నీతి ఆయోగ్ ఈరోజు భారతదేశంలో ఆరోగ్య‌బీమా చ‌ట్రం కింద‌కు రాని మధ్యస్థుల‌కు ఆరోగ్య బీమా అనే పేరుతో ఒక సమగ్ర నివేదికను విడుదల చేసింది, ఇది భారతీయ జనాభా ఆరోగ్య బీమా కవరేజీలో ఉన్న అంతరాలను బయటకు తీసుకొచ్చింది. బీమా ఆరోగ్య క‌వ‌రేజ్‌  పరిస్థితిని పరిష్కరించడానికి గ‌ల వివిధ పరిష్కారాలను సూచించింది. నీతి ఆయోగ్ సీఈవో అమితాబ్ కాంత్, అద‌న‌పు కార్య‌ద‌ర్శి డాక్టర్ రాకేశ్‌ సర్వాల్ సమక్షంలో ఈ నివేదికను ఆవిష్క‌రించారు. నీతి ఆయోగ్ సభ్యుడు డాక్టర్ వి.కె. పాల్, ఈ బీమా నివేదిక ముందుమాట రాశారు. ఇందులో అందరికీ ఆరోగ్య బీమా కవరేజ్ యొక్క ఆవశ్యకతను ఎత్తిచూపుతూ "ఆరోగ్య బీమా వ్యాప్తిని విస్త‌రింప‌జేయ‌డానికి ముఖ్యమైన సవాళ్లను అధిగమించవలసి ఉంటుంది" అని పేర్కొన్నారు.  “ఈ ప్రయత్నంలో ప్రభుత్వం మరియు ప్రైవేట్ రంగం కలిసి రావాల‌ని పేర్కొన్నారు. తప్పిపోయిన మధ్య స్థాయి వారిని చేరుకోవడానికి మరియు ఆకట్టుకునే ఉత్పత్తులను అందించడానికి ప్రైవేట్ రంగ చాతుర్యం మరియు సామర్థ్యం ఎంత‌గానో అవసరమ‌ని పేర్కొన్నారు. వినియోగదారుల అవగాహన, విశ్వాసాన్ని పెంపొందించడం,  ఉత్ప‌త్తుల‌కు ప్రామాణిక‌రించ‌డం,  వినియోగదారుల రక్షణకు త‌గు నియంత్రణను సవరించడం మరియు కార్యాచరణ సామర్థ్యాన్ని మెరుగుపరచడానికి ఒక వేదికను అందించడంలో ప్రభుత్వం ముఖ్యమైన పాత్ర ఉంద‌ని పేర్కొన్నారు.  నీతి ఆయోగ్ సీఈఓ అమితాబ్ కాంత్ మాట్లాడుతూ “ఈ నివేదిక ఆరోగ్యానికి ఆర్థిక రక్షణను పెంచడం.. యూనివర్సల్ హెల్త్ కవరేజ్ యొక్క విస్తృత లక్ష్యంపై సంభాషణను తిరిగి ఉత్తేజపరిచే ప్రయత్నం. ఈ నివేదిక ప్రస్తుత ఆరోగ్య బీమా రంగం,  ఇప్పటికే ఉన్న ఖాళీలను వివరిస్తుంది. ఆరోగ్య బీమా కవరేజీని పెంచడానికి గాను విస్తృత సిఫార్సులు మరియు మార్గాలను వివరిస్తుంది. ఆయుష్మాన్ భారత్ - ప్రధాన్ మంత్రి జన్ ఆరోగ్య యోజన— యూనివర్సల్ ఆరోగ్య బీమా కవరేజీకి సంబంధించిన ప్ర‌ధాన ప‌థ‌కాలు, మరియు రాష్ట్ర ప్రభుత్వ విస్తరణ పథకాలు— జనాభాలో దిగువన ఉన్న 50 శాతం మందికి సమగ్రమైన హాస్పిటలైజేషన్ కవర్‌ను అందిస్తున్నాయి. జనాభాలో దాదాపు 20 శాతం మంది సామాజిక ఆరోగ్య బీమా ద్వారా కవర్ చేయబడుతున్నారు.  ప్రైవేట్ స్వచ్ఛంద ఆరోగ్య బీమా ప్రధానంగా అధిక-ఆదాయ సమూహాల కోసం రూపొందించబడింది. మిగిలిన 30% జనాభా ఎలాంటి ఆరోగ్య బీమా లేని వారు వీరు "మిస్సింగ్ మిడిల్" అని పిలువ‌బ‌డుతున్నారు. మిస్సింగ్ మిడిల్ అన్ని ఖర్చుల క్వింటైల్‌లలో బహుళ సమూహాలను కలిగి ఉంది. ఇది పట్టణ మరియు గ్రామీణ ప్రాంతాలలోనూ విస్తరించి ఉంది. బీమా క‌వ‌రేజ్ కింద‌కు రాని మధ్యస్థుల వారి కోసం తక్కువ-ధర క‌లిగిన సమగ్ర ఆరోగ్య బీమా ఉత్పత్తుల‌ను రూపొందించాల్సిన అవసరాన్ని నివేదిక హైలైట్ చేస్తుంది.  వీరి ఆరోగ్యానికి తక్కువ ఆర్థిక రక్షణ  పాలసీ సమస్యను కూడా గుర్తిస్తుంది. దానిని త‌గిన విధంగా పరిష్కరించడంలో సంభావ్య మార్గంగా ఆరోగ్య బీమాను ప్ర‌ధానంగా వెలుగులోకి తెస్తుంది.  అలా చేయడం ద్వారా.. తప్పిపోయిన మధ్యస్థులకు బీమా కవరేజీని మెరుగుపరచడానికి పరిష్కారాలు మరియు నిర్దిష్ట ఉత్పత్తులపై విస్తృత చర్చలకు నివేదిక ఒక ప్రారంభ బిందువును అందిస్తుంది. నివేదిక విస్తృత పరిశ్రమ మరియు ప్రభుత్వ వాటాదారుల సంప్రదింపులు మరియు సమస్య యొక్క ప్రత్యేకతలు మరియు సంభావ్య పరిష్కారాలను లోతుగా పరిశోధించడానికి వినియోగదారుల సమూహాలతో చర్చలను ప్రతిపాదిస్తుంది.
పూర్తి నివేదికను ఇక్కడ పొంద‌వ‌చ్చు..

***