সাইন্স অমসুং তেক্নোলোজী মন্ত্রালয়
azadi ka amrit mahotsav

কেন্দ্রগী মন্ত্রী দাঃ জিতেন্দ্র সিংহনা অরুনাচল প্রদেশকী তাম্না লৈবা মফম কিমিন্দা অৱাং-নোংপোক্কী ত্রাইবেলগী ওইবা অনৌবা বাইওতেক্নোলোজী সেন্তর অমা শঙ্গাখ্রে

“সেন্তর ফোর বাইও-রিসোর্সেস অমসুং সস্তেনেবল দিবলপমেন্ত” অসিনা রাজ্য অসিদা লৈরিবা ত্রাইবেলশিংগী সোসিও-ইকোনোমীক ফগৎহনবদা মতেং পাংলগনি হায়না হায়খ্রে

দিস্ত্রীক্ত ৪ অমসুং খুঙ্গং ৫০গী মথক্তা কোল্লিবা বাইওতেক্ত অসিনা লাক্কদৌরিবা চহি ২ অসিদা লৌমী ১০,০০০গী মথক্তা কান্নবা ফংহল্লগনি

দাঃ জিতেন্দ্র সিংহনা অরুনাচল প্রদেশতা বাইওতেক্নোলোজীদা দি.বি.তি. ফন্দেদ স্কিল বিগ্যান প্রোগ্রামসু খুৎশিন্নখ্রে

লাইফ সাইন্সেস অমসুং বাইওতেক্নোলোজীদা নহা ওইরিবা গ্রেজুএতশিংগী শিনফমগী লম্বীদা হেন্না লায়থোকহন্নবা স্কিল প্রোগ্রামশিং অমসুং এন্ত্রেপ্রিন্যুরশিপ দিবলপমেন্ত পুখৎপা: দাঃ জিতেন্দ্র সিংহ

Posted On: 09 NOV 2021 2:26PM by PIB Imphal

রাজ্যগী কেন্দ্রগী মন্ত্রী (ইন্দিপেন্দেন্ত চার্জ) সাইন্স অমসুং তেক্নোলোজী, রাজ্যগী মন্ত্রী (ইন্দিপেন্দেন্ত চার্জ) আর্থ সাইন্স; এম.ও.এস. পি.এম.ও., পর্সোন্নেল, পব্লিক গ্রীবেন্সেস, পেন্সনস, এতোমিক ইনর্জি অমসুং স্পেস, দাঃ জিতেন্দ্র সিংহনা ঙসি অরুনাচল প্রদেশকী তাম্না লৈবা মফম কিমিন্দা অৱাং-নোংপোক্কী ত্রাইবেলগী ওইবা অনৌবা বাইওতেক্নোলোজী সেন্তর অমা শঙ্গাখ্রে। মহাক্না হায়খি, “সেন্তর ফোর বাইও-রিসোর্সেস অমসুং সস্তেনেবল দিবলপমেন্ত” অসিনা রাজ্য অসিদা লৈরিবা ত্রাইবেলশিংগী সোসিও-ইকোনোমীক ফগৎহনবদা মতেং পাংলগনি। কেন্দ্রনা পান্দম থম্লিবা অসি লোকেলগী ওইবা বাইও-রিসোর্স অসি বাইওতেক্নোলোজীগী ওইবা খুলায় শিজিন্নদুনা য়োক্তুনা থম্বা অমসুং অতৎ অখম লৈতনা শিজিন্নবা অসিনি অমসুং সাইন্স অমসুং তেক্নোলোজী মিনিস্ত্রীগী বাইওতেক্নোলোজী দিপার্তমেন্তনা হৈ-শিংনা মতেং পাংলি, হায়না মন্ত্রীনা মখা তাখি।  

দাঃ জিতেন্দ্র সিংহনা হায়খি, নরেন্দ্র মোদীনা প্রধান মন্ত্রী হেক ওইরকপদগী, মহাক্কা লৈবাক অসিগী অৱাং-নোংপোক্কী মফমশিং চাউখৎনবা অখন্নবা মিৎয়েং অমা চংলি। মহাক্না হায়খি, হৌখিবা চহি তরেৎ অসিদা, লৌউ শিংউবা, হায়দেল-পাৱর, ইনফ্রাস্ত্রকচর, ইনফোর্মেসন অমসুং কম্ম্যুনিকেসন তেক্নোলজী, তুরিজম লোয়ন-লোয়ননা চান থক্নবগী পোৎলম লিবা, স্কিল দিবলপমেন্ত মার্কেতিং তৌবা অমসুং ঙমখৈ-লান্না ত্রেদ তৌবা য়াওনা লমশিং অসিদা  মশক থোকপা খোঙথাং কয়া অমা পায়খৎখি।

মন্ত্রীনা মসি অমসু মরুওইবা পীদুনা হায়খি মদুদি বাইওতোক্নোলোদী দিপার্তমেন্তনা মফম অসিদা বাইওতেক্নোলোজী রিসর্স চৎথদুনা মফম অসিদা থেংনরিবা অৱা-অনা কয়া অমা কোক্নবা য়াম্না চাউবা থৌদাং অমা লৌরি। 

দাঃ জিতেন্দ্র সিংহনা হায়খি মদুদি “সেন্তর ফোর বাইও-রিসোর্সেস অমসুং সস্তেনেবল দিবলপমেন্ত”না আই.সি.এ.আর., সি.এস.আই.আর. ইন্সতিত্যুসন কয়াগা লোয়ননা অরুনাচল প্রদেশকী রাজ্যদা নহা ওইরিবা এন্ত্রেপ্রিন্যুরশিংদা থবক্কী খুদোংচাবা পীনবা একাদেমিক্কী মরী থম্নবসু লিংখৎখি। প্রোগ্রামশিং অসি হাপ্পগী খুদোংচাবা পীবা অসি অরুনাচল প্রদেশকী দিস্ত্রীক্ত ৪ খুঙ্গং ৫০রোম কোল্লি অমসুং লাক্কদৌরিবা চহি অনিদা লৌমী ১০,০০০গী মথক্তা কান্নবা পীরগনি।

মন্ত্রীনা হায়খি, কেন্দ্রনা মফম অসিগী কান্ননবা মপুং ওইবা প্রোগ্রাম অহুম  হাপ্নবা মিৎয়েং থম্লি। ১) মরুওইনা ওর্কিদ স্পেসিস অসি য়োকখৎনবা অমসুং শন্দোক্নবা লোয়ননা অরুনাচল প্রদেশকী খনগৎলবা দিস্ত্রীক্তশিংদা সেতেলাইত য়ুনিৎ লিংখৎনবা কিমিনগী মরুওইবা সেন্তরদা অহানবা ওইবা ওর্কিদরিয়ম অমা থম্বা, ২) লফু মকুদগী শেৎতোক্তুনা লৌথোক্নবা অমসুং অরুনাচল প্রদেশকী খনগৎলবা মফমশিংদা প্রোসেসিং য়ুনিৎ, অমসুং ৩) মনম নুংশিবা মহৈ-মরোং অমসুং এন্ত্রেপ্রিন্যুরশিপ লোকপা পুক্নিং থৌগৎনবা অরোমা য়ুনিৎ অমা লিংখৎপা।

মন্ত্রীনা খঙহনখি মদুদি মফম অসিদৈ সাইন্তিফিক ওইবা পুখৎনবা, “সেন্তর ফোর বাইও-রিসোর্সেস অমসুং সস্তেনেবল দিবলপমেন্ত”, অরুনাচল প্রদেশকী, পাপম পারে দিস্ত্রীক্তকী, কিমিন্দা জি.ও.আই., বাইওতোক্নোলোজী দিপার্তমেন্তগী মতেং লৌদুনা অরুনাচল প্রদেশ সরকারগী, সাইন্স অমসুং তেক্নোলোজী দিপার্তমেন্তগী, সাইন্স অমসুং তেক্নোলোজীগী স্তেত কাউন্সিন্না লিংখৎখি। কেন্দ্রনা ২০১৮গী, মার্চকী ২৭তা অপুন্বা সেঙসন লুপা কোতি ৫৪.২৩ চহি ৩গী ওইনা কাইথখি। প্রোজেক্ত অসিগী থবকশিং অসি হৌজিক ২০২৩গী সেপ্তেম্বর ২৬ ফাওবা শাংদোকখ্রে।

দাঃ জিতেন্দ্র সিংহনা থৌরম অসিদা অরুনাচল প্রদেশকী রাজ্যদা বাইওতেক্নোলোজীদা দি.বি.তি. ফন্দেদ স্কিল বিগ্যান প্রোগ্রামসু খুৎশিন্নখ্রে। মন্ত্রীনা হায়খি, থৌরম অসি মিনিস্ত্রী ওফ স্কিল দিবলপমেন্ত এন্দ এন্ত্রেপ্রিন্যুরশিপ (এম.এস.দি.ই) অমসুং প্রোগ্রাম অসিদা মতেং পাংলিবা পার্নর ওইবী ইন্সতিত্যুসনগী মখাদা স্কিল দিবলপমেন্ত কাউন্সিলগা লোয়ননা স্কিল ইন্দিয়া মিসনগী মখাদা লৈবনি।

দাঃ জিতেন্দ্র সিংহনা খঙহনখি মদুদি থৌরম অসি স্কিল বিগ্যান চংশিল্লিবা থবকশিং খুমাং চাউশিনবা অমসুং ভারত সরকারগী বিগ্যান খোঙথাংশিং হেন্না খোঙজেল কনখৎনবা হায়রিবা অসিনা নহা ওইরিবা গ্রেজুএতশিংবু লাইফ সাইন্স/বাইওতেক্নোলোজীদা শিনফম অমা লৈবা ঙম্নবা হোৎনরি।

প্রোগ্রাম অসিগী মখাদা তোঙান তোঙানবা ত্রেনিং প্রোগ্রাম মরি হাপ্লি ১) স্তুদেন্ত ত্রেনিং প্রোগ্রাম (এস.তি.পি.), ২) তেক্নিসিয়ান ত্রেনিং প্রোগ্রাম (তি.তি.পি.), ৩) ফেকল্তী ত্রেনিং প্রোগ্রাম (এফ.তি.পি.) অমসুং ৪) এন্ত্রেপ্রিন্যুরশিপ দিবলপমেন্ত প্রোগ্রাম (ই.দি.পি.) অসিনি।   

এন.এস.দি.সি.-এম.এস.দি.ই.গী তোঙান-তোঙানবা স্কিল দিবলপমেন্ত কাউন্সিলস (এস.দি.সি.) অহুম অসি মসিগী ত্রেনিংশিং অসিগী শরুক অমনি অমসুং অরুনাচল প্রদেশকা লোয়ননা অতৈ ইন্সতিত্যুৎশিংগা স্কিল বিগ্যান প্রোগ্রামশিং হাপ্নবগী মতেং পাংনবা এ.পি.এস.সি.এস. অমসুং তি.গা লোয়ননা এম.ও.য়ু. সহি তৌনখ্রে।

<><><>



(Release ID: 1770362) Visitor Counter : 69