حکومت ہند کی  ایک اہم ہائیڈرو پاور کمپنی  اور  ’منی رتن‘ زمرہ -1کی صنعت  نے  حکومت ہند کو  مالی برس 21-2020 کے لئے ،  21  اکتوبر  2021  کو  حکومت ہند کو  249.44  کروڑ روپے کا  حتمی  ڈیوڈنڈ ادا کیا۔ این ایچ پی سی  کے  سی ایم ڈی  جناب اے کے سنگھ  بجلی اور  جدید  نیز قابل تجدید  توانائی کے مرکزی وزیر  جناب آر کے  سنگھ کو  26  اکتوبر  2021  کو نئی دہلی میں ادائیگی کی  اطلاعاتی  ایڈوائز  سپرد کی۔ اس موقع پر  حکومت ہند   میں  سکریٹری  (بجلی) جناب آلوک کمار  اور  حکومت ہند میں  ایڈیشنل سکریٹری  (بجلی)  جناب ایس کے جی راہتے بھی موجود تھے۔ علاوہ ازیں مالی برس  21- 2020  کے لئے  890.85 کروڑ  روپے کا عبوری  ڈیوڈنڈ 5  مارچ  2021  کو  ادا کیا گیا تھا، جس کے ساتھ ہی  مالی برس 21-2020  کے لئے  مجموعی ڈیوڈنڈ 1140.28  کروڑ روپے   ہو گیا ہے۔

کمپنی کے  بورڈ آف ڈائریکٹرس  نے  10  جون  2021  کو  منعقدہ اپنی میٹنگ میں  0.35  روپے  فی  اکیوٹی  شیئر  یعنی   مالی برس  21-2020  کے لئے  فیس ویلیو کا 3.50  فیصد کی  شرح سے  حتمی  ڈیوڈنڈ  کی سفارش کی تھی، جسے  29  ستمبر  2021  کو  اے جی ایم میں   منظوری دی   گئی تھی۔ اس کے علاوہ  1.25 روپے  فی  اکیوٹی شیئر یعنی  فیس  ویلیو  کا  12.50  فیصد کے حساب سے عبوری ڈیوڈنڈ کی ادائیگی  5  مارچ  2021  کو کی گئی تھی۔ اس طرح  1.60  روپے  فی شیئر  کا مجموعی ڈیوڈنڈ مالی برس 21-2020  کے لئے  ادا کردیا گیا ہے۔ این ایچ پی سی کے پاس   آج  7  لاکھ شیئر  ہولڈرز (تقریبا ) ہیں اور  مالی برس  21-2020  کے لئے مجموعی  ڈیوڈنڈ کی ادائیگی  کردی گئی ہے جو  عبوری ڈیوڈنڈ  سمیت  مجموعی طور پر  1607.21  کروڑ  روپے  ہے، جب کہ  یہ  مالی برس  20-2019  کے لئے  1506.76  کروڑ روپے تھی۔

سی پی ایس ایز  کی سرمایہ جاتی تشکیل نو سے متعلق سرمایہ کاری  اور سرکاری اثاثوں کے  انتظامیہ  کے محکمہ  (ڈی آئی پی اے ایم) کے رہنما خطوط مورخہ 27  مئی 2016  کے ضابطوں کے تحت  ہر ایک  سی پی ایس یو کو  پی اے ٹی کا  30  فیصد کی شرح یا  مجمو عی مالیت کا  5  فیصد ،  جو کوئی بھی زیادہ ہو، کے حساب سے  کم سے کم  سالانہ  ڈیوڈنڈ ادا کرنے کی  ضرورت ہے۔ان رہنما خطوط کے مطابق این ایچ پی سی نے  مجموعی طور پر 1607.21  کروڑ روپے کا  مجموعی  ڈیوڈنڈ  ادا کیا ہے جو کہ مالی برس 21-2020  کے لئے   کمپنی کی  مجموعی مالیت کا  5.08  فیصد  اور  پی اے ٹی کا  49.71  فیصد  ہے۔

این ایچ پی سی نے   مالی برس 21-2020  میں  3233.37  کا  مجموعی  منافع کمایا ، جو  پچھلے سال  اسی مدت میں  3007.17  کروڑ روپے تھا۔

۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- اع- ق ر)

U-12214