সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রিভান্সেস, পেনসন্স, এতোমিক ইনর্জী অঞসুং স্পেস, দা. জিতেন্দ্র সিংহনা অৱাং-নোংপোক অসি ভারতকী বাইও-ইকনোমিক হব ওইনা শেমগৎকদবনি হায়না ফোঙদোকখ্রে।

মন্ত্রীনা হায়খি, নোংপোক থংবা হিমালয়ন রিজন অসি মেগা-বাইওদাইভর্সিতী রিচ জোনশিংগী মনুংদা অমা ওইরি অমসুং মালেমগী বাইওদাইভর্সিতী হোতস্পোত ৩৪গী মনুংদা অমা ওইরি। মহাক্না হায়খি, বাইওতেক্নোলোজীগী ওইবা থৌরাংশিংগী খুত্থাংদা মরু ওইনা লমদম অসিগী অমসুং অপুনবগী ওইনা লৈবাক অসিগী শেন্মীৎলোন চাউখৎহন্নবা মমল য়াম্লবা জেনেতিক রিসোর্সশিং শীজিন্নবা মথৌ তাই। মহাক্না ইম্ফালদা লৈবা ইন্সতিত্যুত ওফ বাইও-রিসোর্সেস এন্দ সস্তেনেবল দিবেলপমেন্ত (আই.বি.এস.দি.) চৎলুরবা মতুংদা ৱা ঙাংখিবনি।

দা. জিতেন্দ্র সিংহনা হায়খি, মোদী সরকারনা লেপ্তনা অমসুং নৌহৌনা মীৎয়েং থমখিবা অসিনা মরম ওইদুনা ভারত অসি ২০২৫ ফাওবদা গ্লোবেল বাইও-মেন্যুফেকচরিং হব অমা ওইনা মশক খঙলগনি অমসুং মালেমগী মকোক থোংবা লৈবাক ৫গী মনুংদা চনবা ঙম্লগনি। মহাক্না হায়খি, ভারতকী বাইও-ইকনোমী অসি হৌজিক লৈরিবা দোলর বিলিয়ন ৭০ অসিদগী ২০২৫ ফাওবদা দোলর বিলিয়ন ১৫০গী পান্দম য়ৌবা ঙম্নবা লম্বীদা চাংশিল্লি অমসুং ২০২৪-২৫ ফাওবদা প্রধান মন্ত্রীগী দোলর ত্রিলিয়ন ৫গী পন্দম অদু য়ৌবদা কান্নবা মওংদা শরুক তম্লগনি।

দা. জিতেন্দ্র সিংহনা হায়খি অৱাং-নোংপোক থংবা লমদম অসি পাম্বী, শা-ঙা অমসুং মাইক্রোবিএল রিসোর্সশিংগী জেনেতিক ত্রেজর হাউস অমা ওইবনা লমদম অসিগী ওইবা সমস্যাশিং কোকহন্নবা অমসুং মফম অসিগী মীয়ামগী খুন্নাইগী লৈরিবা ফীভম ফগৎহন্নবা প্রোগ্রামশিং ইমপ্লিমেন্ত তৌনবা বাইওতেক্নোলোজীগী ওইবা রিসর্চ পাইখৎনবা প্রধান মন্ত্রী নরেন্দ্র মোদীগী পাউতাকশিংগী মতুং ইন্না দিপার্তমেন্ত ওফ বাইওতেক্নোলোজীনা অৱাং-নোংপোক লমদম অসিদা কেপাসিতী লৈহন্নবা মরু ওইবা থৌদাং অমা লৌখি।

দা. জিতেন্দ্র সিংহনা হায়খি আই.বি.এস.দি. অসি স্তেত-ওফ-দি-আর্তকী খুদোংচাবশিংগা লোয়ননা লমদম অসিগী সেন্তর ওফ এক্সিলেন্স অম ওইবতা নত্তনা মসিনা মীয়ামগী য়াইফনবা থবক পীনবা মাইকৈদা তেক্নোলোজীগী পেকেজশিংসু পীগনি। ইন্সতিত্যুত অসিনা মখোয়গী থবক্কী খুত্থাংদা মীয়ামগী থাজবা হেনগৎহন্নবা মীয়ামগী খনবা অমসুং ইমেজিনেতিব অমসুং ইন্নোভেতিব এপ্রোচশিং ঙাকপা চৎকদবনি। মন্ত্রীনা মখা তারদুনা হায়খি ইন্সতিত্যুত অসিনা রিসর্চ এপ্লিকেসন অমসুং তেক্নোলোজী, প্রদক্তশিং অমসুং প্রোসেসশিং কম্মর্সিএলাইজেসন তৌনবগীদমক ভাইব্রেন্ত, এক্তিব অমসুং অফবা সেন্তর অমা ওইগদবনি অমসুং অপুনবা অৱাং-নোংপোক লমদমদা নুংঙাইবা ফংহন্নবা লমদম অসিগী মমল য়াম্লবা বাইও-রিসোর্সশিংদা য়ুম্ফম ওইরগা ইন্তর্প্রাইসশিং প্রমোত তৌগদবনি।

দা. জিতেন্দ্র সিংহনা হায়খি আই.বি.এস.দি.দা লৈরিবা দি.বি.তি.-ফন্দেদ ফাইতো-ফার্মাস্যুতিকেল লেব ফেসিলিতী অসিনা অৱাং-নোংপোক থংবা লমদমগী ফাইতো-ফার্মাস্যুতিকেল মিসন থৌগৎলি। মিসন অসিগী পান্দমদি দোক্যুমেন্তেসন হেনগৎহনবনি, য়েলহৌঙৈদগী লৈরক্লবা হেল্থকিয়র প্রেক্তিসশিংগী সাইন্তিফিক ভেলিদেত অমসুং ইভাল্যুত তৌবা অসি মরু ওইবা খোঙথাং অমনি অমসুং অৱাং-নোংপোক্কী অচৌবা প্লান্ত রিসোর্সশিং অমসুং মখল কয়াগী য়েলহৌঙৈগী প্রেক্তিসশিংগী মতাংদসু অখন্ননা মরু ওই। মহাক্না হায়খি, লোকেল বাইও-রিসোর্সশিংগা লোয়ননা প্রদক্তশিং, প্রোসেসশিং অমসুং তেক্নোলোজীশিং দিবেলপ তৌবদা পাইখৎলিবা ত্রান্সফোর্মেস্নেল এপ্রোচশিং অসিনা য়েলহৌঙৈগী লৌশিংদা য়ুম্ফম ওইবা থেরাপ্যুতিক এজেন্তশিং পুথোকপদা মতেং ওইরগনি, মসিনা লমদম অসিগী সোসিও-ইকনোমিক্কী ওইবা খুমাং চাউশিনবা লোয়ননা ত্রেদিস্নেল হেল্থ কিয়র প্রেক্তিসনরশিংদা কান্নবশিং ফংহল্লগনি।

তোঙান-তোঙানবা মাই পাকখ্রবা থৌরাংশিংগী খুদমশিং পীরদুনা দা. জিতেন্দ্র সিংহনা হায়খি মেঘালয়গী লৌমীশিংগী লৌবুশিংদা হায়-ক্বালিতী প্লান্তিং মেতরিএল শীজিন্নদুনা শিলোংগী বাইও-রিসোর্সেস দিবেলপমেন্ত সেন্তর অমসুং অসামগী মন্দিরাদা লৈবা ইন্সতিত্যুত ওফ হোর্তিকলচর তেক্নোলোজীদা পুন্না সস্তেনেবল এগ্রো-তেক্নোলোজীগী ওইবা থৌরাংশিংগা লোয়ননা স্ত্রোবেরী কলতিভেসনগী পাইলোত স্কেল দেমোনস্ত্রেসনশিং তৌবা প্রোজেক্ত অমা দি.বি.তি.না সপোর্ত তৌখি। মনিপুরদা লৈবা লৌমীশিংদা স্ত্রোবেরীগী ইলাইত ভেরাইতীশিংগী তিসু-কলচর তৌরগা থাবা প্লান্তলেত ৫০ য়েন্থোক্নবা প্রপোজ তৌখিবগী মতাংদা মহাক্না ফোঙদোকখি।

মসিগা মান্ননা দি.বি.তি.না শোত-তিপ গ্রাফতিং তেক্নোলোজীগী খুত্থাংদা ক্বালিতী প্লান্তিং মেতরিএল পুথোক্তুনা মরু ওইবা উহৈ অমা ওইরিবা খাসি মন্দারিনগী প্রদক্সন অমসুং প্রদক্তিবিতী হেনগৎহন্নবা প্রোগ্রাম অমা দিজাইন তৌখি। প্রোগ্রাম অসিনা প্রোজেক্ত অসিগী চহি অহুমগী মতমগী মনুংদা খাসি মন্দারিন অমসুং স্বীত ওরেঞ্জকী সর্তিফাইএবল দিজিজ-ফ্রী ক্বালিতী প্লান্ত লাখ মরি পুথোক্নবা অমসুং লমদম অসিদা য়ামদ্রবদা লৌমী ১,০০০গী কেপাসিতী হেনগৎহন্নবা পান্দম অমা থমখি। অসামগী তিন্সুকিয়াগী এ.এ.য়ু.-সাইত্রস রিসর্চ স্তেসনদা গ্রাফত তৌরবা খাসি মন্দারিন পাম্বী য়াংখৈ পীখ্রে অমসুং মনিপুরগী লৌমীশিংদসু খুৎশিন্নরগনি হায়না মন্ত্রীনা মখা তাখ্রে।

দি.বি.তি.না অসামগী রাজ্যদা চাউনা দিমান্দ লৈরিবা মালভোগ লফোই অসিগী ক্বালিতী প্লান্তিং মেতরিএল চাউনা প্রদক্সন তৌনবা কাহিকুচিদা লৈবা হোর্তিকলচরেল রিসর্চ স্তেসন, অসাম এগ্রিকলচরেল য়ুনিভর্সিতী (এ.এ.য়ু.)দা বাইওতেক-কিসান হব অমা লিংখৎখ্রে। মনিপুরগী লৌমীশিংদা চাউরাক্না মেক্রো-প্রোপাগেত তৌরবা মালভোগ লফোই ৫০ য়েন্থোক্নবা প্রপোজ তৌখ্রে।

<><><><><>