ਪੇਂਡੂ ਵਿਕਾਸ ਮੰਤਰਾਲਾ
ਕੇਂਦਰੀ ਮੰਤਰੀ ਸ਼੍ਰੀ ਗਿਰੀਰਾਜ ਸਿੰਘ ਨੇ ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਦੇ ਤਹਿਤ ਖੇਤੀਬਾੜੀ ਭਵਨ ਵਿੱਚ ਗ੍ਰਾਮੀਣ ਵਿਕਾਸ ਮੰਤਰਾਲੇ ਵਿੱਚ ਫਿਜ਼ੀਕਲ ਅਤੇ ਡਿਜੀਟਲ ਸਵੱਛਤਾ ਦਾ ਨਿਰੀਖਣ ਕੀਤਾ
ਕੇਂਦਰੀ ਮੰਤਰੀ ਨੇ ਕਾਗਜ਼ ਦੇ ਬਿਨਾ ਉਪਯੋਗ ਵਾਲੀ ਕਾਰਜਪ੍ਰਣਾਲੀ ਨੂੰ ਹਾਸਲ ਕਰਨ ਲਈ ਟੈਕਨੋਲੋਜੀ ਦੇ ਉਪਯੋਗ ‘ਤੇ ਜ਼ੋਰ ਦਿੱਤਾ
Posted On:
19 OCT 2021 5:41PM by PIB Chandigarh
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ, ਦੇਸ਼, ਭਾਰਤ ਦੀ ਆਜ਼ਾਦੀ ਦੇ 75 ਸਾਲ ਪੂਰੇ ਹੋਣ ਦੇ ਸੰਬੰਧ ਵਿੱਚ ਇੱਕ ਪਾਸੇ ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਮਨਾ ਰਿਹਾ ਹੈ , ਉੱਥੇ ਹੀ ਅਕਤੂਬਰ ਮਹੀਨੇ ਵਿੱਚ ਭਾਰਤ ਨੂੰ ਸਵੱਛ ਬਣਾਉਣ ‘ਤੇ ਜ਼ੋਰ ਵੀ ਦਿੱਤਾ ਜਾ ਰਿਹਾ ਹੈ। ਕੇਂਦਰੀ ਗ੍ਰਾਮੀਣ ਵਿਕਾਸ ਅਤੇ ਪੰਚਾਇਤੀ ਰਾਜ ਮੰਤਰੀ ਸ਼੍ਰੀ ਗਿਰੀਰਾਜ ਸਿੰਘ ਨੇ ਸਵੱਛਤਾ ਅਤੇ ਸੇਵਾ ਦੇ ਅਭਿਯਾਨ ਨੂੰ ਸਰਕਾਰੀ ਦਫਤਰਾਂ ਵਿੱਚ ਲੈ ਜਾਂਦੇ ਹੋਏ ਅੱਜ ਗ੍ਰਾਮੀਣ ਵਿਕਾਸ ਮੰਤਰਾਲੇ ਦੇ ਕਈ ਅਨੁਭਾਗਾਂ ਦਾ ਨਿਰੀਖਣ ਕੀਤਾ ਅਤੇ ਮੰਤਰਾਲੇ ਵਿੱਚ ਅਪਣਾਈ ਜਾਣ ਵਾਲੀ ਫਿਜ਼ੀਕਲ ਅਤੇ ਡਿਜੀਟਲ ਸਵੱਛਤਾ ਪ੍ਰਥਾਵਾਂ ਦੀ ਸਮੀਖਿਆ ਕੀਤੀ। ਮੰਤਰੀ ਮਹੋਦਯ ਨੇ ਅਧਿਕਾਰੀਆਂ ਨੂੰ ਬਿਹਤਰ ਦਫ਼ਤਰ ਪ੍ਰਬੰਧਨ ਲਈ ਈ- ਫਾਈਲਿੰਗ ਪ੍ਰਣਾਲੀ ਦਾ ਅਧਿਕਤਮ ਉਪਯੋਗ ਕਰਨ ਦਾ ਨਿਰਦੇਸ਼ ਦਿੱਤਾ ।
ਨਿਰੀਖਣ ਅਭਿਯਾਨ ਦੇ ਦੌਰਾਨ , ਮੰਤਰੀ ਮਹੋਦਯ ਨੇ ਕਰਮਚਾਰੀਆਂ ਦੇ ਕੰਮ ਦੇ ਮਾਹੌਲ, ਯੋਗਤਾ ਅਤੇ ਸਿਹਤ ਵਿੱਚ ਸੁਧਾਰ ਲਈ ਸਿਸਟਮ ਅਤੇ ਪਰਿਸਰ ਵਿੱਚ ਫਿਜ਼ੀਕਲ ਅਤੇ ਡਿਜੀਟਲ ਸਵੱਛਤਾ ਦੇ ਮਹੱਤਵ ‘ਤੇ ਬਲ ਦਿੱਤਾ। ਕੇਂਦਰੀ ਮੰਤਰੀ ਨੇ ਇਹ ਵੀ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਭਾਰਤ ਸਰਕਾਰ ਸਵੱਛਤਾ ਨੂੰ ਸਰਵਉੱਚ ਪ੍ਰਾਥਮਿਕਤਾ ਦੇ ਰਹੀ ਹੈ ।
ਕੇਂਦਰੀ ਮੰਤਰੀ ਨੇ ਸੁਝਾਅ ਦਿੱਤਾ ਕਿ ਦਫ਼ਤਰ ਨੂੰ ਅਧਿਕਤਮ ਸੀਮਾ ਤੱਕ ਟੈਕਨੋਲੋਜੀ ਅਤੇ ਇੰਟਰਨੈੱਟ ਦੇ ਉਪਯੋਗ ਦਾ ਲਾਭ ਉਠਾਉਣਾ ਚਾਹੀਦਾ ਹੈ ਅਤੇ ਅਭਿਲੇਖਾਂ ਅਤੇ ਰਿਕਾਰਡਸ ਦੇ ਜਲਦੀ ਅਤੇ ਸੁਰੱਖਿਅਤ ਤਰੀਕੇ ਨਾਲ ਡਿਜੀਟਲੀਕਰਨ ਵਿੱਚ ਤੇਜ਼ੀ ਲਿਆਂਦੇ ਹੋਏ ਬਿਨਾ ਕਾਗਜ਼ ਦੇ ਉਪਯੋਗ ਵਾਲੀ ਕੰਮਕਾਜ ਦੀ ਪ੍ਰਣਾਲੀ ਨੂੰ ਪ੍ਰਾਪਤ ਕਰਨ ਦਾ ਟੀਚਾ ਰੱਖਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਇਹ ਵੀ ਸੁਝਾਅ ਦਿੱਤਾ ਕਿ ਵੱਡੀਆਂ ਅਪ੍ਰਚਲਿਤ ਮਸ਼ੀਨਾਂ ਜਿਵੇਂ ਕੌਪੀਅਰ , ਪੁਰਾਣੇ ਫਰਨੀਚਰ , ਏਸੀ ਆਦਿ ਨੂੰ ਜਨਤਕ ਖੇਤਰ ਵਿੱਚ ਆਧਿਕਾਰਿਕ ਅਤੇ ਪਾਰਦਰਸ਼ੀ ਰੂਪ ਨਾਲ ਰੱਦ ਅਤੇ ਨਿਲਾਮ ਕੀਤਾ ਜਾਵੇ ।
https://twitter.com/girirajsinghbjp/status/1450395286149292034
ਸ਼੍ਰੀ ਗਿਰੀਰਾਜ ਸਿੰਘ ਨੇ ਕਿਹਾ ਕਿ ਡਿਜੀਟਲੀਕਰਨ ਦੇ ਯੁੱਗ ਵਿੱਚ , ਤੇਜ਼ੀ ਨਾਲ ਡੇਟਾ ਪੁਨਰਪ੍ਰਾਪਤੀ ਲਈ ਡੇਟਾਬੇਸ ਦੀ ਡਿਜੀਟਲ ਸਵੱਛਤਾ ਮਹੱਤਵਪੂਰਣ ਹੈ। ਉਨ੍ਹਾਂ ਨੇ ਗੈਰ ਜ਼ਰੂਰੀ ਡੇਟਾ ਦੇ ਸਮੇਂ ਸਿਰ ਰਖ-ਰਖਾਅ ਅਤੇ ਸਵੱਛਤਾ ‘ਤੇ ਵੀ ਬਲ ਦਿੱਤਾ । ਸੰਸਦ , ਕੈਬਨਿਟ , ਆਰਟੀਆਈ , ਸ਼ਿਕਾਇਤ ਆਦਿ ਨਾਲ ਸੰਬੰਧਿਤ ਮਹੱਤਵਪੂਰਣ ਫਾਈਲਾਂ ਨੂੰ ਵਿਭਾਗਾਂ ਵਿੱਚ ਕੁਸ਼ਲ ਸੂਚਨਾ ਸਾਂਝਾ ਕਰਨ ਲਈ ਇੱਕ ਕੇਂਦਰੀ ਭੰਡਾਰ ਵਿੱਚ ਵਿਵਸਥਿਤ ਕੀਤਾ ਜਾਣਾ ਚਾਹੀਦਾ ਹੈ । ਉਨ੍ਹਾਂ ਨੇ ਵਿਭਾਗ ਦੀ ਲਾਇਬ੍ਰੇਰੀ ਵਿੱਚ ਉਪਲੱਬਧ ਕਿਤਾਬਾਂ ਦੇ ਡਿਜੀਟਲੀਕਰਨ ਦਾ ਵੀ ਸੁਝਾਅ ਦਿੱਤਾ ।
https://twitter.com/girirajsinghbjp/status/1450408635893354502
ਮੰਤਰਾਲੇ ਦੇ ਸੰਸਦੀ ਸੈਕਸ਼ਨ ਦੇ ਆਪਣੇ ਦੌਰੇ ਦੇ ਦੌਰਾਨ , ਸ਼੍ਰੀ ਸਿੰਘ ਨੇ 3 - ਆਰ ਯਾਨੀ ਰਿਕਾਰਡ , ਉੱਤਰ ਅਤੇ ਭੰਡਾਰ ਦੇ ਮਹੱਤਵ ‘ਤੇ ਜ਼ੋਰ ਦਿੱਤਾ ਅਤੇ ਅਧਿਕਾਰੀਆਂ ਨੂੰ ਡਿਜੀਟਲ ਹੋਣ ਅਤੇ ਉਸ ਤੋਂ ਪਹਿਲਾਂ ਪੁੱਛੇ ਗਏ ਪ੍ਰਸ਼ਨਾਂ ਦਾ ਭੰਡਾਰ ਰੱਖਣ ਦਾ ਨਿਰਦੇਸ਼ ਦਿੱਤਾ ।
ਨਿਰੀਖਣ ਦੇ ਦੌਰਾਨ ਮੰਤਰੀ ਮਹੋਦਯ ਦੇ ਨਾਲ ਗ੍ਰਾਮੀਣ ਵਿਕਾਸ ਸਕੱਤਰ ਸ਼੍ਰੀ ਐੱਨ.ਐੱਨ. ਸਿਨ੍ਹਾ ਅਤੇ ਮੰਤਰਾਲੇ ਦੇ ਹੋਰ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਸਨ ।
*****
ਏਪੀਐੱਸ/ਜੇਕੇ/ਆਈਏ
(Release ID: 1765250)
Visitor Counter : 152