ଆଜାଦୀ କା ଅମ୍ରିତ ମହୋତ୍ସବର ଅଂଶସ୍ୱରୂପ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭୋପାଳଠାରେ ଜନଜାତୀୟ ଗୌରବ ଦିବସ ଅବସରରେ ଗତ ୧୫ତାରିଖ ଦିନ ୫୦ଟି ଏକଲବ୍ୟ ବିଦ୍ୟାଳୟର ଶିଳାନ୍ୟାସ ଭର୍ଚୁଆଲ ମୋଡରେ କରିଛନ୍ତି । ଏହାଫଳରେ ଏହି ବିଦ୍ୟାଳୟଗୁଡିକର  ନିର୍ମାଣ କାର୍ଯ୍ୟ ଦ୍ରୁତତର ହୋଇଛି । ଏହି ବିଦ୍ୟାଳୟଗୁଡିକ ସାତଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର ୨୬ଟି ଜିଲ୍ଲାରେ ପ୍ରତିଷ୍ଠା ହେଉଛି ।

ଏ ସମ୍ପର୍କରେ ଆଲୋକପାତ କରି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଦେଶବ୍ୟାପୀ ୭୪୦ଟି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ସ୍ଥାପିତ ହେବ । ଶତକଡା ୫୦ଭାଗରୁ ଅଧିକ ଜନଜାତୀୟ ଜନସଂଖ୍ୟା ଥିବା ପ୍ରତ୍ୟେକ  ବ୍ଲକ ଓ ଅନୂନ୍ୟ ୨୦ହଜାର ଜନଜାତି ଜନସଂଖ୍ୟା ଥିଲେ ଏହିଭଳି ବିଦ୍ୟାଳୟ ସ୍ଥାପିତ ହେବ । ୫୦ଟି ବିଦ୍ୟାଳୟ ମଧ୍ୟରୁ ଝାଡଖଣ୍ଡରେ ୨୦, ଓଡିଶାରେ ୧୫, ଆନ୍ଧ୍ରପ୍ରଦେଶ ଓ ଛତିଶଗଡରେ ଚାରିଟି ଲେଖାଏଁ, ମହାରାଷ୍ଟ୍ର ୩ଟି, ମଧ୍ୟପ୍ରଦେଶ ଓ ତ୍ରିପୁରାରରେ ଗୋଟିଏ କରି ଏବଂ ଦ୍ରାଦ୍ରା ଓ ନଗରହାବେଳୀରେ ଗୋଟିଏ ବିଦ୍ୟାଳୟ ରହିଛି । ଏହି ବିଦ୍ୟାଳୟଗୁଡିକ ଦୁର୍ଗମ ପାର୍ବତ୍ୟାଂଚଳରେ ଥିବାରୁ ଦେଶର ଜନଜାତୀୟ ଲୋକଙ୍କ ପିଲାମାନେ ଏହାର ସୁବିଧା ପାଇବେ ।

ପ୍ରଧାନମନ୍ତ୍ରୀଙ୍କ ଦ୍ୱାରା ଶିଳାନ୍ୟାସ ସମାରୋରେ ଅନେକ ଗଣ୍ୟମାନ୍ୟ ଅତିଥି ଯୋଗେଦେଇଥିବାବେଳେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା । ୨୦ଟି ବିଦ୍ୟାଳୟ ଶିଳାନ୍ୟାସ ହୋଇଥିବା ଝାଡଖଣ୍ଡରେ କେନ୍ଦ୍ର ଜନଜାତି ବ୍ୟାପାରମନ୍ତ୍ରୀ ଶ୍ରୀ ଅର୍ଜୁନ ମୁଣ୍ଡା ଉପସ୍ଥିତ ଥିଲେ । ଛତିଶଗଡର ସରଗୁଜା ଜିଲ୍ଲା ବାତୈଲୀ ବ୍ଲକରେ ଆୟୋଜିତ ସମାରୋହରେ ରାଜ୍ୟ ଜନଜାତି ବ୍ୟାପାର ମନ୍ତ୍ରୀ ଶ୍ରୀମତୀ ରେଣୁକା ସିଂ ସାରୁତା ଯୋଗଦେଇଥିଲେ ।

*****

 SM / SLP