কেন্দ্রগী হকশেল সেক্রেতরী শ্রী রাজেশ ভুশন্না ঙসি রাজ্যশিং অমসুং য়ু.তি.শিংগী হকশেল সেক্ত্রেতরী অমসুং নেস্নেল হেলথ মিসন (এন.ঐচ.এম.)গী মিসন দাইরেক্তরশিংগা লোয়ননা কোবিদ১৯ ভেক্সিনেসনগী চংশিল্লিবা ফিভমশিং  ভিদিও কনফরেন্স (ভি.সি.)গী খুৎথাংদা য়েংশিনখ্রে। মীফম অসিগী পান্দমদি লৈবাক শিনবা থুংনা অনিশুবা দোজ ভেক্সিন কাপথোকপা হেনগৎহন্নবা রাজ্য অমসুং য়ু.তি.শিংদা তকশিনবা অসিনি। হায়রিবা অসি লৈবাক অসিনা ২০২১গী ওক্তোবর ২১দা দোজ কোতি ১০০ কাপথোকখিবগী মাইলস্তোন মায় পাকপা ঙমখিবদগী লাকখিবনি।

ভেক্সিন অসি কাপ্পা য়ারবা বেনিফিসরীশিংনা অনিসুবা দোজ ফংদবা লৈরিবা অসি উৎলদুনা, কেন্দ্রগী হকশেল সেক্রেতরীনা রাজ্য অমসুং য়ু.তি.শিংদা বেনিফিসরীশিংনা মখোয়না মতম লোইরদুনা অনিশুবা দোজ ঙাইরিবশিংদা মিৎয়েং চংনবা কন্না হায়খি।  

রাজ্য/য়ু.তি.শিংদা ভেক্সিনেসনগী খোঙজেল য়াংশিন্নবা অমসুং লৈবাক শিনবা থুংনা কোবিদ ভেক্সিনেসন দ্রাইবকী মখাদা লৈবাক অসিনা চহি অসিগী লোইশিল্লকপদা কাপ্পা য়ারবা মীওইশিং ভেক্সিন কাপথোক্নবা চংশিল্লিবা অসিগা লোয়ননা কবরেজ তৌনবসু তকশিনখি। হৌজিক ফাওবদা কাপ্পা য়ারবা মীওই ৭৬% অহানবা দোজ কাপথোক্তুনা কোতি ৭১.২৪ য়ৌখ্রে অমসুং অনিশুবা দোজতা ৩২.০% কাপথোক্তুনা কোবিদ ভেক্সিন কোতি ৩০.০৬ য়ৌখ্রে। কোবিদ-১৯ ভেক্সিনেসনগী বেনিফিসরীশিং কেন্দ্র খায়না (অমসুং জিলা খায়নসু)  লিস্ততা লৈরি। সেক্তেতরীনা খঙহনখি মদুদি কাপত্রিবা বেনিফিসরীশিংগী লিস্ত মতম মতমগী ওইনা কাপথোক্নবা অনিশুবা দোজকীদমক দিস্ত্রীক্ত মাইজিস্ত্রেতশিংনা শিল-লাংবদা শিজিন্নবা য়াই। কাপ্পা য়ারবা বেনিফিসরীশিং হেন্না কাপথোক্নবা, রাজ্য/য়ু.তি.শিংদা অসিগুম্বা জিলা খায়না চংশিল্লিবা থবকশিং নুমিৎ খুদিংগী ওইনা য়েংশিন্নবা ফোংদোক্লি। 

রাজ্য অমসুং য়ু.তি.শিংবু মিৎয়েং চংনবগীদমক নেম্না কবরেজ তৌবা জিলাশিং খঙদোক্নবা অমসুং খোঙজং চংশিনবা ঙম্নবা, লোকেলগী ওইবা অৱাবশিং কোক্নবা, কোবিদ ভেক্সিনেসন সেন্তর অহেনবা থম্বগী তঙাইফদবা অমসুং খুঙ্গংগী মফমশিংদা থবকশিং লৌখৎপা হেনগৎনবা পাউতাকসু পীখি। মখোয়বু অনিশুবা দোজ কবরেজ হেনগৎননবা মখোয়গী থৌরাংশিং ফোংদোরক্নবসু হায়খি।  

এদ্দিসনেল সেক্তেতরী (হেলথ), দাঃ মনোহর অগ্নানি অমসুং হেলথ মিনিস্ত্রীগী অতোপ্পা মকোক থোংবা ওফিসিএলশিং লোয়ননা রাজ্য/য়ু.তি.শিংগী প্রিন্সিপাল সেক্রেতরী (হেলথ), এদ্দিসনেল চীফ সেক্রেতরী (হেলথ) অমসুং স্তেত সর্ভিলেন্স ওফিসরনা মীফম অসিদা শরুক য়াখি। 

****