اکتوبر 2021، نئی دہلی:

فوج کے کمانڈروں کی دوسری کانفرنس نئی دہلی میں 25 تا 28 اکتوبر منعقد ہوگی۔ آرمی کمانڈرز کانفرنس ایک اعلیٰ سطحی دو سالہ تقریب ہے جو ہر سال اپریل اور اکتوبر میں منعقد کی جاتی ہے۔ یہ کانفرنس تصوراتی سطح پر بات چیت کے لیے ایک ادارہ جاتی پلیٹ فارم کا کام دیتی ہے، جو بھارتی فوج کے لیے اہم پالیسی فیصلوں پر منتج ہوتی ہے۔ کانفرنس بھارتی فوج کی سینئر قیادت کے لیے عسکری امور اور محکمہ دفاع کے اعلیٰ حکام سے گفت و شنید کا ایک رسمی فورم بھی ہے۔

بھارتی فوج کی اعلیٰ قیادت موجودہ / ابھرتے ہوئے سلامتی اور انتظامی پہلوؤں پر غور کرے گی تاکہ سرحدوں پر حالات اور کوویڈ 19 عالمی وبا کے پس منظر میں درپیش چیلنجز کے تناظر میں بھارتی فوج کے مستقبل کے راستے کا تعین کیا جاسکے۔

کانفرنس کے دوران، وزیر دفاع جناب راج ناتھ سنگھ خطاب کریں گے اور آرمی کمانڈروں کے ساتھ بات چیت کریں گے۔ دفاعی سربراہ نیز بھارتی بحریہ اور بھارتی فضائیہ کے سربراہان بھی سہ فریقی ہم آہنگی کے لیے بھارتی فوج کی سینئر قیادت سے خطاب کریں گے۔

***

(ش ح - ع ا - ع ر)

U. No. 12151