کئے ۔ ان میں قرص سے متعلق مختلف اسکیموں مثلاً پردھان منتری ایمپلائنمٹ جنریشن پروگرام (پی ایم ای جی پی)، مدرا اسکیم، سیلف ہیلپ گروپ (ایس ایچ جیز)، جوائنٹ لائبلٹی گروپس (جی ایل جیز) وغیرہ کے لئے جاری کئے گئے منظوری نامے شامل ہیں۔
وزیر خزانہ نے جموں و کشمیر کے لئے کئی نئی اسکیموں اور پہلوں کا بھی اعلان کیا جن میں جے اینڈ کے بینک کی تیجسونی اور حوصلہ اسکیمیں ، پنجاب نیشنل بینک (پی این بی) کی شکھر اور شکارا اسکیمیں اور 200 کروڑ روپے کا سڈبی کلسٹر ڈیولپمنٹ فنڈ شامل ہے۔ تیجسونی اسکیم میں 18 سے 35 سال تک کی خواتین کو اپنا کاروبار شروع کرنے کے لئے پانچ لاکھ روپے کی مالی امداد فراہم کرانے پر توجہ مرکوز کی گئی ہے۔ شکھر اسکیم ہوٹل، ٹور اور ٹورزم انڈسٹری کے لئے دو کروڑ روپے تک کی قرض کی ضرورتوں کو پورا کرنے پر مرکوز ہے۔ شکارا اسکیم کے تحت وادی کشمیر میں شکارا خریدنے / مرمت کرانے کے لئے 15 لاکھ روپے تک کا قرض دیا جائے گا۔
محترمہ سیتا رمن نے شوپیاں اور بارہمولہ میں رولر سیلف ایمپلائمنٹ ٹریننگ انسٹی ٹیوٹس (آر ایس ای ٹی آئی) بلڈنگ کا سنگ بنیاد بھی رکھا اور ریاسی ضلع میں سلال، بگّا اور بدھان کی جے اینڈ کے برانچوں کا افتتاح بھی کیا۔نابارڈ کے تحت پانچ ایف پی اوز کو رجسٹریشن سرٹی فکیٹ دیئے گئے اور آشا ایس ایچ جی کو رولر مارٹ کی منظوری کے کاغذات دیئے گئے۔
محترمہ سیتا رمن نے مرکز کے زیر انتظام خطے جموں و کشمیر کی بینکرز کمیٹی کے ذریعہ منعقدہ کئی تقریبات میں بھی شرکت کی جو کہ جنرل روزاور سنگھ آڈیٹوریم کمپلکس، یونیورسٹی آف جموں میں منعقد کی گئی۔ اس تقریب میں جموں و کشمیر کے لیفٹننٹ گورنر جناب منوج سنہا نے مالیاتی خدمات کے محکمے اور جموں و کشمیر انتظامیہ کے کئی سینئر افسران کے ساتھ شرکت کی۔ جموں و کشمیر کے چیف سکریٹری نے استقبالیہ خطبہ دیا اور خطے کی اقتصادی ترقی کے لئے انتظامیہ کے ذریعہ کی جانے والی کوششوں سے حاضرین کو واقف کرایا۔
یہ اعلان بھی کیا گیا کہ جموں و کشمیر کے لئے نابارڈ رولر انفرا اسٹرکچر ڈیولپمنٹ فنڈ کے تحت اپنی عہد بندی کی رقم کی 787 کروڑ روپے سے بڑھاکر 1500 کروڑ روپے کررہا ہے جس سے تیز رفتار اقتصادی ترقی کے لئے دیہی بنیادی ڈھانچے تیار کرنے میں مدد ملے گی۔ اقتصادی ترقی کی رفتار کو تیز کرنے کے لئے بینک بھی جموں و کشمیر کے لئے اپنی قرض کی سطح گزشتہ سال کے 14735 کروڑ روپے سے بڑھاکر رواں مالی سال میں 16000 کروڑ روپے کریں گے۔
وزیر خزانہ نے جموں و کشمیر بینک، ایس بی آئی، پی این بی، جے اینڈ کے گرامین بینک اور نابارڈ کے استفادہ کنندگان سے بات چیت کی اور بینک قرضوں کے ذریعہ ان کے صنعتی سفر میں کایا پلٹ کے جو اثرات مرتب ہوئے ہیں، ان کے بارے میں پوچھ گچھ کی۔ وزیر خزانہ نے صنعت کاروں کے ذریعہ تیار کردہ مصنوعات میں بھی دلچسپی ظاہر کی۔
۔۔۔۔۔۔۔۔۔۔۔
ش ح۔ ا گ۔ن ا۔
U-13193
(Release ID: 1774335)
Visitor Counter : 167