হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী, দাঃ ভারতী পরভিন পাৱরনা তি.বি. থেংননবা নৌনা শেমদোক্লবা থৌওংগী মতাংদা দবল্যু.ঐচ.ও. এস.ই.আর.আর.গী ঙসি পাংথোকখিবা অৱাংবা থাক্কী মীফম হৌদোকপদা ৱাফম খরা থমখ্রে।

থৌরম অসিদা ৱা ঙাংবদা, কেন্দ্রগী রাজ্য মন্ত্রীনা মফম ৬কী মনুংদগী খা-নোংপোক এসিয়াগী লমদম্না তি.বি. নাবগী চাং খ্বাইদগী হেল্লি হায়বা ৱাফমদা মিৎয়েং চঙখি। মহাক্না অসুম্না হায়খি, “মসিনা চহি-চা কয়াদগী মী খ্বাইদগী শিবগী মরম ওইদুনা লাক্লি অমসুং হৌজিক্তি লৌনগনবা লাইনাদগী শিবদা ঐচ.আই.ভি./এদস অমসুং মেলেরিয়াদগী শিবদগী মসিদগী শিবনা মশিং য়াম্বা হেল্লে। শিরিবশিং অসিগী মনুংদা, চহি কাংলুপ ১৫-৪৫গী শেন্মিৎলোন শাহৌ লৌবদা খ্বাইদগী ইচঙ থৌনা তেংবাংগদবা মীওইশিংনা মশিং য়াম্বা মরম্না শেন্মিৎলোন অমসুং খুন্নাইদা পামদবা চৈথেং য়াম্না ৱাংনা পীরি। পুন্সি, শেল অমসুং থবক তৌবগী মতম মাঙহনবগী মতাংদা তি.বি. খক্তনা মরম ওইদুনা শেন্মিৎলোন্দা চৈথেং পীবসি চাং য়াম্না ৱাংই”।

তি.বি.দা কোবিদনা চৈথেং পীবশিংদা মিৎয়েং চঙলদুনা, মহাক্না হায়খি, “মালেম অসিনা ইং ২০২০দা কোবিদ-১৯ লাইচৎ থোক্লকপা মাইয়োক্নখি অমসুং মসিনা মীওইবগী পুন্সি, শেন্মিৎলোন অমসুং হকশেলগী পথাপশিংদা মাঙ-তাকহনখি। লাইচৎ অসিনা থা খরখক্তগী মনুংদা ত্যুবর্ক্যুলোসিস লান্থেংনবগী মতাংদা চহি কয়া চঙনা ফংখিবা মাই পাকপশিংবু মনিং হলহনখি”। লাইচৎ অসিনা ঐখোয়না তি.বি. মুত্থৎপা অমসুং মসিগীদমক্তা হোৎনবগী মতাংদা ঐখোয়দা তেংবাংগদবা চাউরবা অমসুং মমল য়াম্লবা পরা কয়াসু তম্বীখি হায়না মহানা মখা তাখি।

ভারত অমসুং ইন্দোনেসিয়াদা ইং ২০২০গী বজেৎকী ৪৩% না লৈবাক্কী রিসোর্স্তগী লাকখিবা ফিভম্না খ্বাইদগী মশক থোকপা ওইখিদুনা তি.বি.গী প্রোগ্রামশিংদা লৈবাক্কী ওইবা রিসোর্স হেন্না শিজিন্নহনখিবা রাজনিতীগী খোঙফম চেৎপবু থৱাই হাপখিবা থৌওংগী মতাংদা মহাক্না মিৎয়েং চঙখি। “তি.বি.গী কেস থোকপগী ই-পাউ লাকপগী চাংসু ২০-৪০% হন্থখি অমসুং কেস থেংনবা হেনগৎপা,  প্রিভেন্তিব ত্রিৎমেন্ত অমসুং সাইকো-সোসিএল সপ্পোর্তকা অখন্ননা মরী লৈনবা আউতরিচ এক্তিভিদসু চৈথেং পীখি। মার্চ ২০১৭কী “কোল ফোর এক্সন”গী থৌওংনা তি.বি. মুত্থৎপগী মাইকৈদা খা-নোংপোক এসিয়াগী মেম্বর রাজ্যশিংগী মনুংদা তি.বি.গী নৌনা শেমদোক্লবা থৌরাং কয়া থবক ওইনা পাংথোকপা ঙমহনখি। ৱাফম অসিমক সেপ্তেম্বর ২০১৮দা য়ু.এন.গী অৱাংবা থাক্কী মীফম (য়ু.এন.ঐচ.এল.এম.)গা মাংওইননা মার্চ ২০১৮গী দিল্লী এন্দ-তি.বি. সম্মিত্তা নৌহৌননা নীংশিংনখি”, হায়না মহাক্না মখা তাখি।

মশক থোকপা মাই-পাকপা ফংলবসু, লমদম অসিনা অপুনবা ওইনা তি.বি. লোইশিনবগী থৌরাংগী ইং ২০২০গী পান্দম য়ৌখিদে অমসুং মসিবু শেমদোক্নবা খুদক্কী থৌওং পাংথোক্ত্রবদি ইং ২০২২গী পান্দমসু ফংবা ঙম্লোই হায়না কেন্দ্রগী রাজ্য মন্ত্রীনা নুংনাংবা ফোংদোকখি। “ইং ২০২৩দা পাংথোক্কদৌরিবা মথংগী য়ু.এন.গী অৱাংবা থাক্কী মীফম অসিগীদমক্তা, ঐখোয়না থবক থৌরমশিংবু য়েংশিনবা অমসুং থৌওংশিংদা অহোংবা পুরকপগী মথৌ তারে। লমদম অসিনা প্রিভেন্তিব, গাইগনোসিস অমসুং লাইয়েংবগী সেবা কয়া পাকথোক চাউথোকহনবা অমসুং তি.বি.না নাহনবা য়াবা মীওইশিংদা অন্দর্ন্যুত্রিসন থোকপা য়াওনা খুন্নাই ঙাকথোকপগী থৌওংসিংবু মওং নাইনা মপাঙ্গল কনখৎহনবগী মথৌ তারে। ঐখোয়না থৌনা লৈবা, মিৎয়েং শানবা অমসুং খোঙফম চেৎপগা লোয়ননা মতিক চাবা রিসোর্সশিংনা ঙাক্লৌ পীবা অনৌবা থৌওং পাংথোকফম থোক্লে। তি.বি. মাইয়োক্নবদা খুমাং চাউশিলহন্নবা দাইগনোস্তিক্স, ভেক্সিন অমসুং হিদাক অনৌবা পুথোকপগী থৌওং য়াঙখৎহনবা, দিজিতেল তেক্নোলোজী, আর্তিফিসিএল ইন্তেল্লিজেন্স অমসুং অতোপ্পা অনৌবা থৌওং কয়া শিজিন্নবগী তঙাই ফদবা লৈরে”, হায়না মহাক্না ফোংদোকখি।

ঐখোয়গী রিসোর্স, রাজনিতীগী খোঙফম চেৎপবু লেঙদনা লৈহন্নবা অমসুং তি.বি. লোইশিন্নবগীদমক্তা মীয়াম খুদিংনা অমত্তা ওইনা পুন্দুনা ঐখোয়গী পাঙ্গলশিং শিজিন্নদুনা হোৎনমিন্নরসি হায়না মহাক্না লোইশিল্লকপদা ফোংদোকখি।

দাঃ তেদ্রোস অধানোম ঘেব্রেসিয়স, দবল্যু.ঐচ.ও.গী দাইরেক্তর জেনেরেল; দাঃ সুমন রিজাল, দবল্যু.ঐচ.ও. এস.ই.এ.আর.ও.গী দাইরেক্তর; দাঃ পুনম খেত্রপাল সিংহ, দবল্যু.ঐচ.ও. এস.ই.এ.আর.ও.গী রিজনেল দাইরেক্তরসু মীফম অদুদা শরূক য়াখি।

****