نئی دہلی، 26 اکتوبر، 2021:

جاری تیوہاری سیزن کے دوران بھارتی ریلوے ، تیوہاروں کو اپنے کنبوں کے ساتھ منانے کے لئے مسافرین کو ان کے آبائی وطن پہنچانے کے سلسلے میں ، مسافرین کے سفر کے لئے خصوصی انتظامات کرکے ، ان کے ساتھ تیوہار کی خوشیاں ساجھا کر رہا ہے۔

اس تیوہاری سیزن کے دوران، ریل مسافرین کی سہولت کے لئے اور مسافرین کی اضافی بھیڑ کو کم کرنے کے لئے، بھارتی ریلوے اس سال درگا پوجا سے چھٹ پوجا تک 110 خصوصی ریل گاڑیوں کے 668 دورے کرا رہا ہے۔ اس کے علاوہ، تیوہاری سیزن کے دوران بھیڑبھاڑ میں نشست کی دستیابی کو یقینی بنانے کے لئے باقاعدہ چلنے والی ریل گاڑیوں میں کوچوں کی تعداد میں اضافہ کیا جا رہا ہے۔

ملک بھر میں ریلوے کے شعبے میں بڑے مقامات کو مربوط کرنے کے لئے خصوصی ریل گاڑیوں کی منصوبہ بندی کی گئی ہے۔

غیر منظم کوچوں میں مسافرین کے ترتیب وار انداز میں داخلے کے لئے آر پی ایف کے زیر نگرانی ٹرمنس اسٹیشنوں پر قطار بناکر بھیڑ قابو میں کرنے کے اقدامات کو یقینی بنایا جا رہا ہے۔

مسافرین کی سلامتی کو یقینی بنانے کے لئے بڑے اسٹیشنوں میں اضافی آر پی ایف عملے کی تعیناتی کی گئی ہے۔ ریل گاڑیوں کی بلارکاوٹ آمدورفت کو یقینی بنانے کے لئے بڑے اسٹیشنوں پر ہنگامی ڈیوٹی کے تحت افسران کی تعیناتی کی گئی ہے۔ ریل گاڑی خدمات کے تعلق سے کسی بھی رکاوٹ کودور کرنے لیے ترجیحی بنیاد پر عملہ تعینات کیا گیا ہے۔

پلیٹ فارم نمبروں کے ساتھ ریل گاڑیوں کے آنے /روانہ ہونے  کے بار بار اور بروقت اعلان کے لئے اقدامات کیے گئے ہیں۔

اہم اسٹیشنوں پر ’’مے آئی ہیلپ یو‘‘ کے بوتھوں کو چالو رکھا گیا ہے ، اس کے علاوہ ان اسٹیشنوں پر مسافرین کی رہنمائی اور ان کو بہتر تعاون فراہم کرنے کے لئے آر پی ایف عملہ اور ٹی ٹی ای حضرات کو بھی تعینات کیا گیا ہے۔

سیٹ چھیننے، اضافی وصولی، اور ٹاؤٹنگ سرگرمی ،وغیرہ جیسی بدعملیوں کی نگرانی سلامتی دستوں اور وجیلانس ڈپارٹمنٹ اسٹاف کے ذریعہ سختی کے ساتھ کی جا رہی ہے۔ انتظارگاہوں ، ریٹائرنگ رومز ، بالخصوص مسافرین کی سہولت والے کمروں اور بالعموم اسٹیشنوں پر، علاقائی صدر دفاتر کے ذریہ صفائی ستھرائی کے انتظام کے لئے ہدایات جاری کی جا رہی ہیں۔

********

ش ح۔اب ن ۔ م ف

U. NO. 12228