కేంద్ర సహాయ మంత్రి (స్వతంత్ర బాధ్యత) సైన్స్ & టెక్నాలజీ; సహాయ మంత్రి (స్వతంత్ర బాధ్యత) ఎర్త్ సైన్సెస్; ఎంఓఎస్ పిఎంఓ, పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ మరియు స్పేస్ డాక్టర్ జితేంద్ర సింగ్ ఈరోజు ఆజాదీ కా అమృత్ మహోత్సవ్‌లో భాగంగా "టెక్ నీవ్‌@75"ని ప్రారంభించారు. జనజాతీయ గౌరవ్ దివస్ సందర్భంగా గిరిజన వర్గాలతో పాటు విజయవంతమైన స్టార్టప్‌లతో సంభాషించారు.

నవంబర్ 15వ తేదీన భగవాన్ బిర్సా ముండా జన్మదినాన్ని 'జనజాతీయ గౌరవ్ దివాస్‌'గా జరుపుకోవాలన్న ప్రధానమంత్రి చారిత్రాత్మక నిర్ణయాన్ని ప్రస్తావిస్తూ దేశంలోని వివిధ ప్రాంతాల్లో ప్రభుత్వం 30 సైన్స్ టెక్నాలజీ మరియు ఇన్నోవేషన్ (ఎస్‌టిఐ) హబ్‌లను ఏర్పాటు చేయనుందని డాక్టర్ జితేంద్ర సింగ్ తెలిపారు. గిరిజన వర్గాలలో శాస్త్రీయ ప్రతిభను ప్రోత్సహించడానికి మరియు వారి సామాజిక-ఆర్థిక అభివృద్ధికి 2022 చివరి నాటికి షెడ్యూల్డ్ తెగల (ఎస్‌టిలు) కోసం ఇవి ఏర్పాటు కానున్నాయి. ఎస్సీ/ఎస్టీల కోసం 75 ప్రతిపాదిత ఎస్‌టిఐ హబ్‌లలో 20 ఇప్పటికే సైన్స్ అండ్ టెక్నాలజీ విభాగం ద్వారా స్థాపించబడిందని, వ్యవసాయం, వ్యవసాయేతర మరియు ఇతర అనుబంధ జీవనోపాధి రంగాల్లో వివిధ జోక్యాల ద్వారా 20,000 మందికి నేరుగా ప్రయోజనం చేకూరుతుందని ఆయన తెలిపారు.

గ్లోబల్ ఇన్నోవేషన్ ఇండెక్స్ (జీఐఐ)లో భారతదేశం యొక్క పెరుగుతున్న పథాన్ని కూడా డాక్టర్ జితేంద్ర సింగ్ పునరుద్ఘాటించారు. మరియు కొవిడ్-19 ప్రభావాలు ఉన్నప్పటికీ పరిశోధన మరియు అభివృద్ధి (ఆర్‌ అండ్‌ డి) విభాగంపై పెట్టిన వ్యయం కారణంగా గ్లోబల్ ఇన్నోవేషన్ ఇండెక్స్‌లో దేశం స్థానం  46కి మెరుగుపడిందని తెలిపారు. ఆవిష్కరణలు, శాస్త్రీయ పెట్టుబడులలో పెరుగుతున్న ఇన్నోవేటివ్ ఎకానమీలలో భారతదేశం యొక్క స్థానాన్ని సుస్థిరం చేసిందని మంత్రి తెలిపారు.

2014లో నరేంద్ర మోదీ అధికారంలోకి వచ్చినప్పటి నుండి  భారతదేశం గ్లోబల్ ఇన్నోవేషన్ ఇండెక్స్ (జీఐఐ) లో స్థానం మెరుగుపర్చుకుంటోందని మంత్రి తెలిపారు. 2015 లో 81వ స్థానంలో ఉండగా 2021 లో అది 46వ ర్యాంకింగ్‌కు మెరుగుపడింది. డిపార్ట్‌మెంట్ ఆఫ్ స్పేస్, డిపార్ట్‌మెంట్ ఆఫ్ అటామిక్ ఎనర్జీ, డిపార్ట్‌మెంట్ ఆఫ్ సైన్స్ & టెక్నాలజీ మరియు డిపార్ట్‌మెంట్ ఆఫ్ బయోటెక్నాలజీ భారతదేశం యొక్క గ్లోబల్ ర్యాంకింగ్‌ను మెరుగుపరచడంలో కీలక పాత్ర పోషించాయి.

డాక్టర్ జితేంద్ర సింగ్ మాట్లాడుతూ "టెక్ నీవ్ @ 75" అనేది సమానమైన సమ్మిళిత ఆర్థిక వృద్ధిని సృష్టించడానికి కమ్యూనిటీని సాధికారపరచడంలో సైన్స్ టెక్నాలజీ ఇన్నోవేషన్ (ఎస్‌టిఐ) యొక్క ప్రభావాన్ని హైలైట్ చేస్తూ ఒక సంవత్సరం పాటు జరుపుకునే వేడుక అని చెప్పారు. 75 గంటల కార్యక్రమంలో లబ్ధిదారుల అనుభవాన్ని పంచుకోవడం, కమ్యూనిటీ మార్పు నాయకులు, సామాజిక మార్పు చేసేవారి సమ్మేళనం మరియు వివిధ వాటాదారుల రౌండ్ టేబుల్ చర్చలు ఉన్నాయి, అలాగే ఆత్మ నిర్భర్ భారత్ వైపు భారతదేశం యొక్క పురోగతిపై 75 ప్రభావవంతమైన కథనాలను సంకలనం చేయబడ్డాయి.

మంత్రి మాట్లాడుతూ, "టెక్ నీవ్‌@75" అనేది ల్యాబ్ పరిశోధన మరియు సాంప్రదాయ, స్థానిక మరియు స్వదేశీ పరిజ్ఞానంతో సినర్జీలను నిర్మించే అవకాశాలకు దారితీస్తుందని ఇది స్థితిస్థాపక సమాజాలను నిర్మించడంలో దోహదపడే కొత్త శాస్త్రీయ పరిణామాలకు దారితీస్తుందని అన్నారు. దేశం అంతటా మెరుగైన జీవనోపాధి ఫలితాల కోసం ఎస్‌టిఐని స్వీకరించడానికి సమాజంలో వేయబడిన బలమైన పునాదిని ప్రదర్శించడానికి సైన్స్ & టెక్నాలజీ మంత్రిత్వ శాఖ మరియు భూ శాస్త్రాల మంత్రిత్వ శాఖ యొక్క సరైన మరియు సమయానుకూల చొరవ అని ఆయన అన్నారు.

ప్రధానమంత్రి పిలుపునిచ్చిన న్యూ ఇండియా నినాదం 'జై జవాన్, జై కిసాన్, జై విజ్ఞాన్, జై అనుసంధాన్' గురించి డాక్టర్ జితేంద్ర సింగ్ ప్రస్తావిస్తూ పేదవారి జీవితాన్ని మార్చడంలో మరియు సరసమైన సాంకేతిక పరిజ్ఞానాన్ని అభివృద్ధి చేయడంలో సైన్స్ అండ్ టెక్నాలజీ యొక్క ప్రాముఖ్యతను  ప్రతిధ్వనిస్తుందని తెలిపారు.  గత ఏడేళ్లలో స్పీడ్, స్కేల్ మరియు స్పెక్ట్రమ్ ఆఫ్ ట్రాన్స్‌ఫర్మేషన్ ప్రపంచంలోనే అత్యంత వేగంగా అభివృద్ధి చెందుతున్న పెద్ద ఆర్థిక వ్యవస్థగా భారత్‌ను నిలబెట్టిందని ఆయన అన్నారు.

"వోకల్ ఫర్ లోకల్" థీమ్‌పై డాక్టర్ జితేంద్ర సింగ్ మాట్లాడుతూ సైన్స్ సార్వత్రికమైనప్పటికీ, సరసమైన ఆరోగ్య సంరక్షణ, గృహనిర్మాణం, స్వచ్ఛమైన గాలి, నీరు మరియు ఇంధనం, వ్యవసాయ ఉత్పాదకత సమస్యలను పరిష్కరించడానికి స్థానిక అవసరాలు మరియు పరిస్థితులకు సంబంధించిన పరిష్కారాలను అందించడానికి సాంకేతికత తప్పనిసరిగా స్థానికంగా ఉండాలని చెప్పారు. సాధారణ మనిషికి మెరుగైన జీవన నాణ్యత మరియు జీవన సౌలభ్యం కోసం ఫుడ్ ప్రాసెసింగ్ మొదలైనవి అవసరమన్నారు. సుస్థిర అభివృద్ధి కోసం సైన్స్, టెక్నాలజీ మరియు ఇన్నోవేషన్‌ల సామర్థ్యాన్ని వినియోగించుకోవడంలో కమ్యూనిటీ యొక్క సామర్థ్యాలు మరియు సామర్థ్యాలను పెంపొందించుకోవడం తక్షణ అవసరం అని ఆయన అన్నారు.

మంత్రిత్వ శాఖలోని వివిధ కార్యక్రమాలకు సంబంధించిన పలువురు లబ్ధిదారులు/స్టేక్‌హోల్డర్‌ల నుండి వచ్చిన ఫీడ్‌బ్యాక్ మూలస్తంభాలలో ఒకటైన టెక్నాలజీ ఆధారిత వ్యవస్థకు బలమైన పునాది వేయడంలో దేశ శాస్త్రవేత్తలు చేసిన శ్రేష్టమైన ప్రయత్నాలకు నిదర్శనమని డాక్టర్ జితేంద్ర సింగ్ తెలియజేశారు. ఆత్మ నిర్భర్ భారత్ దిశగా  స్థిరమైన జీవనోపాధిని సృష్టించడం మరియు సాంకేతికతతో కూడిన సామాజిక వ్యవస్థాపకత కోసం తమలో తాము స్థిరంగా ఉండే ఎస్‌టిఐలు అవసరమని తెలియజేశారు. లబ్ధిదారులు మరియు తయారీదారులు చూపిన విశ్వాసం మరియు సామర్థ్యాలు స్వావలంబన భారత్‌ను నిర్మించడంలో గ్రామీణ భారతదేశం యొక్క సామర్థ్యాలను ప్రదర్శిస్తాయని ఆయన అన్నారు.

 

<><><><><>