লৈবাক পুম্বগী ভেক্সিনেসন দ্রাইব অসিগী মখাদা হৌজিক ফাওবদা ভেক্সিন দোজ করোর ১০১.৩০ কাপথোকখ্রে

হৌখিবা পুং ২৪দা ভেক্সিন দোজ ৬৮,৪৮,৪১৭ কাপখিবগা লোইননা, ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ১০১.৩০ (১,০১,৩০,২৮,৪১১) গী পন্দুপ হেনবা ঙমখ্রে। মসি সেসন ১,০০,২৯,৬০২ খুত্থাংদা কাপখি।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

হৌখিবা পুং ২৪ অসিদা মীওই ১৭,৬৭৭ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,৩৫,৩২,১২৬ দা হেনগৎহনখি (লাইচৎ হৌবদগী হৌদুনা)।

মসিনা মরম ওইরগা ভারতকী ফগৎলকপগী চাং অসি ৯৮.১৬% দা লৈরি‍।‍ নাবা ফগৎলকপগী চাং অসি মার্চ ২০২০দগী য়েংলকপদা হৌজিক্কী ওইনা খ্বাইদগী ৱাংবা ওইরি।

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ১১৮নি অসিদা নোংমগী ওইবা অনৌবা রিপোর্ত তৌরকপা কেস মশিং অসি ৫০,০০০দগী তাদুনা লাক্লি।

হৌখিবা পুং ২৪দা অনৌবা কেস ১৬,৩২৬ রিপোর্ত তৌরকখি।

এক্তিব কেসলোদ লাখ ২গী মখাদা লৈরি অমসুং হৌজিক্কী ওইনা ১,৭৩,৭২৮দা লৈদুনা নুমিৎ ২৩৩গী মনুংদা খ্বায়দগী নেম্বা ওইরি। এক্তিব কেস মশিং অসি লৈবাকসিগী অপুনবা পোজিতিব কেসকী মশিংগী ০.৫১% ওইরি, হায়রিবা অসি ২০২০ মার্চতগী খ্বায়দগী নেন্বা ওইরি।

লৈবাক শিনবা থুংনা তেস্তিং কেপাসিতী চাওনা হেনগৎহনখি। হৌখিবা পুং ২৪ অসিদা লৈবাক অসিদা পুন্না তেস্ত মশিং ১৩,৬৪,৬৮১ তৌখি‍। হৌজিক ফাওবদা ভারতনা পুন্না তেস্ত মশিং করোর ৫৯.৮৪ (৫৯,৮৪,৩১,১৬২) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা চয়োলগী ওইবা পোজিতিবিতী রেত ১.২৪%দা লৈদুনা হৌখিবা নুমিৎ ২৯ নি অসিদা ২%দগী তানা লৈরি। নোংমগী ওইবা পোজিতিবিতী রেত অসি ১.২০%দা লৈরি। হৌজিক্কী ওইনা নোংমগী ওইনা পোজিতিবিতী রেত অসি হৌখিবা নুমিৎ ৫৪নিদা ৩%দগী তানা অমসুং থংন-থংননা নুমিৎ ১৯নি অসিদা অসি ৫%গী মখাদা লৈরি‍।

****