ایکلویہ اسکولوں کی تعمیراتی مہم کو اس وقت بڑا فروغ ملا جب وزیر اعظم جناب نریندر مودی نے 15 نومبر 2021 کو ورچوئل طور پر بھوپال سے آزادی کا امرت مہوتسو کے حصے کے طور پر ’جن جاتیہ گورو دیوس‘ پر 50 اسکولوں کا سنگ بنیاد رکھا۔ یہ اسکول 7 ریاستوں اور 1 مرکز زیر انتظام علاقے کے 26 اضلاع میں قائم کیے جا رہے ہیں۔

جناب نریندر مودی نے ان اسکولوں کی اہمیت کو اجاگر کرتے ہوئے کہا کہ ہندوستان بھر میں 740 ایکلویہ ماڈل رہائشی اسکول قائم کیے جائیں گے۔ 50 فیصد سے زیادہ ایس ٹی آبادی اور کم از کم 20,000 قبائلی افراد والے ہر بلاک کے لیے ایسے اسکول ہوں گے۔ ان 50 اسکولوں میں سے 20 اسکول جھارکھنڈ میں، 15 اڈیشہ میں، 4 آندھرا پردیش اور چھتیس گڑھ میں، 3 مہاراشٹر میں، 2 مدھیہ پردیش میں اور 1 ایک تریپورہ اور دادرا اور نگر حویلی میں واقع ہیں۔ یہ اسکول ملک کے پہاڑی اور جنگلاتی علاقوں میں واقع ہیں اور ملک کے دور دراز علاقوں میں رہنے والے قبائلیوں کے بچوں کو فائدہ پہنچاتے ہیں۔

وزیر اعظم کی طرف سے سنگ بنیاد رکھنے کی تقریب میں اہم مقامات پر معززین کی موجودگی دیکھی گئی اور دھوم دھام کے ساتھ ثقافتی پروگرام پیش کیے گئے۔ قبائلی امور کے وزیر، جناب ارجن منڈا جھارکھنڈ سے افتتاحی تقریب میں شامل ہوئے، جہاں 20 اسکولوں کا افتتاح کیا گیا۔ اس موقع پر چھتیس گڑھ میں، محترمہ رینوکا سنگھ سروتا، قبائلی امور کی ریاستی وزیر، چھتیس گڑھ کے سرگوجا ضلع کے بٹولی بلاک میں ای ایم آر ایس سائٹ پر موجود تھیں۔

                                               **************

ش ح۔ ف ش ع- ف ک   

U: 13070