প্রধানমন্ত্রীগী লোইশঙ
পি.এম.না আর.বি.আই.গী অনৌবা কস্তমর সেন্ত্রিক ওইবা থৌশিল অনি হৌদোকখ্রে
“দেমোক্রেসীগী খ্বাইদগী অচৌবা মাইপাকশিংগী মনুংদা মাগী গ্রীভান্স রিদ্রেসেল সিস্তেম মপাঙ্গল কনখৎহনবা অসি অমনি। ইন্তিগ্রেতেদ ওম্বদসমেন স্কীম অসিনা মাইকৈ অসিদা চাউনা মতেং ওইরগনি”
“রিতেল দাইরেক্ত স্কীমনা শেন্মীৎলোন্দা মীপুম খুদিংমক্তা ইনক্লুজন ফংহনবদা মপাঙ্গল হাপ্লগনি মরমদি মসিনা মিদল ক্লাস, কর্মচারীশিং, অপীকপা ললোন-ইতিক তৌবা মীওইশিং অমসুং সিনিয়র সিতিজেনশিংবু মখোয়গী অপীকপা সেভিংশিং অদুগা লোয়ননা হকথেংননা অমসুং শাফবা মওংদা সরকারগী সেক্যুরিতীশিংদা পুরকপা ঙম্লগনি”
“সরকারগী খোঙথাংশিং অসিনা মরম ওইরগা বেঙ্কশিংগী গভর্নান্স ফগৎলক্লি অমসুং দিপোজিতরশিংগী মরক্তা সিস্তেম অসিদা থাজবা থম্বা হেন্না হেনগৎলক্লি”
“আর.বি.আই.গী ৱারেপশিংনসু নৌনা সরকারনা লৌখিবা অচৌবা ৱারেপশিংগী শাফু হেনগৎহনবদা মতেং ওইখি”
“চহি ৬-৭ ফাওবগী মমাংদা বেঙ্কিং, পেন্সন অমসুং ইন্সুরেন্স অসি ভারত্তা অখন্নবা ক্লব অমা ওইনা তৌরম্মি”
“শুপ্নগী চহি ৭ অসিদা ভারতনা দিজিতেল ত্রাঞ্জেক্সনশিংগী ওইনা শরুক ১৯ হেনগৎখি। ঙসি ঐখোয়গী বেঙ্কিং সিস্তেম অসি পুং ২৪, নুমিৎ ৭নি অমসুং থা ১২ চুপ্না মতম অমা হেক্তদা, লৈবাক অসিগী মফম অমা হেক্তদা মথৌ তৌরি”
Posted On:
12 NOV 2021 11:56AM by PIB Imphal
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা আর.বি.আই.গী অনৌবা কস্তমর সেন্ত্রিক ওইবা থৌশিল অনি মদুদি রিতেল দাইরেক্ত স্কীম অমসুং রিজর্ব বেঙ্ক – ইন্তিগ্রেতেদ ওম্বদসমেন স্কীম হৌদোকখ্রে। থৌরম অসিদা শেল-থুম অমসুং কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারমন অমসুং রিজর্ব বেঙ্ক ওফ ইন্দিয়াগী গভর্নর শ্রী শক্তিকান্ত দাসসু শরুক য়াখ্রে।
থৌরম অসিদা ৱা ঙাংলদুনা প্রধান মন্ত্রীনা শেল-থুম মন্ত্রালয় অমসুং আর.বি.আই.গুম্বা লোয়শঙশিংবু লাইচৎ মনুংদা মখোয়না হোৎনখিবশিং অদুগীদমক থাগৎপা ফোঙদোকখ্রে। প্রধান মন্ত্রীনা হায়খি, “অমৃত মহোৎসবকী মতম অসি, ২১শুবা চহিচাগী দিকেদ অসি লৈবাক্কী চাউখৎ-থৌরাংগী ওইনা য়াম্না মরু ওই। অসিগুম্বা ফীভম অমদা আর.বি.আই.না লৌরিবা থৌদাং অসিসু য়াম্না চাউই। লৈবাক অসিগী অনীংবা-অপাম্বশিং অদু তীম আর.বি.আই.না থুংহনগনি হায়না ঐহাক্না চেৎনা থাজৈ”।
ঙসি হৌদোকখিবা স্কীম অনি অদুবু পল্লদুনা প্রধান মন্ত্রীনা হায়খি স্কীমশিং অসিনা লৈবাক্কী ইনভেস্তমেন্তগী হীরম পাকথোক-চাউথোকহল্লগনি অমদি কেপিতেল মার্কেতশিংদা লায়না, হেন্না শাফবা মওংদা ইনভেস্তরশিংনা এক্সেস তৌবা ফংহল্লগনি। রিতেল দাইরেক্ত স্কীম অসিনা লৈবাক্কী অপীকপা ইনভেস্তরশিংদা সরকারগী সেক্যুরিতীশিংদা লায়না অমসুং শাফনা ইনভেস্তমেন্ত তৌনবা পাম্বৈ অমা পীরি। মসিগা চপ মান্নবা মওংদা ৱন নেসন, ৱন ওম্বদসমেন স্কীম অসি ঙসি ইন্তিগ্রেতেদ ওম্বদসমেন স্কীমগা লোয়ননা বেঙ্কিং সেক্তরদা শক্লোন লৌরি, হায়না মহাক্না ফোঙদোকখ্রে।
প্রধান মন্ত্রীনা স্কীমশিং অসিগী সিতিজেন সেন্ত্রিক ওইবা মওং-মতৌ অদুদা মীৎয়েং চংখি। মহাক্না হায়খি দেমোক্রেসীগী খ্বাইদগী অচৌবা মাইপাকশিংগী মনুংদা মাগী গ্রীভান্স রিদ্রেসেল সিস্তেম মপাঙ্গল কনখৎহনবা অসি অমনি। ইন্তিগ্রেতেদ ওম্বদসমেন স্কীম অসিনা মাইকৈ অসিদা চাউনা মতেং ওইরগনি। চপ মান্ননা রিতেল দাইরেক্ত স্কীমনা শেন্মীৎলোন্দা মীপুম খুদিংমক্তা ইনক্লুজন ফংহনবদা মপাঙ্গল হাপ্লগনি মরমদি মসিনা মিদল ক্লাস, কর্মচারীশিং, অপিকপা ললোন-ইতিক তৌবা মীওইশিং অমসুং সিনিয়র সিতিজেনশিংবু মখোয়গী অপীকপা সেভিংশিং অদুগা লোয়ননা হকথেংননা অমসুং শাফবা মওংদা সরকারগী সেক্যুরিতীশিংদা পুরকপা ঙম্লগনি। সরকারগী সেক্যুরিতীশিং অসিনা গরেন্তী লৈবা সেতলমেন্তগী প্রোভিজন লৈবনা মরম ওইরগা মসিনা অপীকপা ইনভেস্তরশিংদা খুদোংথিনীংঙাই ওইদবগী থাজবা পীবা ঙম্মি, হায়না মহাক্না ফোঙদোকখ্রে।
প্রধান মন্ত্রীনা হায়খি হৌখিবা চহি ৭তা ত্রান্সপরেন্সীগা লোয়ননা এন.পি.এ.শিং মশক খঙদোকখি, রিজোলুসন অমসুং রিকভরীদা মীৎয়েং চংখি, পব্লিক সেক্তর বেঙ্কশিং অমুক হন্না কেপিতেলাইজ তৌখি, ফাইনান্সিএল সিস্তেম অমসুং পব্লিক সেক্তর বেঙ্কশিংদা রিফোর্ম মথং-মথং পুরকখি। মহাক্না মখা তারদুনা হায়, বেঙ্কিং সেক্তর মপাঙ্গল কনখৎহন্নবা কোওপরেতিব বেঙ্কশিং অসি আর.বি.আই.গী মীৎয়েং মখাদা থমখি। মসিনা মরম ওইরগা বেঙ্কশিংগী গভর্নান্স ফগৎলক্লি অমসুং দিপোজিতরশিংগী মরক্তা সিস্তেম অসিদা থাজবা থম্বা হেন্না হেনগৎলক্লি, হায়না মহাক্না ফোঙদোকখ্রে।
প্রধান মন্ত্রীনা হায় হৌখিবা চহি খরা অসিদা লৈবাক অসিগী বেঙ্কিং সেক্তরদা ফাইনান্সিএল সেক্তরদা ইনক্লুজনদগী তেক্নোলোজীকেল ইন্তিগ্রেসন অমসুং অতোপ্পা রিফোর্মশিং পুরকখি। মহাক্না হায়, “ঐখোয়না মখোয়গী মপাঙ্গল অদু কোবিদকী অৱাবা মতমদা উবা ফংখি। আর.বি.আই.গী ৱারেপশিংনসু নৌনা সরকারনা লৌখিবা অচৌবা ৱারেপশিংগী শাফু হেনগৎহনবদা মতেং ওইখি”।
প্রধান মন্ত্রীনা হায়খি চহি ৬-৭ ফাওবগী মমাংদা বেঙ্কিং, পেন্সন অমসুং ইন্সুরেন্স অসি ভারত্তা অখন্নবা ক্লব অমা ওইনা তৌরম্মি। খুদোংচাবা পুম্নমক লৈবাক অসিগী মীচম প্রজা, লায়রবা ইমুং, লৌমী, অপীকপা ললোন-ইতিক তৌবা মীওইশিং, নুপী-অঙাং, দলিত – খুদোংচাবা ফংদ্রবা – শোত্থরবা অসিনচিংবদা ফংহল্লমখিদে। মমাংদা লৈরম্বা সিস্তেম অদুবু চৈরদুনা প্রধান মন্ত্রীনা হায়খি খুদোংচাবশিং অসি লায়রবদা য়ৌহন্নবা থৌদাং লৌরিবা মীওইশিংনা মসিদা মীৎয়েং অমত্তা চংলমখিদে। মসিগী মহুৎ অহোংবা পুরক্তবগী তোঙান-তোঙানবা মরমশিং পীখি। বেঙ্ক ব্রাঞ্চ অমত্তা লৈতে, স্তাফ লৈতে, ইন্তর্নেত লৈতে, এৱেরনেস লৈতে, করি মরমশিংনা হায়বগী মরমদা অমত্তা খঙদে হায়না মহাক্না নুংঙাইতবা ফোঙদোকখ্রে।
প্রধান মন্ত্রীনা হায়খি য়ু.পি.আই.না ভারতপু তেল্লবা মতম অসিগী মনুংদা দিজিতেল ত্রাঞ্জেক্সনশিং তৌবদা মালেমগী মাংজিল থারিবা লৈবাক ওইহনখি। শুপ্নগী চহি ৭ অসিদা ভারতনা দিজিতেল ত্রাঞ্জেক্সনশিংগী ওইনা শরুক ১৯ হেনগৎখি। ঙসি ঐখোয়গী বেঙ্কিং সিস্তেম অসি পুং ২৪, নুমিৎ ৭নি অমসুং থা ১২ চুপ্না মতম অমা হেক্তদা, লৈবাক অসিগী মফম অমা হেক্তদা মথৌ তৌরি হায়না শ্রী মোদীনা ফোঙদোকখ্রে।
প্রধান মন্ত্রীনা হায়খি ঐখোয়না লৈবাক অসিগী প্রজাশিংগী মথৌ তাবশিং অদু থুংহনবা হায়বা অসিদা মীৎয়েং থম্বা অমসুং ইনভেস্তরশিংগী থাজবা হেনগৎনবা হোৎনবা তাই। “আর.বি.আই.না সেন্সিতিব ওইবা অমসুং ইনভেস্তর ফ্রেন্দলী দেস্তিনেসন অমা ওইবগী অনৌবা মশক অসি মখা তানা চেৎশিনহনগনি হায়না ঐহাক্না থাজবা থম্লি” হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।
***
(Release ID: 1771306)
Visitor Counter : 262
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam