য়ুনিয়ন হেলথ সেক্রেতরী, শ্রী রাজেশ ভুশন্না হেলথ সেক্রেতরীশিং অমসুং রাজ্য/য়ু.তি.শিংগী এন.ঐচ.এম. এম.দি.শিংগা লোয়ননা ঙরাং কোবিদ১৯ ভেক্সিনেসনগী চংশিল্লিবা থবকশিং ভিদিও কনফরেন্স (ভি.সি.)গী খুত্থাংদা য়েংশিনখ্রে। মালেমগী ওইনা খ্বায়দগী চাউবা খোঙজং অমা ওইনা ইকাই খুম্নরবা প্রধান মন্ত্রী, শ্রী নরেন্দ্র মোদীনা ২০২১গী জানুৱারী ১৬তা লৈবাক শিনবা থুংনা কোবিদ১৯ ভেক্সিনেসন হৌদোকখ্রে। 

লৈবাক অসিনা দোজ বিল্লিয়ন অমা নক্না কাপথোকখিবা উৎলদুনা, হেলথ সেক্রেতরীনা রাজ্য/য়ু.তি.শিংবু নাগরীক পুম্বা ভেক্সিন কাপ্পদা হোৎনখিবদা হরাওবা ফোংদোকখ্রে। হায়রিবা অসিদা কাপ্পা য়ারবা মশিং য়াম্লবা বেনিফিসরীশিংনা মখোয়গী অনিশুবা দোজ ফংদ্রি। রাজ্য/য়ু.তি.শিংনা অনিশুবা ভেক্সিনেসন দোজতা মিৎয়েং চংনবা কন্না তকশিল্লি।

মসিদা পনখি মদুদি অনিশুবা দোজকীদমক কাপ্নবা ঙাইরিবা মীওইশিংগী মতিক চানা ভেক্সিন লৈবা রাজ্য কয়া অমা লৈরি। হায়রিবা থবকশিং অসি মপুং ফানা লোয়শিন্নবা ভারত সরকারনা রাজ্য/য়ু.তি.শিংদা অহেনবা ভেক্সিন দোজ পীনবা ফিভম শাদুনা লৈরি। মখোয়না ভেক্সিনেসন দ্রাইব অসি হেন্না য়াংশিন্নবসু পুক্নিং থৌগৎলি।    

কবরেজ নেম্না লৈবা দিস্ত্রীকশিং খঙদোক্নবা মিৎয়েং চংনবগীদমক রাজ্য অমসুং য়ু.তি.শিং পাউতাক পীখ্রে অমসুং খুঙ্গংগী মফমশিংদা অহেনবা কোবিদ ভেক্সিনেসন সেন্তরশিং অহেনবা পীনবা, অৱাবা কোক্নবা হোৎনবা পুক্নিং থৌগৎপা তঙাই ফদবা লৈ। মখোয়না অনিশুবা দোজ কবরেজ হেনগৎনবা মখোয়গী লালোং পীরক্নবসু হায়খ্রে।

হকশেল মন্ত্রালয়না ইন্তর্নেস্নেল ত্রাবেলগীদমক হৌখিবা চহি অমদগী এস.ও.পি. কয়া অমা পীদুনা লাক্লি। মসিদা হোম এফিয়র্স, ব্যুরো ওফ ইম্মিগ্রেসনগী মিনিস্ত্রী, সিবিল এবিএসনগী মিনিস্ত্রী অমসুং এক্সতর্নেল এফিয়র্সকী মিনিস্ত্রী য়াওনা স্তেকহোল্দরশিংগা লোয়ননা কন্সল্তেসন্দা লমজিং লমতাং য়েংশিনবগী থবক চংশিল্লি। রাজ্য/য়ু.তি.শিংদা মখোয়গী অনিং অপাম্বা ফোংদোরক্নবসু হায়রি।

এম.ও.ঐচ.এফ.দবল্যু.গী এ.এস. (হেলথ), দাঃ মনোহর অগ্নানি অমসুং এম.ও.ঐচ.এফ.দবল্যু.গী জে.এস. (হেলথ) শ্রী লাব আগর্ৱাল লোয়ননা প্রিন্সিপাল সেক্রেতরী (হেলথ), এদ্দিসনেল চীফ সেক্রেতরী (হেলথ) অমসুং মরী লৈনবা রাজ্য অমসুং য়ু.তি.শিংগী স্তেত সর্বিলেন্স ওফিসরশিংনা মীফম অসিদা শরুক য়াখি। 

****